請教前輩：唔上面試班，N 無，有無可能考入神校？

siden

JoyceNgYY 發表於 16-10-9 11:34
我自己親身感受。。。早5，6，7年前真係可以話冇需要，身邊我都識幾個 n 無考入神校(仲係考入咗啲支出會係 ...

又唔使咁誇。

N無考入所謂神校：
自理德育良好/starters 15盾/ KPCC高級卓越/interview時成熟有禮
再加一張comment好好嘅K2成績表（最好唔係村校）

其實已經係有機會。

最緊要：良好品行及適度學術，缺一不可。只有其中一様，好難入得了的。

pekovian

樓主女兒已在不錯的龍幼讀書，好大機會升上龍小。當然想更上一層樓係人之常情，如果真係target神小，就要趁早準備，預左要付出時間同金錢，仲要未必有回報！

年年也有人話自己仔女N無入神校，係咪真係N無就只有天知地知佢自己先知。

Mrs.Luckycat

siden 發表於 16-10-9 11:26
得。
我意思係，自理能力強德育強的人也有大把，有唔少更有其他方面長處。
咁，除非你自理德育強到鶴立雞 ...

其實，我一直對這個「自理能力」感到很困惑。考小一，已是五歲孩子了，應有的基本自理能力總該有吧，我又不覺學校要求自理能力「很強」的小孩。因此，自理能力強，應該不是賣點。

JoyceNgYY

原帖由 siden 於 16-10-09 發表
本帖最後由 siden 於 16-10-9 11:44 編輯

唔好誤會，我唔係話嗰啲係minimum requirement，我只係想表達，那些志在必得入神校嗰批家長既preparation 而已。。。話明志在必得，當然一定會做多少少。。。我同意你講法，亦正如我最後所講，小朋友天資(性格，受唔受谷)+父母努力(教德育，train學術，培養閱讀興趣等)，缺一不可。

千語mami

原帖由 lui 於 16-10-09 發表
同意。DGJS課程深，教得快，如果個底（我當閲讀能力吧）不強，又跟不到,應該好快會收到老師電話（現任家長 ...

明白，如果閱讀能力其實都強呢？ 只係無cert,  咁又如何？。仲有，請問神級家長其實係點的家長？ 謝謝各位指教

千語mami

原帖由 siden 於 16-10-09 發表
本帖最後由 siden 於 16-10-9 11:44 編輯

明白，反而面試班唔係重點，right?

千語mami

原帖由 pekovian 於 16-10-09 發表
樓主女兒已在不錯的龍幼讀書，好大機會升上龍小。當然想更上一層樓係人之常情，如果真係target神小，就要趁 ...

明白，謝謝

siden

千語mami 發表於 16-10-9 12:12
明白，反而面試班唔係重點，right?

皮膚天生麗質，你唔使擦Valmount/Clau de peau/SK II，浄係擦neutrogena已經夠照。

皮膚麻麻，你擦哂$5000護膚品上面都冇用。

面試班對A小朋友有用。對B小朋友來說waste money因為B又成熟又唔怕佰生人。對C小朋友上咗由reject變waiting。對D小朋友完全冇用因為太頑劣上完都幫唔到。

每個小朋友資質/內向外向程度人人唔同。

所以，咪有人話有用有人話冇囉。

retriever

Mrs.Luckycat 發表於 16-10-9 11:48
其實，我一直對這個「自理能力」感到很困惑。考小一，已是五歲孩子了，應有的基本自理能力總該有吧，我又 ...

