20個月都唔識行同講單字

benny3163

我個女20個月大，唔識行唔識講野，keep住有係QE做物理治療，但作用不太，直到琴日QE先叫我去做智力測驗，會唔會太遲?如果私家做智力測驗及Train大家有冇介紹?我而家真係好擔心同傍遑

bbjoanna

協康有私家測試，有埋智力同自閉測試，要去排期，大約排6星期左右，可以打去就近協康中心問下

KCHK

智力測試唔係6歲前CAC 先做嗎？6歲之前做個d 只係睇下佢和同年齡有幾多落差而請社福署或教育局安排派I /E /S 位嗎？

benny3163

回覆 KCHK 的帖子

我約左下個月做，因為張紙係寫智力測驗，其實我都未知要做d咩！

benny3163

回覆 bbjoanna 的帖子

我岩岩排左心理分析個個$5800，請問係唔係個個?

Yukiruirui888

原帖由 benny3163 於 16-08-22 發表
回覆 bbjoanna 的帖子

我岩岩排左心理分析個個$5800，請問係唔係個個?

請問你有同姑娘講清楚你女的情況嗎？我唔知5800個個係唔係都一樣，因我仔係評自閉，擔心唔一樣，怕妳排錯隊

bbjoanna

benny3163 發表於 16-8-22 00:01
回覆 bbjoanna 的帖子

我岩岩排左心理分析個個$5800，請問係唔係個個?

係，20個月可以做呢個

KCHK

原帖由 benny3163 於 16-08-21 發表
回覆 KCHK 的帖子

我約左下個月做，因為張紙係寫智力測驗，其實我都未知要做d咩！ ...

我係找私人心理學家及之後再係CAC 評估的, CAC 無做智力測試, 只係睇做唔做到同年齡的要求, 私人做的是有做智力的, 不過就話佢唔多講野的情況下未能完成整份智力測驗, 只有其他評估報告。

benny3163

回覆 bbjoanna 的帖子

謝謝!

benny3163

回覆 KCHK 的帖子

請問你搵邊間做?係唔係攞住份報告可再係政府排有關既訓練課程?

Tsubi

原帖由 benny3163 於 16-08-19 發表
我個女20個月大，唔識行唔識講野，keep住有係QE做物理治療，但作用不太，直到琴日QE先叫我去做智力測驗，會 ...

Hello, 咁囡囡而家識D咩？例如單手拖住行到嗎？有冇D身體語言表達自己？認知如何？
我個仔整體發展遲緩，大肌弱，都係20個月先識行，但而家都會成日跌。都係未識講野，但明我地講咩，要抽多D時間同佢遊戲中練習呀！加油！

benny3163

回覆 Tsubi 的帖子

拖住行都可以行到幾分鐘，放手可行一，二步，佢都係明白我地講d咩，但咩都唔講，佢要既野會指我地去攞，一有唔中意就只會咸，咁你仔仔依家有冇上d咩課程及訓練?

KCHK

當年我係找朋友介紹的， 都比較貴， 份報告我之後用左去政府排位。（不過要自己主動找社工去搞）

KCHK

另外協康的評估通常都用到在政府排服務的（佢地應該知道， 你唔放心在做之前再問清楚）， 不過我記得有位BKJM 講過份報告都要等的。

benny3163

回覆 KCHK 的帖子

唔該哂妳，你幫左我唔少，thank you!

Tsubi

其實你囡囡放手可以行一兩步其實啫係識行啦！可能同我仔一樣，信心唔夠同依賴。試下用野引佢，但要擺定一個位，等佢唔好覺得就行到就比人拎走再，成功左幾次之後慢慢加長距離。
我排緊S同E位，政府有做OT 丶PT 另外排緊ST 。自己一星期一次去links做OT, 最緊要父母勤力同佢玩，同佢傾計。我個仔雖然進步得慢，但我地每次見到小進步都好開心，每日都可能重覆做，佢好似次次都做唔到或唔肯做，但突然會有日肯做，所以千萬唔好放棄呀！同埋而家開始左N班，我同學校講左我仔問題，好彩校長同老師好包容，希望有其他小朋友刺激下會再進步多D。
我好明白你心情，點都好，要積極面對，要加油呀！

benny3163

我諗住同佢報playgroup,但唔識行好多都唔收，唉！

benny3163

回覆 Tsubi 的帖子

多謝妳既鼓勵，大家一齊努力加油!

KCHK

原帖由 benny3163 於 16-08-23 發表
回覆 KCHK 的帖子

唔該哂妳，你幫左我唔少，thank you!

唔好客氣，大家努力吧！

benny3163

仲問問下大家報邊間做train好?