St. Joseph's Primary School (灣仔)

Irene_BB

1. 請問有沒有人知道該校成績怎様？
2. 那幾科是英文教和有沒有普通話堂？
3. 是否收插班生呢？(小二或以上)
  

Irene_BB

請問有無人答到我呢？

bb818

Below information are given by my friend:

1. 請問有沒有人知道該校成績怎様？好，但競爭好大
2. 那幾科是英文教和有沒有普通話堂？除中文用普通話外，全是英文教
3. 是否收插班生呢？(小二或以上) 我朋友都係插班小三

麟媽媽

同學兒子小二，可以講吓：

1. 請問有沒有人知道該校成績怎様？
- 幾大壓力，同學上星期同我講今年升中只收80個學額(相信所指是band1組別)，咁一級8班成300人要考頭80名才穩陣直升。雖則仲有D直屬位但要抽籤，但不只是看成績，band2便只有抽籤要靠彩數，考到頭80名才穩陣。

2. 那幾科是英文教和有沒有普通話堂？
- 英文同數學是英文，中國語文同常識是中文。當升上小四會多一科英文Science，有普通話堂。

3. 是否收插班生呢？(小二或以上)
- 年中都有學生轉校的，有人轉校便有學位。

Irene_BB

多謝兩位解答﹐但點解第2題個答案唔同的

麟媽媽

佢地常識一定是中文的，因為佢地同我仔一樣用Longman中文常識書的，我仲有佢地既考試卷，我好肯定才會寫出來的。

Irene_BB

麟媽媽：

我都好想知呀
請問佢哋平時功課多不多呢？
小兒現讀私小(小一)﹐因為屋企經濟收入減半才考慮轉津貼小學﹐小兒的成績中上﹐請問仲有無好小學(香港區)介紹呢？

Irene_BB

仲有無其她人答到我呢   

Mrssslui

How abt Hennessy Govt?

麟媽媽

Irene_BB,

那你住邊一區呢？
灣仔區男校有St. Jo同華仁，佢地都有長長的waiting list，可以插班入去的都是成績好勁的學生。我知華仁有一高年班插班生，是由第二間出名男校轉過來的，佢之前係嗰邊全級考第一架！
其實Mrsslui講既軒小都好好既，但我都唔清楚報考做插班生的資料，比唔到咩意見你…

trustme

我試下答你，我小朋友係三年級插班入的，現在己小六。考插班試無人事，只係用平郵寄咗封信去，內容包括你仔仔嘅成績，課外活動等。校長會親自打電話俾你叫去考試，中英數都要，跟住仔仔同家長一齊見校長，係校長同小朋友傾計，一路睇吓你個file，兩三日後校長親自打來話收咗，通知你幾時register, orientation..。成個過程就係咁簡單！我自問仔仔係較慢熱嘅人，又不太主動，起初有担心佢難適應，但始終係男校，小朋友較易打開話題，佢第一日返學己經識到新朋友！好容易投入新生活，成個人開朗好多，而功課又不是太大問題，有時會寫滿handbook，但做落好多係好簡單的！我小朋友由p.3到現在p.6通常用個半小時己經include溫習埋！佢亦吾需要補習，仲有好多時間玩！常識係中文，但到p.4就一半時間教常識，一半時間教science，science係幾深，最慘係好多要死記，因為無experiment做，要靠想象！我仔仔好enjoy佢嘅學校生活，而家仲發現佢有leadership potential，係學校係prefect leader，好多時要靠自已去judge and make some decision，係件好事！唯一係佢好粗魯，不過男校係咁嘅！如果你仲有其它問題，可以我！

twobbma

Hi trustme,

你小朋友係邊間小學轉去 St. Joseph 呀,佢係之前間小學成績係唔係好勁,仲有佢玩咩課外活動? thanks

Eva

我都問過我家姐,佢個仔已經升左去中學.

家姐話D先生都會偏心D比較叻的學生. 幾乎所有活動都找那些已經是叻的學生去參加,不太刻意去培育新血,所以那些中平表現的學生便很小機會出去見世面.

佢地D讀書風氣很好,同學和同學之間會有自發性的良性兢爭. 凝聚力強,同學們都很愛學校. 他們有一句有趣的格言:

生係聖JOE仔,死係聖JOE鬼!

不過家姐都話見過唔小人讀唔上要轉校!

