急！懷疑小兒ADHD ! 請教協康會vs私家vs心理醫生評估分別

wang88

小兒7歳小二級，老師覺得小兒上堂經常無法專注，加上其他行為方面亦好像是ADHD!所以打算為仔仔評估！

想請教協康會及一些機構跟私家精神科醫生和心理醫生做的事有任何分別？協康會我知大概要＄6000做評估，私家精神科醫生大約千幾-＄2000.1次，心理醫生都係千幾一次！其實三方面評估可信程度高d和有乜分別？

另外，其實我都打算排政府那邊，如真的證實有ADHD,私家醫生或者協康會會否出報告讓我可以在政府那邊做治療？這樣我就唔需要再睇私家普通門診攞轉介信去政府那(emoji)等評估！

kmmum

SEN 小朋友普遍在幼稚園 階段會見到問題, 幼師會建議家長帶小朋友做評估, 由於6歲才可以開藥, 所以,會先見CP 做2小時詳細評估. $4-6K 起(E.G 協康/小童)CP 只會寫有ASD/ ADHD 症狀. 家長再拎轉介信去正苦精神科排期.

排期一年起. 小朋友已經P1, 正苦CP 又會再見家長幾次, 小朋友會上幾堂評估堂,才會被評是否ADHD. 如果是ADHD. 再排正苦精神科醫生.  這樣已經P3/P4了.

至於見私家精神科,通常是家長之前已經見過CP. 小朋友被老師投訴, 等不到排正苦而見私家.  

有問題可PM 再傾.

wang88

謝謝你的回覆！其實老師不是專登打電話給我投訴兒子，只是因為兒子沒有提交功課薄（但兒子說他是交給了負責收功課的同學，不過那同學說沒有，誰是誰非真的不知！早前也試過不見了一本習作，最後老師發現不知是收功課同學或老師自己將本習作放在其他習作一齊。但兒子的確是沒有手尾）所以老師打電話給我是想說如果真的沒有要寫回手冊上，因為要計平時分，之後順便跟我說她跟幾個科主任都覺得兒子上堂很短時間就好自然唔專心，即使將他安排坐最前也是這樣，但應該沒有搞其他事，學校社工不是專業，經學校轉介好耐，所以叫我帶他出外評估一下。

我其實好想快點評估搞清楚件事，我睇過協康會寫會先見父母溝通兒子情況，但唔一定會做評估，視乎協康會的人想法！所以我好想知私人機構丶精神科醫生or心理醫生是怎樣評估小朋友，用幾多時間評估才確診！

我覺得好多小朋友專注力不足，但唔一定是ADHD, 所以唔想單憑父母的話，+短時間的觀察就決定是ADHD,所以才好想知道他們的評估方法的分別！

不過記得有這(emoji)其他Jm提過如直接搵精神科醫生評估，基本上預咗會確認兼食藥，否則不如唔好搵精神科醫生 - 對嗎？

我不是單一只想政府呆等評估，是想搵私人機構or醫生評估後，如真的確診一方面治療，一方面等政府機構。所以好希望這裡的Jm講返當初懷疑是在那裡評估，做了什麼評估方法及時間才確定！

DollyCC

wang88 發表於 16-10-22 14:18
小兒7歳小二級，老師覺得小兒上堂經常無法專注，加上其他行為方面亦好像是ADHD!所以打算為仔仔評估！

想請 ...

我是在協康私人評估攞封信去直接去精神科排期

Mrs_Cat_Cat

原帖由 wang88 於 16-10-23 發表
本帖最後由 wang88 於 16-10-23 13:12 編輯

謝謝你的回覆！其實老師不是專登打電話給我投訴兒子，只是因 ...

冇錯，私家醫生見得佢，係唔係都會話你有少少/輕微啦，跟著叫你試药，佢見父母半小時，小孩半小時，就診斷佢係，其實都幾兒戲，所以我打算找協康再做，及排政府。

wang88

Mrs_Cat_Cat 發表於 16-11-1 23:22
冇錯，私家醫生見得佢，係唔係都會話你有少少/輕微啦，跟著叫你試药，佢見父母半小時，小孩半小時，就診斷 ...

協康需要等另行通知幾時有期做，政府那邊排了出年4月中見心理醫生，等待這段時間都想帶阿仔去做些專注力訓練，唔知邊到有堂上？

bbpooh

樓主，自己有沒有上网睇過資料，如果你平時有睇個仔做家課和溫習，你睇完資料，應該有小小感覺小朋友問題。我小朋友是小二時，我發覺溫習和做家課出現好大問題，同老師傾過，主科老師同學校社工傾完，我再把家中情況告知社工，我自己都搵左主科老師了解左。睇完好多資料，我地心中有數，社工也建議我們直接找精神科醫生，不要浪費金錢和時間找評估。

睇醫生當日，我帶埋一個班主任的問卷，醫生再同我地了解情況，又單獨見個仔，確診了，我們不意外，因為他的symptom顯然而見。咁就開始了食藥的生涯。

carbeN_NG

回覆 wang88 的帖子

樓主, PM了妳

wang88

想請問有食藥的小朋友係咪要特定食一段時間，才可以治療ADHD, 否則食1-2星期是沒有用的？
因為以我理解食藥後小朋友會專心d，但可能有副作用和藥力過後會有機會失控！

我小朋友食咗少於2星期便停了，因為上各科堂時，老師說有d堂好咗d，某d科堂沒有分別，某科依舊唔專心上堂，也沒有太大副作用。之後考試也有給他吃藥，但不知是我俾咗d壓力佢（因為在家做練習做得太慢，頭2日是我跟他溫習，令佢考試前話緊張）亦或d藥令佢考試時經常擦字，最終只做了一半，第三天老公跟他溫習，但依舊只做了一半，小兒自己也不明白為何經常要擦！所以第四、五天考試也停藥了，雖然仍是做唔哂，但只剩少部分沒有做，沒有像之前差不多一半無做！

近排照舊正常上堂，老師覺得小朋友要食藥，因為老師覺得啲藥物要食一段時間才會有治療作用，但我不清楚有沒有理解錯啲藥物只係食了就會當天專心上堂，最重要靠其他行為治療或省訓練才可以改善小朋友上堂不專心問題 - 對嗎？還是老師說得對？一定要食一段時間才會發揮功效及治療作用？食藥太短時間也不會起到任何作用？而家小朋友食緊Ritalin！