有無過來人或同路人，覺得我小朋友係咩問題？(長)

Shirleyloveyou

我的小孩 現在3歲4個月
由細細個到現在都唔怕陌生人，會主動聊人傾計，鍾意同年紀相若或大d的小朋友玩，咩興趣都啱嘅，煮飯仔又鍾意、車又啱，乜嘢玩具都有興趣試下玩下咁，無特定喜好/興趣。新奇/鍾意的玩具，可玩15分鐘以上。佢要拿住/聞住一種毛巾質地的布訓覺，如果無，難以入睡。會爭野玩，被搶玩具會攻擊人，打人等，都試過無端端咬同學手指，如對方有敵意，仲試過用玩具打對方。多言、每事問、打爛沙盤問到督，個人心急，唔喜歡排隊，輪流玩的遊戲又好急好急想玩先，個人容易忟憎，平靜的時候喜歡自己唱下歌仔，記性好，例如半年前食過一款生日蛋糕都記得，公園層經維修過的設施當時無得玩，兩個月後去返，佢又記得維修過。層經大約2.5歲至3歲期間好怕迫，例如，電梯、港鐵多人，會尖叫，嗌話好迫好辛苦咁。但後來好像大d明白道理，講多d佢知點解會咁迫人，佢又好似明白咁，3歲後少左咁抗拒迫人的感覺。個人就怕黑的，無啦啦熄燈就會好驚咁。成日要人抱，唔肯行路，點都唔肯，用過好多好多方法，番放學出街都要抱！直至3歲2個月，好大轉變，同佢多講好多道理之後（例如話佢長高左好多，抱唔到）少咗好多扭人抱。仲有，係3歲3個月前，跟本未見過佢正經行路，一係狂衝一係跑。仲有大約2.5歲至3歲期間，有強烈固執行為，例如父母著左對方其中一隻拖鞋唔得，一定要交換番。又例如佢放學有3條路可回家，我通常選第1條路，但佢就睇心情，一時要求行1 一時要求行2 一時要求行3,如果唔妥協，拿拉到你肯行為止。不過又係明白多左道理之後，現在少了此情況好多！

剛讀n班一、兩個月左右，老師已懷疑他有感統的問題，講少少剛番學的情況先，他開學時坐不定，完全不受控，爬枱爬椅、走來走去，不專心老師說話，大力關課室門、整古嬸嬸等 。
後來我們去左扶x會估感統評估（當時大約2歲9月），評佢係觸覺&本體覺較弱，之後參加左訓練兼常去公園玩，老師感覺佢個人定左d。後來耀x（大約3歲）評估他前庭覺弱、手腳協調差和大肌肉差d，依家都有做訓練，感覺都有改善。
等到政府做評估那天，評定他為懷疑自閉譜系、社交能力較弱、專注力較弱。依家等緊見兒童精神科和排e位。
有無過來人或同路人，覺得我小朋友係咩問題？

newsky

小朋友言語有無遲緩？ 叫佢個名有反應嗎？ 識聽指令嗎？

legolas625

其實你都去左評估，你不信評估結果?

Shirleyloveyou

原帖由 legolas625 於 16-07-05 發表
其實你都去左評估，你不信評估結果?

謝謝你回覆！其實個e生全部聽我地講以上我打嘅內容去做評估做結論咋，當日e生俾佢玩嘅野做嘅野，佢全部做到，唔係話信唔信，咁e生都係懷疑囉。咁我想睇下呢度有無經驗人士或同路人知道/覺得係點囉。

Shirleyloveyou

原帖由 newsky 於 16-07-05 發表
小朋友言語有無遲緩？ 叫佢個名有反應嗎？ 識聽指令嗎？

無言語遲緩，而且對答/反應都有的，10個月叫媽媽，1.5歲說短句 ，都是正常交流，不過欠眼神接觸。老師話佢是好聰明，有d未學已識，所以課堂上變得無心機聽，個心跳左去第二度

DollyCC

聽你禁講似adhd, adhd都好固執，玩對抗。但要睇埋老師覺5覺。你可問下醫生，始終我地都係估下，唔係專家

rainrain613

原帖由 Shirleyloveyou 於 16-07-05 發表
我的小孩 現在3歲4個月
由細細個到現在都唔怕陌生人，會主動聊人傾計，鍾意同年紀相若或大d的小朋友玩，咩 ...

您其實評估左應常試去接受,加上佢咁細發現的話，可以儘快去幫佢。

rainrain613

原帖由 Shirleyloveyou 於 16-07-05 發表
無言語遲緩，而且對答/反應都有的，10個月叫媽媽，1.5歲說短句 ，都是正常交流，不過欠眼神接觸。老師話佢 ...

你可出面再找另一專家去評估佢係資優或是自閉譜系兒童。如早發現就可以早點幫助小孩！

lulumelody

其實係感統問題又好，係自倾又好，都係—個名稱，最重要要知小朋友本身問題所在，做計對性的訓練。

piglet0529

原帖由 Shirleyloveyou 於 16-07-05 發表
我的小孩 現在3歲4個月
由細細個到現在都唔怕陌生人，會主動聊人傾計，鍾意同年紀相若或大d的小朋友玩，咩 ...

就你的形容應該係自閉譜系, 有感統問題, 但智力應該正常, 以前叫做亞氏保加, 現在列入自閉譜系, 即有自閉徵狀但智力正常, 很多社福機構有的比幼兒的密集班可上, 同時可經政府CAC評估排I E 或S位特殊幼兒服務, 亞氏小朋友有不少有ADHD, 要加留意, 大的又有機會有讀寫障礙, 不過有的係資優, 有的全部中晒