如何能提高小孩子的英文寫作能力?

sarahdad

oooray 發表於 17-1-23 13:35
其實你個女課餘鍾唔鍾意寫野?

女兒課餘不會主動去寫嘢,但鼓勵一下都會寫,例如去旅行,就會寫下遊記. 但叫她寫英文小說的讀後感,她寕願用口述給我聽,或寕願讀多本小說.

oooray

原帖由 sarahdad 於 17-01-23 發表
本帖最後由 sarahdad 於 17-1-23 14:39 編輯

呢度好多高手有講過,好似係input/output問題。或者俗D講,消化不良。.
當然我本人先否定所有讀書報告/讀後感(交功課除外),但真正愛閱讀的孩子,大都喜歡嘗試創作。缺少這個過程,似乎無法突破現狀。

little_yolky

sarahdad 發表於 17-1-23 14:38
女兒課餘不會主動去寫嘢,但鼓勵一下都會寫,例如去旅行,就會寫下遊記. 但叫妳寫英文小說的讀後感,她寕願用 ...

咁不如發展下其他方面興趣好過了。除非你想佢第二日做才女靠出書搵飯食。

S-Kwok

oooray 發表於 17-1-23 15:09
呢度好多高手有講過,好似係input/output問題。或者俗D講,消化不良。.
當然我本人先否定所有讀書報告/讀後感 ...

我愛閱讀，但唔愛寫。
阿仔都唔愛寫，但我話如果淨睇，唔練習，以為去到測考就可以水到渠成，難道我不停睇烹飪書，就可以煮到九大簋，什麼都識煮？
如果想寫作上有進步，練習少不了。
當佢見到測考有好成績，就會覺得日常的練習是佔了一定的作用。

S-Kwok

little_yolky 發表於 17-1-23 10:16
另一個原因應該就係老師水平都係十隻手指有長短。好似sarahadad囡囡(即係sarah啦)讀local中文小學, 所以,  ...

有時真係會覺得好無奈，要高分，基本上都真係要對準評分準則。

oooray

或者,你女兒現在看的書(你post 1列出來的那些）,深度[唔係深淺個深］仍未足夠激發佢寫作的興趣。

little_yolky

S-Kwok 發表於 17-1-23 15:32
有時真係會覺得好無奈，要高分，基本上都真係要對準評分準則。

所以我見到大女D文就眼怨, 完完全全係依題目堆砌出嚟, 無heart無靈魂。

至於阿妹, 可能仲有一線生機, 因為佢成績唔好, 唔會只想攞高分而跟住個評分準則走, 仲有自己既風格, 同埋, 佢都幾鐘意寫嘢。

sarahdad

oooray 發表於 17-1-23 15:40
或者,你女兒現在看的書(你post 1列出來的那些）,深度[唔係深淺個深］仍未足夠激發佢寫作的興趣。



  ...

所以綜合各專家的意見, 興趣行先, 我會等她的, 不強求. 但與此同時, 我會盡量激發她對寫作的興趣.

sarahdad

little_yolky 發表於 17-1-23 15:10
咁不如發展下其他方面興趣好過了。除非你想佢第二日做才女靠出書搵飯食。 ...

我個女已有很多興趣,喜歡跳舞、彈琴......數學解難、閱讀中英文小說......,我都有擔心她消化不良.

serinac

sarahdad 發表於 17-1-23 15:52
所以綜合各專家的意見, 興趣行先, 我會等她的, 不強求. 但與此同時, 我會盡量激發她對寫作的興趣.

本帖最後由 serinac 於 17-1-24 09:10 編輯

小朋友有興趣自己去寫作，當然係最好，無興趣的小朋友，佢地嘅理由通常係冇idea, 不知道怎樣開頭。我以前睇過教育局有關說話評估的文章，大意是說「說話評估」是練習寫作的方法之一。老師通常會俾單或兩格圖同學仔準備，你可以引導她把重點、背景、表達次序先組織好，然後再自己講出來，多練習幾次，如果她不抗拒，可以叫她把要表達的東西寫出來，久而久之，小朋友的組織和表達能力一定會有進步。

如果你只要求小朋友多練習（輸出）運用支筆，還有另一方法，就係拿她有興趣的中、英文書，要求她把有趣的章節，翻譯成三、四百字的短文。