懷疑有專注力不足，有那些機構可以評估，謝謝

fm721

媽媽們，大家好
我最近開始懷疑囡囡疑似專注力不足及過度活躍症，
囡囡現時2歲9個月，有返過N班(插班)，佢係13年12月細B，現時讀緊K1，由N班到現時K1我都有問老師佢返學情況(因為佢講野慢）所以我有主動同老師了解，老師回覆話佢講野正常，但就有話佢係課室有走來走去既情況
(N班時都已經有，後來我每日入學校時都會同佢講叫佢坐定定唔好行開位，到N班畢業時老師話已經冇點行開位了），但現在返K1(新校)，佢又打回原形，我有問番佢咩事行開位，佢就話同學仔都有走開啦，(我估佢意思係，佢見人行我咪又行囉)，我又開始好似之前咁每日返學都同佢講一次，叫佢要坐定定唔好理人係咪行開，自己一定要坐好，上星期五我接放學時有問老師佢有冇再行開位，老師話佢比之前少左，但就話佢排隊時成日東張西望，叫我多啲提醒佢同埋係屋企教下佢排隊。
我同樣問佢點解，佢話佢想望下啲同學仔喎，囡囡唔算多言，但佢成日重複條問題問幾次，我答完又會再問的，脾氣唔太特別差，有時百厭我鬧佢佢會聽的，但一去到新環境佢就會走來走去次次都要叫佢先會跟番我地，請問囡囡既情況算唔算專注力低及過度活躍呢？如果要評估可以點搵相關機構呢？謝謝各位幫忙

carvan

HEEP HONG