Canadian international school

slowlyslowly

大家好，我係新mami，我見大家好小提及CDNIS，我上綱睇過校舍好靚，學費也相對地高小小，請問有冇用家可以講下依間學校好嗎？如果冇任何passport入到嘅機會又高嗎？多多指教

Choochootrain

之前有post

http://www.edu-kingdom.com//forum.php?mod=viewthread&tid=3147066

elmostoney

孩子剛轉去upper primary, 對學校冇深入了解, 但感受唔到political issues, 學校好organized, 教學的scope and exposure都很好, 資訊透明度高,  雖然係插班生, 但適應冇問題, 老師同學生都友善.

我好欣賞學校每星期要孩子寫一篇文章, 題材好有創意的 (e.g. you discover a new species.  Describe - 其實題目長d, 但我唔記得, 只係大概).  唔會淨係叫你個個禮拜寫journal.  中文分班好細緻, 有4個level, 課程編得幾好, 聽講學生有唔明, 放學可去中文老師到問 (多數係西人, 因中國人唔係問父母就係補中文的老師); resources 都好充足; 最近美術課特登要去一位artist 的studio 做clay work....可能我地之前讀細校, 所以我冇物不滿.  我唔多理呢d political事, 返學最緊要小朋友開心, 又學到野, 身心發展平衡即可.  我唔求入物 ivy league, oxbridge, 所以唔會將間學校事無大小都睇得好細, 只睇我個小朋友係呢間學校如何.

slowlyslowly

elmostoney 發表於 16-9-23 12:54
孩子剛轉去upper primary, 對學校冇深入了解, 但感受唔到political issues, 學校好organized, 教學的scope  ...

多謝大家回覆，請問當初點解會選擇cdnis? 有乜吸引你？

elmostoney

小女之前讀的小學是沒有中學的, 我們住港島區, 比較有歷史, 有規模, 有reputation的IS 其實只那麼幾間:  CIS, SIS, ESF, CDNIS, GSIS,HKIS.  SIS是IS中相對傳統的, 不是我們那杯茶.  至於大熱的ESF, 我們catchment那間小學之前讀過, 最後不太喜歡, 即使之前讀開的學校沒有中學, 還是轉回去.  而且將來我們要升Island School，因重建要遷往新界好幾年, 所以中學的吸引力對我這港島人而言不大.

剩下的只有 CIS, CDNIS, GSIS 和 HKIS.  老實說, 我沒想過能考到CIS,　所以也懶得報。考加際是臨時決定的，本來是打算讓女兒在原校讀ｙ６時才考，神差鬼使下，y5下學期匆匆報名, 本來是預算她考不上, 當天還去了看 Nord Anglia school tour, 己打算好Y6時全力投考不同學校. 結果CDNIS收左佢，就不再左諗右諗。

其實好似CDNIS呢類廿幾年歷史的學校, 個人覺得唔洗理個d politics related的新聞, 因佢地有行之已久的 system, 即使家長同校長再不對盤, PTA权力再大, 都不容易輕易動搖學校根本, 家長亦唔想見到呢D情況.  

其實我地都經過好多IS選校煩惱, 做家長的當然可以揀, 但好的IS, 入學競爭是非常大的, 所以你問我點解揀CDNIS, 其實GSIS, CIS或HKIS任何一間收我, 我都開心死 (ESF個人比較喜歡south island and west island, 但今次係考高小, 唔係中學, 小學我地catchment個間以上已講過), 倒轉來講, 揀中我地, 唔知幾開心.

