選學校（津校），會否考慮粵教中定普教中為主因？

Felix223

nardo 發表於 16-11-29 10:30
我個仔小一至小三普教中,讀得唔開心,我都唔識教.
今年小四轉去粵教中學校,讀得好開心,竟然會自動自覺用錄音 ...

嘩，真的咁大影響⋯⋯好驚

acharsiu

回覆 LODAVID 的帖子

標點符號：https://zh.wikipedia.org/zh-hk/%E6%A0%87%E7%82%B9%E7%AC%A6%E5%8F%B7


香港用的是『 』、「 」。
大陸用的是類似英文的' '、" "。

hkpapa852

LODAVID 發表於 16-11-29 10:16
兩套標點符號, 有冇資料睇下?

普教中, 只著重發音拼音, 句法用詞標點都唔教, 仲可以當係語文?............ ...

關於標點符號:
https://zh.wikipedia.org/wiki/%E6%A0%87%E7%82%B9%E7%AC%A6%E5%8F%B7

最大分別, 在於:
1. 括號和引號
2. 國內標點符號類似英文標點符號, 寫在方格既下方或左下方, 香港現在用既台式標點, 係寫係中間

LODAVID

回覆 acharsiu 的帖子

謝謝資料, 真係冇留意.

其實小學又未到論文級數, 小許差異小朋友可適應.
平時在家都會用廣東話......而我比較市儈, 普通話又係比較多用, 所以我覺得普教都冇所謂.


我個人相信一間好既學校普教或粵教都應該教得好的.

Felix223

hkpapa852 發表於 16-11-29 11:18
關於標點符號:
https://zh.wikipedia.org/wiki/%E6%A0%87%E7%82%B9%E7%AC%A6%E5%8F%B7

而家才知道有分別，謝謝。

其實除了之前有電視報導普教中是否對學生中文程度有幫助，我反而有興趣知，唔知現在的EK 家長可否分享普教中的中文科目，子女的成績尤其作文科目是否特別亮麗？指教一下。

LODAVID

回覆 Felix223 的帖子

作文科目是否特別亮麗應該係與小朋友睇書多小有關.其實亦係放左幾多時間有關.
我偏向相信同粵教中定普教中無太大關係

nardo

前幾日看報導, 話普教中學校數目首次下跌,我想可能跟普教中成效不彰有關. 其實普教中學校是有額外資助的, 作出由普教轉回廣教中的決定實在不容易(例如中西區某著名小學)

hkpapa852

nardo 發表於 16-11-29 11:48
前幾日看報導, 話普教中學校數目首次下跌,我想可能跟普教中成效不彰有關. 其實普教中學校是有額外資助的,  ...

其實普教中學校是有額外資助的

最早期因為語常會建議, EDB當時有提供3-5年資助, 不過之後好似無咗.

話說呢點係灣仔區某非天主教小學校長係當年係簡介會話點解佢地唔繼續推普教中既原因 (要自己俾錢或郤不見有明顯成效)

hha

小學生中文根基有限，用普教中又要適應兩者不同的書面語同讀法，默書除咗認識筆劃，又要硬記拼音，根本就直接影響學習速度。例如小一二學「繼續」一詞，普教'支輸'，課文教完書都默完、拼音都學埋，都可以唔知呢個字喺我地日常生活成日提起的'繼續'。

d家長話學多樣野冇壞，用兩年就可以適應⋯⋯兩年喎？！唔係兩個月，用1/3小學時間為咗適應實在太無謂。

仲有津教普教中都係用香港老師轉channel教，唔係母語，老師可以講得幾傳神？！老師講基本層面，學生又在適應中又只吸收到一半，咁個成效又幾大？！

普教中只係阿爺提出幫雙非嘅政策，而唔係用來幫香港人。咁多直私都普教中係因為知道d家長比＄讀書就認為學多d野抵d，所以用來做賣點，而學校又唔使額外請老師增加支出。

optman88

hkpapa852 發表於 16-11-29 12:01
其實普教中學校是有額外資助的

最早期因為語常會建議, EDB當時有提供3-5年資助, 不過之後好似無咗.