PS: 不過我家姐個仔經常全級考第一,又經常為學校出賽,取得許多獎項(朗誦,辯論等). 加上家姐又係家長義工,所以校長和老師都很愛他們. 所以她的感覺可能有點偏差.你自己ADJUST一下吧!

lulu4466

Eva

嘩, 係間咁勁既學校仲可以時時考第一, 你家姐點樣教仔, 可唔可以過2招黎, 唔好話考一, 成績好d 都願咯!!

lulu4466

Eva 寫道:
不過我家姐個仔經常全級考第一,又經常為學校出賽,取得許多獎項(朗誦,辯論等). 加上家姐又係家長義工,所以校長和老師都很愛他們. 所以她的感覺可能有點偏差.你自己ADJUST一下吧!

trustme

twobbma,

仔仔轉校前只不過係一間band 2嘅教會學校讀！成績就到全級頭三名。p.1 & p.2時無參加任何課外活動，只不過學公文數及游水，但先生可能見佢成績較好，正如Eva所講，老師就乜都預你一份，朗誦又係你，合唱團、書法、乜都有份，我就係見到咁嘅情況，怕個仔被捧得太高，形成吾輸得嘅性格，所以就幫佢轉校，等佢明白一山還有一山高嘅道理！其實St. Jo有一樣教學理念我係好認同的，就是無精英班，等啲同學平均啲，加上每年都從新分班，P.5 & 8除外，小朋友會識到吾同嘅同學，另外校風較自由，無咁死估估，訓練到小朋友敢言嘅作風，最低限度我仔仔就係咁！

twobbma

trustme,

多謝你的分享,你仔仔起碼係band2考全級頭3名,我諗佢都係叻仔一名,真係鄧你開心!

Eva

學我家姐?! 千其唔好預我!! 我無咁偉大!!

我家姐係個好傳統的媽咪,很緊張仔女的學業成績和私生活, 完全是家長式的教學法. 她很落力培育仔女,小時候已經經常帶他們週遊列國,直至上高小之後,只有放暑假才有機會去.

家姐不管大考,小考,定係大測,小測,都會謝絕探訪,軍訓式溫習.所以每逄這些期間,我們都識做,不會找她.

試過有一年家姐公司太忙(自己生意),不能睇住個仔溫習,結果她同我嗔話睇小一眼D成績就DROP曬,我以為有幾DROP,原來都全級第7名. 我同佢話睇得咁辛苦和放手給他自理只相差7名,不如就放鬆D啦!點知仲俾佢教訓左我一餐. 佢話已經做得到,而又可以繼續做到的話,為什麼要放手, 可以做到最好便要去做! 不進則退WOR! 又好似幾岩咁,唉! 不過都係唔岩我用的方法, 我才沒有那麼好精力哩!

唔知係佢催谷有效,還是仔女都是回流香港的小朋友,有英文基礎(一來香港便上小學,當時已經滿口流利英語,所以英文科一向不是問題,相反花很多時間在中文方面), 個女的成績也是全級頭一,二名(聖心女小-免學費的一間). 記得有次約了她們吃飯,去到見姨甥女眼紅紅,眼中有淚,好可憐咁,問極都唔肯講我知有乜野事, 家姐才告訴我話原來她早上剛取了成績表,輸了給宿敵(經常是這兩人爭一,二名),只考第二名. 考全級第二名都要喊,你話C唔C. 就如TRUSTME咁講, 他們好勝心很強.不知道日後是否接受到挫敗的感覺!!

依家姨甥仔上左中學,時常被學校叫去攪班會和課外活動,我家姐又依依哦哦,話個仔無時間溫習,成績又差左. 我話SOCIAL都很重要,要全面發展至得,佢又話學業為重,一切都要在應付好學業之後,有剩時間才能參與. 不知道兒子是否聽她的. 她就是那麼緊張又囉SOR的媽咪,又不聽人說,所以我只有經常提她留意自己的血壓; 她有高血壓高和胃痛!! 可能便是這多年來的勞心勞力得來!

lulu4466 寫道:
Eva

嘩, 係間咁勁既學校仲可以時時考第一, 你家姐點樣教仔, 可唔可以過2招黎, 唔好話考一, 成績好d 都願咯!!

lulu4466


[quote]
Eva 寫道:
不過我家姐個仔經常全級考第一,又經常為學校出賽,取得許多獎項(朗誦,辯論等). 加上家姐又係家長義工,所以校長和老師都很愛他們. 所以她的感覺可能有點偏差.你自己ADJUST一下吧!

[/quote]

Irene_BB

trustme ：
   
          妳個仔好叻喎！ 我想問吓除咗考到佢間中學外﹐其他人多數會派到邊間中學呢？請問佢哋功課每天會否超個五様呢？

trustme

Most of them will choose their own secondary school, only a few will choose others. Most of the time is around 5-6, somtimes, it's included prepartation, correction. My son usually spends less than 1.5 hr to finish.