求教如何訓練4歲小朋友

bbjanbb

4歲男仔升K2， 好動多言，禮貌及情緒尚可，愛閱讀。可惜佢群體活動時不愛守規矩又手多多，例如打尖同貪得意拉下同學衫。

愛唱反調惡作劇突出自己，例如做體操時教練話數5聲開始，佢偏要數8聲。小組活動時佢又容易分心，沉醉自己世界，例其他小朋友練習未輪到佢，佢會扮火車行來行去，到輪到佢練習時佢就無為意。

同學校老師及社工傾過，佢唔係專注力不足，學校表現沒大問題。佢好敬畏老師，所以在學校佢會循規蹈矩，但學校以外的場合就無法自控。

我有用正面方法去教佢該做咩行為或對不理想行為給予合理效果，但只要我唔係佢身邊就忘記晒

還有一年就考直私小學，可以改善嗎？如何改善？我怕佢第一round都已fail，幾好的學術都是徒勞

RockMusicLover

其實照你咁講呢個小朋友好聰明，因為等緊果陣佢識自娛，叫佢數五佢偏要數八因為佢觀察到佢咁樣係好唔同，教訓比佢反應佢覺得好搞笑。四歲未必識咁快收制，今年先升k2, 唔洗咁緊張咁快要佢所謂守規矩。

bbjanbb

原帖由 RockMusicLover 於 16-07-28 發表
其實照你咁講呢個小朋友好聰明，因為等緊果陣佢識自娛，叫佢數五佢偏要數八因為佢觀察到佢咁樣係好唔同，教 ...

問佢幾歲佢會答自己10歲，又會話自己屋企有3個bb(明明得佢同細佬兩個）亂噏當秘及。佢bb時已經好熱情，會隨便錫人或攬人（初次見面）而家大左佢完全唔怕醜，不怕陌生人，第一次見同學父母就攬頭攬頸。本來都不是壞事，但有時會嚇怕其他人。
希望佢大左自制能力可以改善。我真係擔心佢將來適應唔到傳統教學的小學（現讀幼稚園係半龍升其傳統小學），而活動教學的學校佢又未必考到，收放自如真係好艱難

kakakatam

我仔又係三歲幾，升K2，同你小朋友一樣，整古做怪，小聰明，轉數快，但自制能力差少少，群體活動時會突出自己，唔識收歛。我自己平常心，佢仲細，慢慢教，大咗明多咗會有進步。入唔到直資私校，入津校。考小學，學校唔識欣賞無辦法，第一round畀人out都無辦法，最緊要媽媽識欣賞佢，一步一步guide佢行條正路。總相信會有學校欣賞佢，可能會試男校，因為可以排除同女仔比較。出街好多路人甲都話亞仔有小聰明，但性格問題，叫媽媽畀心機教，辛苦媽媽。在此亦鼓勵你，勿忘初衷，對小朋友的願望係身體健康，無謂為自己同小朋友徒添壓力

ume

原帖由 kakakatam 於 16-07-30 發表
我仔又係三歲幾，升K2，同你小朋友一樣，整古做怪，小聰明，轉數快，但自制能力差少少，群體活動時會突出自 ...

講得好啱

ume

四歲小朋友自制能力未夠是很正常。我同意其他媽媽講，古靈精怪的小朋友其實係因為聰明。作為父母要配合小朋友的成長去教才會得心應手，相反如只配合教育制度，就可能埋沒了小朋友的天份。

Kikichan724

好多小朋友坐唔定係因為太聰明，父母應配合小朋友唔同既個性而作出教導，加油

bbjanbb

多謝大家的支持
我覺得放鬆左，我會順住佢個性加以引導
多點欣賞佢的長處，例如：外向，想像力，膽量

RockMusicLover

原帖由 bbjanbb 於 16-07-29 發表
問佢幾歲佢會答自己10歲，又會話自己屋企有3個bb(明明得佢同細佬兩個）亂噏當秘及。佢bb時已經好熱情，會隨 ...

有時呢d野真係一個「package」黎，因為佢有創意轉數快樂好動活潑，掉返轉佢會較難「收制」，或較難注意到人地既反應係鍾意定唔鍾意。同意另一位家長講，因材施教，慢慢黎，唔好埋沒佢呢方面既優點。

queenie1985

我個仔同你一樣，岩岩4歲 又係群體活動會搞下其他同學，坐唔定。我覺得佢活潑啫，但唔係個個老師都受。試過有興趣班老師唔鍾意佢係度騷擾其他小朋友，但一有老師治到佢，佢就變得好乖好定。我真係頭都暈埋。

Felix223

我個仔同樓主同年齡, 性格好似. 最近改善了, 我時常同佢講而家佢大哥哥, 要乖D, 平時多D同佢睇一D"健康成長系列的書"- 書局有得賣. 當然有圖畫, 一來對德肓同生活常識, 好習慣, 安全意識有幫助, 二來可訓練耐性.

eltonmi

我認同這是一個套餐，小朋友有小聰明，活躍愛表現是一套的，我仔和你們所説的一樣，一直有不同人叫我帶他去檢查是否資優，而老師就間中投訴下他的行為。而家就來5歲半，考緊小學，老實講，你擔心的問題（第一輪已拒絕）我而家受緊。我自問都有用心努力教，唯有等他長大希望好啲。

bbjanbb

eltonmi 發表於 16-10-13 16:20
我認同這是一個套餐，小朋友有小聰明，活躍愛表現是一套的，我仔和你們所説的一樣，一直有不同人叫我帶他去 ...

能夠體會到你心情
或者較重學術的學校會有機會？

eltonmi

bbjanbb 發表於 16-10-15 21:06
能夠體會到你心情
或者較重學術的學校會有機會？

多謝你，可能吧，而家小一面試遊戲中段，成績麻麻，唯有保持積極，玩埋落下

Carroad

不過我覺得如果真係好想佢考到直資私小，可以上啲專注力班，或者自己睇多啲有關書籍响屋企訓練下（有好多遊戲同練習都幫到加強專注），畢竟專注力強對第時學習好有幫助。我個仔都係K2精靈活潑型，性格係咁，有好有壞，各有難題啦，不過做父母嘅最緊要欣賞佢地嘅好，大家努力