我個仔之前小學校長就係咁講，所以小一同小二有普教中 （即係所有中文科係用普通話，書係唔同的），去到小三就冇了。

monodad

retriever 發表於 16-10-14 13:58
我地細個時，魚蛋書面語，是否魚丸子？

肯定唔係魚蛋，應該係魚丸，魚蛋係俗語唔係粵語。即係豬肉丸同牛丸或者墨魚丸一樣，唔會寫成豬蛋，牛蛋同墨魚蛋一樣。

monodad

記得以前返鄉下（廣州），聽到D親世叔伯叫魚丸河粉覺得佢講嘢怪怪地，其實佢地先至係正宗粵語。

monodad

反而真心想請教普教中小學嘅家長，小一中文課本係咪先教晒拼音，聲母韻母，聲調先開始教課文？如小朋友拼音都未識點樣朗讀課文？默書又點默？靠記定靠估？

piglet0529

係, 要睇埋自己小朋友能力, 一般小朋友兩年可適應普教的, 但有些小朋友原本口語差的及接收理解差的, 又沒有懂普通話既家長就粵教好的, 否則會影響初小學習根基

Aphrodite

porkbau1 發表於 16-10-8 01:39
我兒子在普教中讀小一，暫時問題是作句。

小孩寫我喜歡踏單車，老師話錯，是：我喜歡騎自行車。

邊度嘅普通話老師？！行車路係咩鬼？普通話都唔係咁講

retriever

hha 發表於 16-11-29 12:58
小學生中文根基有限，用普教中又要適應兩者不同的書面語同讀法，默書除咗認識筆劃，又要硬記拼音，根本就直 ...

同意。普教中及後來既認識簡體字，都係為融合而融合既政策。

學多樣語言，可以普通話課就夠。

retriever

宏心 發表於 16-12-5 14:51
不知是否香港近年多了單雙非家長，在這裡唱好普教中的人比以前多了。不難想像一旦政府推行殘體字，EK也會湧 ...

你咁樣講可能有人話你"教育唔應該拉上政治"...

實情由始皇帝開始, 無論焚書坑儒, 定統一文字, 都係政治手段....


你講既國內老師, 最近剛聽到個小故事.... 話說朋友細路在國際學校就讀, 成績優異, 但一篇關於雨傘運動既IB 文章, 被勸導寫野要中立D, 兩邊都寫下...對方係國內來的中文老師...係受壓力, 定係慣性思維, 就不得而知.

dereklg

Felix223 發表於 16-10-7 17:02
其實自己心儀一間小學，不過現在小一至小三改了普教中。講真好似出面唔多選擇，我自己想知大家會點揀？自己 ...

幾個月前其實有個同類的 post。

普教中/粵教中，本來是甚為重要的決擇。但香港教育制度太奇怪，每每受制於權力核心的意思。
於是，家長/學子們乾脆把問題無視，而事實上，制度上，某校成績/升中band 1率/入u率/名氣，往往比
普教中/粵教中更被人重視。

我曾打趣說，若果 st jo/co-ed/db/dg 用非洲話教中文，仍然是會幾村人排隊面試的。



以香港計，相信大部份人都心知粵教中係比較易明白課文，及會識番多 d 廣東中文，......btw，大家亦心知根本無從選亦無得選

LODAVID

宏心 發表於 16-12-5 14:51
不知是否香港近年多了單雙非家長，在這裡唱好普教中的人比以前多了。不難想像一旦政府推行殘體字，EK也會湧 ...

普教中唔一定只係"中國"的...."台灣"亦是. 如果只因"中國"就反對普教, 未免有點井底之娃.文字一直是溝通工具, 文化和價值觀唔會因為說"粵音"或"普通話音"而改變, 從來都是人怎樣去用, 亦唔會因此就失去"道德".


台灣道德如何? 美國道德如何? 新加坡道德如何?


我土生土長香港人, 在香港生活. 小時侯英國殖民地時代為粵教中, 亦沒有教粵語音韻, 正正沒得到傳承.____________________________________________________________________
井底之"娃"我打錯了...哈哈