我好無助

lukwinghong

我仔而家就快8個月，佢仲未坐得穩，但成日都想企，唔識拎奶蹲，叫佢個名佢唔會應，我行開左佢唔會搵我繼續自己玩，同佢返緊play group,但堂堂都喊到落堂，一唔鐘意佢就會大叫，又冇咩眼神接觸，好少聲音已經會紮醒，但係佢見到我或工人，湊開佢既人都會笑，唔熟既就唔會笑，我想問過來人，甘樣係咪自閉徵兆,我每日都好擔心，好怕佢大個唔識照顧自己

lavender_baby

8個月太細啦，小朋友差幾個月差別都好大，不過你覺得佢少眼神接觸嘅，就多攞佢有興趣嘅物件，想俾佢果陣就擺喺你塊面隔離先，等佢望住件嘢果陣都會望埋你個樣，咁樣可以訓練佢習慣要望住人

Lingkoko

會否緊張過度，只有8個月，relax.

money82

樓主係唔係有少少過份擔心。見你開左2一3個帖一個小朋友七個月擔心，而加快八個月再問一次。有人己答你太細，根本好難確診是否自閉。八個月上playgroup好多BB都咸，點解要甘早比BB上埋D課程，係唔係有少少過份要求過高。

Yukiruirui888

原帖由 lukwinghong 於 16-08-15 發表
我仔而家就快8個月，佢仲未坐得穩，但成日都想企，唔識拎奶蹲，叫佢個名佢唔會應，我行開左佢唔會搵我繼續 ...

如果我答妳係，同我仔仔情況一樣，妳會點？當然每個小朋友的發展都唔同，巨真係太細了，好多野仲發展緊

Yeahly_ly

原帖由 lukwinghong 於 16-08-15 發表
我仔而家就快8個月，佢仲未坐得穩，但成日都想企，唔識拎奶蹲，叫佢個名佢唔會應，我行開左佢唔會搵我繼續 ...

8個月真係太細啦....你不如睇下8個月發展係點先....你寫緊果d係一歲半都係咁先開始擔心啦....8個月唔洗返playgroup....你不如同佢玩多d玩具仲好啦!

lukwinghong

其實我唔係想杞人憂天，而係我去左好多次媽媽會，同媽媽成日聚會，先發覺我bb有d唔同，醫生同姑娘叫我同佢一星期返一次playgroup,等佢細個開始克服怕嘈同陌生環境，做阿媽當然想自己寶貝身體健康正常活潑，但我要有心理準備，如果真係同其他bb唔同，起碼我依年要努力儲錢為佢好好計劃

creamyXDD

你放鬆d，我識人最早一歲確診ASD, 其實就算有ASD, 都要2歲起先叫有d小組上下，你可參考協康既刊物，會教家長點引導小朋友及在家訓練。至於金錢方面，你有能力既就儲多d，就算冇ASD, 小朋友亦會有好多不能預計既開支。

creamyXDD

其實冇得同人比較。我朋友個女同我個仔一樣大，乖到不得了，成熟又聽話，淨食白飯都會笑，唔扭計，從不上興趣班，一考K1就入St Paul, 平靚正學校，完全冇俾煩惱父母。我個仔如果同佢比，天同地。擔心當然有既，但人生流流長，剛起步，小朋友既缺點都係一個機會俾我地做父母既變得成熟同堅強。

KCHK

其實你已經同人比較緊, 你知道咁樣你小朋友感覺到壓力的, 要多d 鼓勵佢, 多d 同佢玩, 唔好比壓力佢。另外女仔係發展快過男仔的呢個時間， 遲d 男仔會追返的了。

Yeahly_ly

原帖由 lukwinghong 於 16-08-16 發表
其實我唔係想杞人憂天，而係我去左好多次媽媽會，同媽媽成日聚會，先發覺我bb有d唔同，醫生同姑娘叫我同佢 ...

每個小朋友學習進度有快有慢....你覺得佢唔應你....你試下再咁高音d既聲去引去注意,日日不停叫;唔識渣奶樽就再教多十次,教到識為止....坐唔穩就捉住兩隻腳向前傾去練力....與其諗咁多不如去借書or買書去學習教bb點樣發展智力/大小肌肉.....其實touchwood小朋友有咩事,都係靠父母去幫佢....只係教導既過程可能比其他人辛苦....你睇下陳錦鴻都係落力教到個仔考第一!