nov21

有很多明星家長,  李克勤, 張學友, 甄子丹, 邱淑貞, 林青霞

slowlyslowly

nov21 發表於 16-9-25 18:13
有很多明星家長,  李克勤, 張學友, 甄子丹, 邱淑貞, 林青霞

但依D都好似上一輩家長，依幾年cdnis係咪仲係咁好，咁hit？因為多左好多國際學校，而學校校風又好嗎？

hkparent

原帖由 nov21 於 16-09-25 發表
有很多明星家長,  李克勤, 張學友, 甄子丹, 邱淑貞, 林青霞

但這些明星家長教育程度普遍不高喎，有哪一個有讀過大學？他們懂得教養小孩嗎（身教）？還是讓小孩崇尚虛榮/物質？個人喜歡身邊的家長都是在外國讀過大學的家長。

cnh0397

回覆 hkparent 的帖子

教育程度唔高無讀過大學就唔識身教？外國讀過大學就識身教？就會好啲 ？ 咁既稔法會唔會太主觀？

nov21

如果我朋友中有這些家長  李克勤, 張學友, 甄子丹, 邱淑貞, 林青霞 我會覺得很榮幸。

李克勤: 香港名校畢業(中學)，圈中出名的好父親，據報導兒子十項全能，記得於多個訪問中高度評價兒子學校。
張學友:   演藝界中獨當一面。應該是中學畢業。但英語水平肯定好過香港一般大學生 (曾出全英語唱片)，上兩個星期 TVB 望子成才中，個人覺得其對兒女管教的態度非常好，建議有時間看看。

甄子丹:  應該是中學畢業，最近 Star Wars 的發佈訪問中發現其英語水平很好，他有時會到 CDNIS 向學生教授電影方面的知識。

邱淑貞:  丈夫為上市公司主席，白手興家。

林青霞:  丈夫為前上市公司主席，白手興家。

個人覺得選讀國際學校其中的一個原因是為孩子建立多元化的人脈關係。有一個父親是上市公司主席或荷里活明星的同學總比父親只是大學畢業要好很多。他日創業集資都容易很多吧。

nov21

其實個人覺得 CDNIS 其中一個最大的賣點是其中文課程。特別是小學課程內容是與英語課程 (PYP) 的主題互相配合的。這個安排對訓練雙語能力極好。

elmostoney

hkparent 發表於 16-9-25 20:16
但這些明星家長教育程度普遍不高喎，有哪一個有讀過大學？他們懂得教養小孩嗎（身教）？還是讓小孩崇尚虛榮 ...

對此想法, 我有點莫明其妙, 好像在暗示:  明星沒有受過高等教育 --> 他們不懂教子女 --> 他們的孩子很多都很虛榮.

我考cdnis時, 沒有想過這一環. 但暫時在小學, 我沒有見到有崇尚物質的情況, 我不知道會不會有個別孩子是這樣的, 但我想每間學校都會有這樣的家長.  之前列出的明星, 我知道有一位的孩子正在cdnis上中學, 之前在Bradbury上過小學, 那是否要說Bradbury有部份家長就因此要被冠上以上特徵呢? 不過我想指出, 我不認識該位明星, 但他的孩子很友善有禮, 大家碰面, 總會跟我打招呼, 而非眼高於頂.

至於受過大學教育就懂教孩子, 我真真不能認同. 之前在英基上學時, 就遇到部份大學畢業家長, 孩子行為其劣, 在此不細表.

對cdnis中學, 我不能致評. 但小學我看著還好, 相對起我數年前讓2個孩子轉入Glenealy, 我覺得cdnis的同學友善很多, 學校亦會多做點事去歡迎新同學, 令插班生很快適應, 女兒現在已有一班新朋友.  無巧不成語, 一位朋友的孩子也是在高小轉入qbs, 他本身是非常sociable的 (而我的女兒是有點害羞的), 但也費了整整一個學期才溶入.  我覺得單是這點, 起碼讓我感受到CDNIS的學生在交友方面, 肯定是蠻有"教養", 不會"排外".

另外, 我想指出, GSIS學術非常好, HKIS也有名氣, 但這兩間中文就不太行, 如果中文是考慮因素, CDNIS的中文課程是不錯的.  因為我一開始已排除SIS, 那在CDNIS, GSIS, HKIS, and CIS中, 我想加際的中文應該僅次CIS.  不過我報名時也沒考慮這一點, 純粹是那一間收都謝天謝地了.  當時我也打電話問KCIS,雖然中學沒有那麼熱門, 規模也比較小, 但當時真的亂投醫. 最後因該校用繁體字, 而女兒一直學簡體, 我才放棄了報名的念頭.

我仍是那句, 多報幾間, 有點名氣的IS, 不是有錢就收的. 而且上小學時唸新校沒所謂, 但到中學時, 總要找間有點歷史的比較靠譜, 不要中學去做白老鼠.  

