應該幾時同學校講？

annie0517

小朋友派到心儀小學，下星期去學校做校服和考分班試。心理學家寫定封信比我，同學校講佢情況。如果我當日就比信學校，講佢嘅情況，學校會否呢個時候就將佢退學？講比學校知，係唔想佢哋以為佢頑皮，唔聽教，比啲訓練佢；但講咗又驚學校會借啲二丁佢走，好担心。請問有冇過來人分享。

Hopeful2010

annie0517 發表於 16-7-4 19:53
小朋友派到心儀小學，下星期去學校做校服和考分班試。心理學家寫定封信比我，同學校講佢情況。如果我當日就 ...還是

官、津校不能因為是SEN學生而要求退學，學校是谷成績的，還是愉快學習，有教無類？你的小朋友是專注力不足型、過渡活躍型、還是混合型？前者可以觀察開學後的情況再決定，後兩類學校可能不久已適別出來了。除了不想被老師誤會，你想得到調適和政府服務嗎？





我的個人經驗，小兒是專注力不足型，不會搗亂，社交很好，只是自己發夢，所以老師沒有建議或投訴。學校社工認為是我過份緊張，否定他是ADHD，拖拉至最近才確診，還要不是輕微個案，若早一點知，我會要求學校在功課上有調適，不用痛苦了幾年，其次是測、考上是否可以加時。小兒初小成績還可以，到小三分數只是剛合格多些，常識是他喜愛的科目，較為高分，小四測驗試過全部不合格，醫生解釋不服藥，成績更會愈來愈差，因為高小課程深了，需要更多思考。我不會期望學校會有什麼訓練給小兒，都是靠自己，始终大部分學校都是會看重得奬學生，希望得到更多BAND 1 位，派到更多好中學。

麥兜MaMa

其實學校如留心, 是可以很早已可觀察到小朋友的情況.
過渡活躍型更易看出來. 專注力不足型一正式上堂便表現. 因小學rules不同KG, 要坐定上堂.
分班後,可以先連絡班主任, 等佢了解佢情況, 易得當佢係頑童, 被罵被罸.

annie0517

我小朋友係混合型，會有啲滋擾。我想逃唔過老師眼睛。

DollyCC

有經驗老師好快知，不如自己早講，學校可以向政府攞到錢，又可以在開學前有心理準備，安排坐位，有經驗老師，或拆開同一症狀小朋友唔同一班

joe12211981

小一適應班已經同班主任講，班主任仲讃我肯一早講，可以令佢有所準備，老師好照顧我仔，安排佢坐第一行，日常對阿仔的甩漏都好睇諒

PurinBB

回覆 Hopeful2010 的帖子

請問你的小朋友現在已食緊藥嗎？我小朋友同你小兒情況都相似，有時成日自己發夢，暫時成績都沒有影響，但怕讀上去課程開始深，需要多思考，是否一定要食藥才能有效！

crystal媽咪

早d講，學校安排老師/服務都早d

Hopeful2010

PurinBB 發表於 16-8-10 13:15
回覆 Hopeful2010 的帖子

請問你的小朋友現在已食緊藥嗎？我小朋友同你小兒情況都相似，有時成日自己發夢 ...

有吃藥，起初感覺良好，不知是否暑假關係，做暑期功課時又遊魂，但他總算完成閱讀了兩本中文和一本英文小說。月尾會覆診，並會加劑量和加長時間。我也不肯定吃藥能够提升成績，醫生比喻他有近視，不給他戴眼鏡，他跟本看不清黑板上的字。