【短片】影強國宿舍獲獎 港生被「追殺」

elbar

【短片】影強國宿舍獲獎　港生被「追殺」



《沉默》 Jimmi Ho

一幅名為《沉默》、以廣州華南師範大學學生宿舍為題嘅相，令公開大學攝影及電影設計學系3年級學生Jimmi Ho獲國家地理年度旅行攝影師大賽城市組第2名，同時令佢成為內地網民追殺對象。點解呢？相片影嘅係宿舍分隔成多個房間，好有壓迫感，原先仲描述學生過得似奴隸、囚犯，難怪惹嚟強國同胞嬲嬲豬。


「#監獄」得罪網民



八方問過Jimmi，佢話相片係去年旅遊時拍嘅，描述嘅只係當下感受，「宿舍內的同學亦經常抱怨學校宿舍得不到改善」。佢話獲獎後已經喺網上就相片描述字眼道歉同修改言辭，但因保留「監獄」hashtag，至今仲有人留言騷擾。諷刺嘅係佢就讀該校朋友話，宿舍近日加裝冷氣改善環境。被強國人諷為「口氣大的香港人」，但Jimmi查實係新移民，喺內地讀咗16年書。佢冇諗過咁大反應，但唔覺自己講錯嘢。


李八方