好困擾，真係唔識點做......

shala

阿囝今年升中一，剛剛考完畢業試，數學明顯退步，佢份人比較懶散，已有私人補習，但愈補愈hea，態度又差，連補習老師都投降！而家返半日學同放緊暑假冇分別，日日返到屋企就問我攞ipad玩（因我鎖住部ipad），我俾佢玩兩次,每次玩半少時，冇得玩ipad就睇電視，叫佢睇課外書,就睇叮噹,老夫子等漫畫，叫佢去圖書館就不太願意，就算去完也是租借漫畫書回家,叫佢做練習，很快就做完！跟住又係睇電視，諗住叫番補習老再黎，好過而家咁！昨晚同老公呻，佢發哂脾氣鬧阿囝！驚佢呢段時間，容易反叛。大家可否教我應點做？

brother4

跌一科，好普通，如跌幾科，咁點算。。。。考慮放手。。。或一般做法是做吓義工。。。另想芵留學如英鎊跌8算希望有啦。

aptcan

其實啱啱考完試就畀佢放鬆吓，依兩年呈分已經好攰啦，佢又唔係睇不良嘅書，只係睇吓漫畫姐，畀啲空間大家休息吓，升上中一又要搏殺過﹗

HTLT

我仔九月都是升中一，今個暑假是歷無前例的 hea, relax 完九月再博殺！

talknwrite

咁你自己係屋企做乜野?

這個年紀, 不是要補習老師, 是要一個人生教練!

Yanamami

吓？我女考完畢業試當自己放假㗎嘞~Hea下先啦，遲d先开始睇中学俾既readers. 家下都係日日上網咋~你仔唔係仲繼續補紧習啩？俾佢透下啦~

anna59

咁嘅學習態度，好危險，上中學就知味道

shala

原帖由 talknwrite 於 16-06-30 發表
咁你自己係屋企做乜野?

這個年紀, 不是要補習老師, 是要一個人生教練!

冇請工人，所以做屋企野，做完會同佢傾下學校啲野，因不是日日補習，所以有啲都要自己跟！

shala

原帖由 anna59 於 16-06-30 發表
咁嘅學習態度，好危險，上中學就知味道

我都明，但有改善方法嗎？

anna59

回覆 shala 的帖子

其實，真糸冇乜辦法，我見過，有學生入左b1英中，學習態度吾好，升中二已經要試升，佢同父母講，吾惦未轉校羅。其實，佢身邊的同學個個都讀書，成績仲幾好添，呢D糸佢嘅心態問題，如果一個人有咁嘅心態，都好難讀落去我估，你個仔可能吾鍾意讀書，與其鬧佢，不如平心静氣傾吓，因為中學是另一個世界，不論中中定英中，好多野讀，好多野記，要每個星期溫習，因為每科範圍大，温少一個星期都吾得

MariaTsui

囡囡都是9月升中，本身成續都不太好，幸好態度都算正面，但都要迫，所以暑假不會停補習，英文，數學都會繼續。

MariaTsui

暑假補習，不是不讓她休息，是讓囡囡個心不要太散，始終玩開左，很難收拾心情。

TwinWong

shala 發表於 16-6-30 12:06
阿囝今年升中一，剛剛考完畢業試，數學明顯退步，佢份人比較懶散，已有私人補習，但愈補愈hea，態度又差， ...

最好大家坐低傾下, 比個日子出泥, 例如: 暑假頭一星期可以尽情玩, 第二星期開始每日要几多小時做暑期功課, 几多小時自由活動, 暑假的最后一星期前必須要完成所有功課, 跟住收拾心情預習書本生字查字典等

MrBeast

我都贊成off 一陣，不過可夾雜一些不同的活動，好過靜睇tv和打ipad，你仲可以話見佢之前咁努力，一於放佢大假，不過要佢誠諾一些規則，eg，一日唔可以打多過x mins 機、etc.  最好就寫低佢叫佢簽名，冇得底賴

Yanamami

曾經听說过，我地用練右手刷牙、向前行路、行慣同－路徑番工番学買餸既話，要試下用左手刷牙、向後走路、行另一條路……目的係剌激下个腦，禁先無禁易老人痴呆、醒目d。我諗学生如果利用暑假做多d有益身心，同平曰开学時完全唔同既活动，係会有相同功效｡开学時就更有衝勁了~當然要編排有益活动而唔係日曰打机或瞓到日上三竿啦~

October.

可能你見佢數學成績退步而擔心？但我地大人放假都想HEA下，何况小朋友？ 考晒試無左目標，佢都肯做下練習，算係咁。

我仔都唔肯睇書，連漫畫都無興趣，要三催四請先睇幾頁讀者文摘，我地從來唔禁佢睇電視，唔禁佢電話，中英作文佢又暫時都OK。

有d小朋友性格上比較懶散，佢地個心知道要溫書，但對住本書坐唔定，咁就唔好要求佢地一次過要溫書幾個鐘，佢地唔係唔肯，係做唔到，俾佢地溫書一陣，玩一陣，大了可能會改善。

caerion

樓主不要太擔心，大家都辛苦左成年，先休息一下，派左成績表後，作賽後檢討，重新訂立目標，再來過，我個女同你個仔的情況參唔多，見到張成績表情況在能會唔同

friendfriend

shala 發表於 16-6-30 12:06
阿囝今年升中一，剛剛考完畢業試，數學明顯退步，佢份人比較懶散，已有私人補習，但愈補愈hea，態度又差， ...

relax, 帶他出去玩吓，參加暑期活動，還有漫漫長路要走。