第一輪面試，要留意信箱....

SmilieMaMa

大家都應該1st in 完，我想做個記錄比下年既人參考吓。。。呢個只係小兒既版本，可能都會有錯漏，同埋以我所知每間房有些少唔同的。

排隊入課室，分成3個一組，老師會叫名，按指示坐下(唔知係咪特登，我明明見到佢嗰隊一半男一半女，但我仔話分組時就全部都係男仔)。
老師問邊個小朋友想出黎唱歌，舉咗手就可以行出去，唔出去既話都可以係位度唱。對住電視，播卡通歌，唱"Head Shoulders Knees and Toes Knees and Toes"。

之後返埋位，坐低，老師問讀邊間幼稚園，住係邊？問邊個想答先，舉手既答先，冇舉手既老師都會之後問佢的。

之後，老師攞住幅圖畫，係個超級市場情景，話有隻馬騮黎咗搗亂，之後派咗張黃色紙，同一個拉鍊袋，打開拉鍊，攞入面2支鉛筆，1舊擦膠，要佢地跟著指示圈出答案，例如，3角形餅乾，紅色蘋果等。另外，又問馬騮偷咗3隻香蕉，唔夠飽，再偷多4隻香蕉，要係張紙圈總共有幾多隻蕉？(答案都係用蕉既圖畫數量表示的)。老師再問，馬騮入咗黎超級市場偷野，咁有咩辦法可以阻止佢唔比佢咁做呢？收卷前，要係張紙既右上角寫你自己既中文名(有橫線的)。

再係頭先個拉鍊袋入面攞張水果卡，有圖畫，下面有中英文，例如橙，跟住要輪流介紹手上嗰種水果。

之後再係拉鍊袋，裡面有4塊唔同顏色既雪花片，要自己砌樣野出黎。今次合作，老師比咗一個模型佢地，要佢地合作砌 ，可以唔跟顏色。之後收野，要放番1張水果卡，1舊擦膠，2支筆同4塊雪花片入袋，拉拉鍊，比番老師。

最後擺咗3樣玩具，有Thomas Ball，車同槍，玩咗一陣就收拾玩具，排隊離開。

後記:家長等緊小朋友時，會上禮堂聽校長講話，佢話一個課室入面有16個小朋友，同5個老師(但我等我仔落黎時只見到11個小朋友，應該有啲冇黎考，所以佢係3個1組？)，今年有4851報名，足足多了12xx人報。第2輪收1000人，第3輪收400人，最後選120人。其餘280人waiting。校長講話唔睇證書獎項，所以有update 都唔洗拎去學校。仲有，一夠鐘就落閘，所以一定要準時(但又唔好太早去，因為冇得早入學校，日曬雨淋。)

SmilieMaMa

原帖由 Mrs.Luckycat 於 16-09-11 發表
你仔仔好叻，有好強專注力及記憶力，有second interview 一定無問題

哈哈，過獎了，佢不嬲專注力都唔好，記憶力強都只限佢想記既野 我只係冇打埋佢話佢唔識嗰部分出黎而已。。。例如，馬騮偷蕉，佢講得出題目，但理解唔到就係3+4=7。。。仲要咁大競爭，入到2nd in都真係已經偷笑喇

SmilieMaMa

原帖由 Mrs.Luckycat 於 16-09-11 發表
我隻仔睇嘅圖都係monkey 偷嘢食，佢向我轉述時，講到七情上面，眉飛色舞，最後話「用條繩綁住佢」，呢個方 ...

哈哈，你見星期六下午？我仔話佢嗰組都係有個小朋友話用繩縛住佢。。。

SmilieMaMa

原帖由 mschu 於 16-09-11 發表
請問你囝囝係邊日見？我個仔個故事的馬騮唔係偷野，而係跌晒Ｄ野落地下。另有考生果問題。



  ...

我係星期六下午見的。。。校長已經講過每日都會有些少唔同的，就好似我朋友話佢哋in時係唱If you happy and you know it clap your hands，佢考既生果同我仔既都唔同。。。淺啲既有蘋果橙，深啲既火龍果荔枝車厘子都有。

SmilieMaMa

原帖由 IICHENG 於 16-10-14 發表
好勁

過獎了，小兒今天已完成第2輪面試，雖然我覺得佢表現未如理想，或多或少有啲失望(因真心覺得港同好啱佢style)，但anyway 等我做個記錄，比後人參考啦:


6位小朋友一組，入等侯室，小朋友自己坐，家長坐另一邊，小朋友可自己睇帶來既書解悶，大概坐咗15分鐘，就被帶入校長室。

1. 小朋友坐在校長前，校長枱上有堆動物，之後校長會用布蓋住，收埋其中一隻，然後要小朋友鬥快舉手答，校長會揀最快一個答，答錯先會叫第2個。

2. 校長逐個問，隻白熊係住係邊架？

3. 校長比小朋友一件物件(每個小朋友唔同)，要佢地輪流描述件物件

4. 校長論流問帶來既書名

5. 校長派咗每位小朋友一舊字母積木，佢話要係個籃到搵番相同既積木。

6. 之後行去另一張枱，有工作紙，寫中文名字，播錄音帶，一英一普，依指示係工作紙上畫畫。。。佢話英文係叫佢係隻羊身上畫隻動物，普通話就唔記得(但我見佢畫咗太陽同草)。畫完校長會吸個印仔比佢地。

7. 最後，去玩具枱，玩玩具

全程25分鐘左右