自理能力點至係高見人見智，係咪好過隔離位同學就係高❓

但話說回來，學校看重自理係事實！

因為考小，參考過唔少學校既校務報告，包括果d所謂神津神小。

絕大部份，有講緊點樣處理學生自理能力低下問題，即果d challenge and reflection部份。

大家有興趣可以揾來睇下。

lingan

SPCC 揾表達力強嘅小朋友。樓主除了閲讀，其實要train 表達和講故事。

晞晞爸b

一定得！

君不見有家長話其村校女兒去面試間間都話識哂咁叻，又將音小set做保險安全線only...我衷心期盼及祝福該家長嘅小朋友今年考入女拔，咁就可以創造EK神蹟及神話！

到時我期待見到該家長開帖講述及吹噓村校小朋友如何考入女拔證明以英䧳不問出處，只要本身叻乜都識哂，咁就飛上枝頭變鳳凰+明天一定更加好！

此足以作我們勵志表率及學習楷模！加油！期待中！

hha

千語mami 發表於 16-10-9 12:12
明白，反而面試班唔係重點，right?

面試班改善唔到學術，不如乾脆用時間加強學術，中英數都要平均地好，常識、時事、處境處理都要長期浸淫。

hha

lingan 發表於 16-10-9 12:59
SPCC 揾表達力強嘅小朋友。樓主除了閲讀，其實要train 表達和講故事。

對，差唔多間間都會考講故事

pirudi

retriever 發表於 16-10-9 12:31
本帖最後由 retriever 於 16-10-9 12:33 編輯

自理能力點至係高見人見智，係咪好過隔離位同學就係高❓

自理能力低很容易解決，只要不用工人就ok了

snoopyman20

乜唔係仲要最好父母都係專業人士或大公司超高職位，同埋個地址係豪宅會增加機會嘅咩？
社會就是現實

retriever

pirudi 發表於 16-10-9 14:43
自理能力低很容易解決，只要不用工人就ok了

自理能力唔只技能本身，亦影響好多其他嘢。而且習慣左亦很難改。

除左工人姐姐，父母/照顧者態度/想法都好重要。

問題唔嚴重，都唔會咁多學校特別點題去重點反思。

JoyceNgYY

原帖由 retriever 於 16-10-09 發表
自理能力唔只技能本身，亦影響好多其他嘢。而且習慣左亦很難改。

除左工人姐姐，父母/照顧者態度/想法都 ...

或許有啲離題，但我想講，好多學校講一套做一套。。。要學自理，首要條件係耐性同時間。。。但當學校每日n樣功課，仲有默書測考，放長假都唔會放過你既時候，剩係親子時間都已經所剩無幾。。。雖然我明白自理既重要性，但當未係好迫切既時候，例如，早15分鐘叫佢起身自己執好床，自己刷牙食早餐換校服，定係比佢瞓多15分鐘，但其他野幫佢做一半(當然未至於話餵埋入口嗰種)? Sorry，我衰心軟會選擇比佢瞓多15分鐘。。。

whitebunny

只可說一句：機會是留給有準備的人

樓主，no offence, 我覺得好奇怪，成日有人出post話自己小朋友冇外補冇比賽冇考cert，甚至只讀村校，問咁嘅條件可否考入神校？

但大家明知要入神校，除非你有強勁家底或必勝人脈，普通家庭要各種方面(學術、自理、課外活動)都要替小朋友準備一下，才叫或稱得上稍有資格去爭取入場券，父母想小朋友享受開心童年，但又想試下冇準備就入到神校，會否太貪心或太矛盾？

年年都會有人話自己係N無人士入神校，但請自問自己有沒有咁好彩？而且人地嘅N無定義係咩？(有d人覺得去上英文班係因為小朋友有興趣，just for fun，唔係咩補學術、所以堅稱自己係N無人士，我們又奈得佢何嗎？)

如果咁有信心自己係好運嘅一個，為什麼不等大抽獎呢個純粹講運嘅方法入神津？反而要去考一些出哂名講家底講小朋友要幾好學術幾多張cert嘅神私或神直資？但自己之前又唔好好為小朋友籌劃一下，現在才擔心冇機會？

我相信上得來EK嘅爸爸媽媽，都緊張小朋友嘅將來，我都在EK浸左好耐，所以都好希望每位小朋友最後搵到最適合他們的學校

Charlotte_mom

套用一個老土但真實theory ：真正叻人係唔駛鋤書，但晒功課仲有時間追電視劇。
但8成以上成績好嘅都係要超級努力。
咁你小朋友係邊一種呢？