補習係咪真的好勁？

jadenhayden

十五十六，見好多人都去補習，其實補習嘅小朋友，係咪都能夠突圍而出？係咪真係叻啲架？

MASAYA

jadenhayden 發表於 16-10-21 20:36
十五十六，見好多人都去補習，其實補習嘅小朋友，係咪都能夠突圍而出？係咪真係叻啲架？
...

其實你要叻d定成績好d?

santakit

jadenhayden 發表於 16-10-21 20:36
十五十六，見好多人都去補習，其實補習嘅小朋友，係咪都能夠突圍而出？係咪真係叻啲架？
...

其實所講的補習，是日日去補習社有補全科的導師跟功課嗰種?定專學一樣野嗰種？eg 學grammer  , 寫作，演講，drama, 奧數嗰d?
噤你見人地補嗰d學生是讀咩學校架？

mwfwinnie

jadenhayden 發表於 16-10-21 20:36
十五十六，見好多人都去補習，其實補習嘅小朋友，係咪都能夠突圍而出？係咪真係叻啲架？
...

資質亦有影響

補習只係輔助，將小朋友唔明既野講清楚，做練習加強佢認識。透過練習可反映佢地明唔明 。補習亦會教小朋友技巧

brother4

想又勁又叻好似不是去補習，是參加興趣活動，提升小朋友小宇宙/快D開竅，如游泳，拳等

Barbe

唔係好明點樣叫突圍？同埋點定位為叻？級一？又讀得又玩得？我女啲同學個個都又讀得又玩得，真心覺得呢輩啲細路人人都咁叻

其實如果人地做左又work, 又肯過料比你，你1516 啲咩野？

wan_sosin

補習真係勁勁勁。。。賺錢。
如果純在補習社做下功課溫下默書，只係幫輕工作忙碌的家長。
專科專補又是另一會事。
我曾經在名校補習社做過PT, 家長有時是近乎迷信咁樣去補習。
樓主了解下自己個小朋友的真正需要，及了解下補習的作用，才好去選擇

Jane1983

有好老師有方法、有耐心教識小朋友唔明的野。佢識晒，啓發佢學相關而更深一層的野。到考試前，又會出卷比佢練吓。做到甘樣，頑石都點頭，點會無用。

不過現實係好難揾到，通常亞媽頂上。

kayi0556

好多父母都要返工, 冇人睇住d 細路, 惟有去補習社託管順便做埋功課
有d 就唔想放工返黎重要跟小朋友學業, 所以又係補習社

全職媽媽最好就自己教, 但eq真係低得, 見到d 字打風, 個人又開始燥
過多陣又見到d 題目錯晒, 真係會忍唔住鬧到佢上天花板

我當初搵補習就係因為唔想破壞親子關係, 所以請補習, 本身冇諗咁多, 所以補全科, 後來老師反映, 就轉補專科, 見到大囡成績進步好大, 細囡成績唔錯, 自己都驚嘆補習的神奇威力

老師唔單單響學業幫左好大忙, 重令我細囡愛上睇書, 真係可以書不離手, 連旅行都要帶書去睇(我同我c6都唔係睇書類型)

講真我真係好感謝老師, 大囡試過鬧完之後離家出走, 都係老師幫我搵返個囡返黎, 之後幫我地修補返親子關係

你問我補習係唔係會叻d? 我可以講一定唔係, 但如果你搵到個良師, 你同你小朋友必定得著唔少

teddybear414

我覺得好睇老師~~~大女轉過三個老師，直到而家呢個物教得好個女，小時啲字打風，而家靚仔好多，以前驚英文，而肯睇下英文書
哥哥就今年先開始，都係俾呢個老師教~~~暫時都無乜特別~~~
我覺得教嘅方法同耐性好重要
自問自己生咗三個做唔到==加上我唔係全職媽咪，唔想係功課上有太大摩擦

MrBeast

真depends on 找不找到好老師

little_child

其實想睇你需要d乜

功課輔導: 只要幫手做/對功課

專科補習: 針對學生, 改善成績. 好睇老師質素

vansyau

我自己做私人補習既，以前都做過補習社。

如果你問補習有冇用，其實其他媽咪講得好啱真係好睇個老師。補習社多數都冇乜用，因為一個導師要對太多學生，根本唔會有時間可以專注係你小朋友嘅需要上面，甚至乎連佢嘅強弱都睇唔清楚。另外補習社嘅導師多數都係大學生part-time，佢哋嘅心態係打份工，所以唔會點樣花心機係小朋友身上。就算佢哋真係想Focus係你嘅小朋友身上，老細都唔會容許佢哋咁做，因為咁樣對老細黎講係一個蝕錢嘅行為，佢哋嘅責任只係幫你對功課就算數。

如果你搵嘅係私人補習導師，就要取決於個導師嘅教學方法。有啲導師只係當自己打工收錢，你想佢幫手對功課默書，佢真係對完功課默完書就算數，機械人式嘅工作。但係有啲導師會想辦法去搵小朋友嘅優點，鼓勵佢哋去讀書，令到小朋友願意自己去學習。

我覺得家長考慮小朋友需唔需要補習之前，應該先了解小朋友嘅弱點或者可以進步嘅地方，再考慮一下補習導師係咪真係幫到佢。始終成績好唔好，導師只係起到幫助嘅作用，小朋友肯唔肯去學先係最重要。