Ming_Yan

slowlyslowly 發表於 16-9-25 19:19
但依D都好似上一輩家長，依幾年cdnis係咪仲係咁好，咁hit？因為多左好多國際學校，而學校校風又好嗎？
...

我個仔Grade 7轉去CDNIS, 而家Grade 10.
暫時而言我都好滿意學校各方面, 無論課程、校風、師資及學校支援。
雖然前一，兩年係有些少政治風波，不過已回覆平靜。
其實家長群有很多是專業及高級行政人士，但沒有高不可攀的感覺。
我見呢兩年IB 成績都幾好呀

susumi123

Ming_Yan 發表於 16-9-26 10:59
我個仔Grade 7轉去CDNIS, 而家Grade 10.
暫時而言我都好滿意學校各方面, 無論課程、校風、師資及學校支援。 ...

請問是否要買100萬債券？

Saboc

hkparent 發表於 16-9-25 20:16
但這些明星家長教育程度普遍不高喎，有哪一個有讀過大學？他們懂得教養小孩嗎（身教）？還是讓小孩崇尚虛榮 ...

嘩！這位hkparent的觀點令我「吓」一聲，

Ming_Yan

susumi123 發表於 16-9-28 13:53
請問是否要買100萬債券？

我無買呀

shabushabu

原帖由 susumi123 於 16-09-28 發表
請問是否要買100萬債券？

唔一定要，買左只係唔洗年年比levy

Ocean419

elmostoney 發表於 16-9-26 10:47
對此想法, 我有點莫明其妙, 好像在暗示:  明星沒有受過高等教育 --> 他們不懂教子女 --> 他們的孩子很多都 ...

請問你小朋友有冇interview 過GSIS 和知道插班grade 6/7 的要求嗎？每級有約多少人和上到secondary 仲會分German/English stream？我小小surprise 聽到GSIS的中文程度低,因為見IB bi-lingual diploma 成績很好以為有不少學生是考English/Chinese A, 如果中文程度低，不知bi-lingual diploma 的另一language 多數是什麼呢？

poonseelai

Ocean419 發表於 16-9-29 07:56
請問你小朋友有冇interview 過GSIS 和知道插班grade 6/7 的要求嗎？每級有約多少人和上到secondary 仲會分 ...

唔一定考兩個language A 才有 bilingual diploma, 假設考German A and Eng B, 而subject group 3 or 4 用英文, 一樣是 bilingual diploma

elmostoney

據我所知, 中文真的不是GSIS的主打, 所以我也沒有再查詢GSIS的中文程度, 即使有個別中文較好的學生, 我相信都是出自插班生, 除非家中有強大的中文補習又或孩子很自發.  我知道GSIS的中文課要唸古文古詩, 還是高小/初中開始, 聽聞是大陸來的教師, 將大陸的教法搬來用, 問題是你在國內唸書, 一整天以中文為主, 那就自然容易上手, 但在香港以英文為主的IS, 情況相反,所以那些孩子們真是憎中文入骨.  我不知道GSIS這些中文程度高的學生如何, 但我個人覺得大陸的教法不適用於IS學生, 每天一節中文課, 家長有什麼期望?  最近我看新聞, 英國教育部會用一千萬英磅在中學推行中文教育, 要學生上4年中文課, 一星期8個小時, 比我們在香港大部以英文為主的IS上中文課的時間還要多!  即使在CDNIS, 我也不覺得孩子們的中文一定要多好, 只是他們分班比較細緻, 有4級, 即是說, 如果孩子有能力, 起碼有相應課程.  如之前我聽聞ESF中學的中文分班, 最高級的一班, 多數是LS轉去的插班生唸的, 始終從小上IS的學生, 將中文當外語來唸, 你有什麼期望呢?  我沒有想過要孩子將中文學得多好, 連看金庸那麼通俗的話本也沒想過, 能作工作上書寫, 看報紙就已非常非常好.

我不選GSIS的原因不是學術問題, 而是我聽聞該校的補習風氣很盛, 孩子也讀得辛苦 (我不知道這是針對亞洲學生而言或是整體來說).  我不求孩子入Oxbridge, Ivy League, 到中學時大家都要認真唸書, 但孩子小學期間, 甚至中學頭兩年, 我希望不要太大壓力.