聖安當小學真係幾好

doubleday

新學期同小女一齊回校，原來學校操場全部都加咗冷氣，又多咗好多新設施，阿女開心到話終於可以返來啦，諗返佢讀K時成日喊唔願讀小學😂😂😂⋯⋯讀咗兩年，覺得呢間學校真係幾好。老師好有愛心唔會聲大樣惡去話啲小朋友，有乜事都會寫手冊或打電話；校長超nice，一啲架子都無，好多活動都會親自落場同學生一齊玩，經常都見到佢同學生有講有笑；最緊要係我哋家長有乜問題/意見都可以隨時搵老師/校長傾，絕對唔會入bad list, 呢樣野真係好緊要。仲有升中派位表年年都會放上網（唔係好多學校夠膽咁做），學生出去比賽又拎到獎，哈哈，阿女都有份。可以入到，又讀得開心，真係感恩🙏🏻🙏🏻🙏🏻

francis_chan

佢中學講真真係麻麻地，自己執生！最好將小朋友成績提升一下，將來盡量讀番區內英中！

doubleday

回覆 francis_chan 的帖子

多謝提醒！其實我哋一直都plan緊讀港島嗰邊啲中學，諗住train到佢英文叻啲，第時出國讀幾年書見識下，始終都喺想俾佢離開身邊學下獨立。睇返聖安當小學派中都派得唔錯，呢幾年派區外一線英中仲多咗，所以應該唔使太過擔心。

francis_chan

有咁樣唸法，對小朋友都係好事！

miujoey

回覆 doubleday 的帖子

小女都是今年成功叩門入讀小一,  對於聖安當印象相常好, 無論校長, 教職人都是非常友善, 行政處理安排又好, 需然由一線drop 到2線頭, 但整體是好不錯的小學, 但最後由於 另一直資收了, 無緣入讀聖安當了

doubleday

回覆 miujoey 的帖子

係呀，老師校長真係好nice！其實計番佢呢幾年升中成績同學生成就，應該都係區內1線㗎啦，不過可能就未去到1線頭咁勁，聽啲高年班家長話學校依家都努力緊，做咗好多功夫。。。哈哈，或者第時我地嘅小朋友可以做到中學校友呢^_^

miujoey

回覆 doubleday 的帖子

不過都要注意,聖安當小學是好, 佢係老牌名校 (舊時, 是私校來的),  但中學成績一般(舊時係英中都出名,現在轉了中中),  如果他日你小朋友成績好, 可以有更多的選擇啊.

miujoey

佢校務處職員真的好友善, 又體貼家長, 上次校長跟主任 in. 我個女 , 佢地都好好人, 對小朋友好有愛心, 又會同我地家長傾下計, 超級nice.

doubleday

回覆 miujoey 的帖子

講真喺香港讀書，成績真係好緊要， 幸好阿女都跟得唔錯，老師都著重教導學生主動學習，又鼓勵大家多啲睇書，所以學校有個學期閱讀計劃做得好好。

doubleday

回覆 miujoey 的帖子

仲有今日接阿女放學時，問咗原來聖安當幼稚園、聖安當小學同聖安當中學剩係屬於同一辦學團體，但三間學校係各自獨立運作嘅，唔係直升或者一條龍，同埋唔會預留學額俾對方㗎。

francis_chan

中學送都唔好要啦！

doubleday

回覆 francis_chan 的帖子

😜😜

Cheuk2012

doubleday 發表於 16-9-5 14:22
回覆 francis_chan 的帖子

多謝提醒！其實我哋一直都plan緊讀港島嗰邊啲中學，諗住train到佢英文叻啲，第 ...

想問聖安當小學程度深唔深，算唔算谷，以及功課量？因阿仔今年要報讀小一，下星期要交form, 因聖安當我有20分，自己1516諗緊揀官塘官立小學(牛頭角),但官小我只要15分，謝謝分享。

miujoey

回覆 Cheuk2012 的帖子

大抽獎聖安當要放第1志願才有機會中, 牛頭角放第2志願都可以抽中, 咁既情況你可以用來參考.

Cheuk2012

miujoey 發表於 16-9-19 09:29
回覆 Cheuk2012 的帖子

大抽獎聖安當要放第1志願才有機會中, 牛頭角放第2志願都可以抽中, 咁既情況你可以 ...

咁想問你聖安當功課多唔多同埋算唔算好谷學校 ? 因仔仔現在讀啟思幼稚園,功課算少, 所以唔想比太谷學校佢,
因此想了解聖安當多 d 資料,唔該哂 !!

miujoey

回覆 Cheuk2012 的帖子

check PM

doubleday

回覆 Cheuk2012 的帖子

小女都係由啟思升讀聖安當，呢個問題我地當初都好擔心。我覺得開學頭幾個月最好親自跟一跟，主要係熟習小學學習模式，始終啟思比較hea啲。不過好在評估一唔會計入總平均分，而初期功課亦唔多，都係循序漸進，唔會好辛苦。

doubleday

呢幾日見到學校收form（自行收生），心血來潮上網check咗下全港小學排名。見到學校排48校網第十，但如果剩係睇今年排位結果，原來聖安當小學喺48校網係排第四，全港小學排位升咗51位。原來個網係計5年平均分，之前啲資料又唔夠update ，所以拖低咗。我覺得學校都好努力做咗好多嘢，相信個排位結果會越來越好。

cloudwingwing

請問放乙二有冇機會入?

doubleday

回覆 cloudwingwing 的帖子

有機嘅，不過機會唔大