華仁係咪好難抽??

小恐龍

第二輪有幾多位可以係邊到睇到架??  我首輪一定冇望，因冇分，第二輪有冇希望/成數高唔高呢??   會唔會都一樣好緲盳…… :cry:  :cry:  :cry:

麟媽媽

第二輪都好難抽，因為華仁仲要分開上、下午校，每晝只得兩班，而只可選其中一晝，即是二輪統一派位佢地只得37個學額，抽中梗係難喇！

講吓12網既學校學額：比如聖若瑟有8班，係統一派位便最少有150學額可以抽，機會大得多。又如跑馬地聖保祿及MSS都係有4班，統一派位便最少有75學額可以抽，相對華仁係最少位的。

crococat

我和朋友的經驗:

我    第二輪甲部1.華仁上  2.華仁下 3.一間容易中的學校
                乙部 1.華仁上  2.華仁下 ..........

朋友 第二輪甲部1.華仁下  2.華仁上  3.一間擺第三絕不中的跨區名校(此舉等同漏空)
                乙部 1.華仁下  2.華仁上 ..........

結果:我派了甲部第3志願 :cry: ,朋友派了華仁下

所以想如願要在甲部只填上妳要的學校,
在乙部再填上首志願, 那你會有2次機會抽獎.

小恐龍

麟媽媽   

唔該晒!!   咁我咪即係可以"慳返"呢?!    

Crococat

乜唔係只可以揀一晝，上或下午其中一晝嗎??  請問你小朋友係幾年前/今年派位呢?    咁你點算呀，有冇叩門呀??   定讀第三志願??

麟媽媽

小恐龍，

咁每年總有人抽中的，唔試就一定無行架喇！
華仁係分上、下午校的，正如crococat咁講，如果甲部第三志願中左，便無左乙部既機會！所以甲部應該只填最心儀的學校，如果只得一間便填一間，其餘留空佢，甲部唔中的話乙部仲有得抽。加上甲部只是10%，即是約4個位，抽中真的好似中六合彩！咁餘下90%乙部仲有33個位，如果有運便可能會中。
仲有一般上午校比下午校多人選，咁下午校機會比上午校大喇，但其實華仁六年小學是三年上晝、三年下晝的，基本上機會均等，只是一年班邊晝行先罷！

crococat

小恐龍

謝謝關心!
我小朋友係今年派位,依家唔去第三志願,讀私校st.louis.
仔仔早就告訴別人他會讀st.louis,也許是上天安排好的罷,
而且,我們都對改革後的st.louis很期待,相信明天會更好!

C.C.Lam

Hi,

My daughter's classmate(boy), 1st choice 抽中華仁a.m., so lucky.

His mother said P1-a.m.,P2-p.m.,P3-a.m.,P4-a.m.,P5-p.m.,P6-p.m.

  

麟媽媽

C.C.Lam,

華仁無錯不是一定一年上第二年年下的，你朋友9月小一係：
1-上、2-下、3-上、4-上、5-下、6-下

好多家長都想小朋友6年級返上晝的，我舊年本以為先選下午校到6年班便是上午了，好在check到小一選上午，小六才是上午，之後轉咋。