想問下小學是否知道該校學生是自行收還是抽奬入呢

laikwong1975

想問下小學老師是否知道該校學生是自行收左還是抽奬入呢？

daniel48

如果自行/抽奬也有填, 小學應該不知道他的學生是自行還是抽奬入某間中學

laikwong1975

daniel48 發表於 16-7-8 00:42
如果自行/抽奬也有填, 小學應該不知道他的學生是自行還是抽奬入某間中學

但老師今日同我仔講佢自行入，我仔自行，甲，乙都係選第一，所以好奇佢係咪真係知，希望能收集多些資料，幫下之後嘅學生。因為小六學生家長真係好折磨，仲要折磨成二年。

ivory0915

知道的

oiyau2005

學校知道，但都係派位先知

laikwong1975

回覆 oiyau2005 的帖子

唔該

laikwong1975

回覆 ivory0915 的帖子

唔該

chan803

原帖由 oiyau2005 於 16-07-08 發表
學校知道，但都係派位先知

會咩？

oiyau2005

原帖由 chan803 於 16-07-08 發表
會咩？

老師話會，你問老師就知。

chan803

原帖由 oiyau2005 於 16-07-08 發表
老師話會，你問老師就知。

老師點會知？.....

中學的自行收生名單只需要交回教育局，小學老師點會有自行收生的結果？

oiyau2005

chan803 發表於 16-7-8 12:04
老師點會知？.....

中學的自行收生名單只需要交回教育局，小學老師點會有自行收生的結果？

學校話有, 但唔會特別同學生講, 呢樣應該好多家長都知, 你試下問學校.

kitkit218

知道的。

mammamia0603

我想問吓大家，我個女嗰間中學13/7會抽樣叫一部份同學回校做一個數學評估，我個女沒有被抽中，你地學校有嗎？知唔知道有咩作用?

BBKDWLAM

中學就會知，因為佢知自行有無收到你，你用甲定乙抽入亦唔會知。而小學…就咩都唔知，只係有多些數據…去估！

2004107

回覆 mammamia0603 的帖子

  我女都被抽中，不過我們是14日。同問，希望有經驗家長解答！

sarali

原帖由 BBKDWLAM 於 16-07-08 發表
中學就會知，因為佢知自行有無收到你，你用甲定乙抽入亦唔會知。而小學…就咩都唔知，只係有多些數據…去估 ...

原來係知架！
我女因為自行一係他區，我亦計算過會收我個女，最後真的收了，但從來冇諗過係甲一，因為自認冇乜運氣，上兩三個月，呀女師妹同佢媽媽見家長傾填表，佢見到我女個名，因姓氏比較特別，之後係睇到寫住自行入的，佢還打來問我知唔知道點入？

BBKDWLAM

原帖由 sarali 於 16-07-08 發表
原來係知架！
我女因為自行一係他區，我亦計算過會收我個女，最後真的收了，但從來冇諗過係甲一，因為自認 ...

相信那只是小學一方的“估計”，然後老師自己打成記錄，方便未來升中同學參考。因為始終涉及私隱，小學唔會公開資料，通常只透過老師口頭轉述，或在升中家長會時比家長睇睇從前相若成績的師兄師姐派位情況，方便家長參考。

Band5

中學可以肯定邊幾個係自行入嘅，只要將中學自行收生次序，比對放榜收生名單，就知道邊個係自行成功！例如自行學額係50，在自行收生次序數返前50個最後收到嘅，就係自行入，其他係抽獎入！

甲部入嘅都有部分可估計到，就係小學所屬校網無乙部抽獎位嘅就多數係甲部抽入。
但應該唔知學生有冇轉校網！
其他嘅就唔會肯定！

chan803

原帖由 sarali 於 16-07-08 發表
原來係知架！
我女因為自行一係他區，我亦計算過會收我個女，最後真的收了，但從來冇諗過係甲一，因為自認 ...

如果你係指中學，佢地當然知邊邊啲係自行收㗎啦...

但小學就應該唔會知的....