太子明慧 VS 培道 (內有兩間幼稚園小小介紹,有興趣可以一看)

^0^_V

明慧讀緊國際班 全英粵教緊(有得上普通話同日文堂)...N班學緊既英文 , 有D我自己都唔多識,已經可以用英文短句答我問題.. (真心覺得教得幾好, )
小朋友見住都叫跟得上...
普誦話, 就識講XX老師早晨 ,再見咁...
但學費貴, 半日48XX, 全日87XX(or 88XX?)
仲有其他乜費乜費,總之妳諗到既都會收錢(咩活動相片,每張收你5蚊大元, 唔知做乜唔可以俾人上網DL,).
校服質地好一般,但收你高級價錢..(冷衫洗兩三個月已經毛粒),
總之感覺就係學校佢地為左搵錢係:    不遺餘力!!!
校長係揸跑車 ,攞Hermes 返學
老師(只限我小朋友班主任啦, 其他唔知)有愛心,耐性, 學校環境好 ,新, 乾淨



培道...雖然無N班, 但已經有朋友讀緊, 大約知道情況
一個字"平"...有學劵, 幾百蚊搞掂
老師有愛心, 學既野簡單D, 全中文.
happy school, 多其他野玩,~~
校舍舊,厠所聽聞好麻麻, 因同小學share用....咁間校舍舊,都無辦法既...
想小朋友英文好,我諗只可以出去補習解決...
最緊要係有小學100%直升嘛!!!
雖然聽聞中學唔多得......



大家會點擇?? 咩原因呢?
其實培幼係咪一定升培小?大唔大機會升其他?
明慧又升咩小學多? 請其他家長報報料......
係咪大機會D in 其他直小??

miyugu

如果我，撿培道。我都覺得明慧N班老師好好，但升著K1之後，感覺麻麻

^0^_V

miyugu 發表於 16-6-20 17:44
如果我，撿培道。我都覺得明慧N班老師好好，但升著K1之後，感覺麻麻

你小朋友有讀明慧k1?

miyugu

依家讀明慧太子K1，9月會轉校repeat K1

CxN_2013

原帖由 ^0^_V 於 16-06-20 發表
明慧讀緊國際班 全英粵教緊(有得上普通話同日文堂)...N班學緊既英文 , 有D我自己都唔多識,已經可以用英文短 ...

培道真係咁淺？有點擔心，如果上津小會否跟不上進度？令人擔憂

^0^_V

回覆 CxN_2013 的帖子

你小朋友黎緊都入培道？

CxN_2013

原帖由 ^0^_V 於 16-06-21 發表
回覆 CxN_2013 的帖子

你小朋友黎緊都入培道？

係呀

penn_2010

明慧超級商業啦，有乜理由 K 雜費可以$6,xxx 半年？擺明抽水，睇個校長都知。個別老師愛心有限，放學可以扮見你唔到。到底係賺你 $ 定有心教育/照顧小朋友，似前者居多。校長好日唔出現，係街撞到都未必認得小朋友。

^0^_V

回覆 penn_2010 的帖子

其實我都有同感...真係勁商業~~但問心...佢語境真係一流, 小朋友外語學得好,又學得開心~~

所以依個先係重點!

我想問下知唔知依兩年明慧生上咩小學!??

^0^_V

回覆 CxN_2013 的帖子

培道真係好淺的~因為我小朋友N班畢業,英文已經好過培道K1畢業, 我都諗緊有咩方法,可以keep到佢英文....

知唔知有咩培道生去邊度可以補英文???

penn_2010

原帖由 ^0^_V 於 16-06-23 發表
回覆 penn_2010 的帖子

其實我都有同感...真係勁商業~~但問心...佢語境真係一流, 小朋友外語學得好,又學得 ...

即使讀國際班，好多明慧小朋友一樣係出面補中英數普通話。所以，結論係，讀邊間都係出去補，係學校果幾個鐘，最緊要老師有愛心。

CxN_2013

原帖由 ^0^_V 於 16-06-23 發表
回覆 CxN_2013 的帖子

培道真係好淺的~因為我小朋友N班畢業,英文已經好過培道K1畢業, 我都諗緊有咩方法,可 ...

你N讀邊間

^0^_V

回覆 CxN_2013 的帖子

咪明慧囉~~小朋友讀國際班, 雙班主任,有一個係全英老師,唔識講中文~

anpanman_baby

原帖由 ^0^_V 於 16-06-23 發表
回覆 CxN_2013 的帖子

咪明慧囉~~小朋友讀國際班, 雙班主任,有一個係全英老師,唔識講中文~

好奇，點解你會知道自己小朋友N班英文已叻過k1畢業生？佢地兩間學校有比賽過英文？我大仔讀緊培道k1,老實我唔覺得程度淺，讀緊的好多都覺得適中。

吖B

我想出年給女女讀明慧N班，但收費好貴

^0^_V

回覆 anpanman_baby 的帖子

唔係話比賽,咁誇張既~~
只係有朋友讀緊,平時都會一齊玩....
眼見我小朋友講好多英文生字, 佢小朋友都未必識姐...
而且我小朋友會無端端彈一句英文出黎....嚇親我..."we are in the tunnel~~"

我諗我朋友個小朋友讀完K1應該都未識講依句囉....
但當然一切都係我估嫁啦, 你要我攞咩証明, 我又真係攞唔出既~~

anpanman_baby

^0^_V 發表於 16-7-5 11:10
回覆 anpanman_baby 的帖子

唔係話比賽,咁誇張既~~

Deleted

CxN_2013

原帖由 ^0^_V 於 16-07-05 發表
回覆 anpanman_baby 的帖子

唔係話比賽,咁誇張既~~

似乎明慧較適合你

boyboobee

其實真係睇家長想要用邊套去教, 明慧係貴, 不過對比同類學校, 明慧已經叫唔貴, Victoria, Tutor Time,...更加貴。我大女今年響明慧畢業, 同班同學升小無論直私, 或扣門, 都算好理想。PN班係粵英, K1開始係英普, 一班2位老師同時上課, 語境一流, 好多時同學仔放學, 都會三文兩語一齊用去交談。至於考上乜小學, 學校年年都會公佈響學校門外的, 升小成績, 明慧算好好的了。至於另一間, 要其他用家提供意見了

kokovic

其實我覺得明慧真係好架，之前成日聽其他人講咩商業化唔好，但佢地又講唔出唔好地方，我係用家，可以講到真實情況，佢比到我地家長想要既嘢，好似樓上話齋，對比同類學校, 明慧已經叫唔貴，間學校老師好有愛心，我女不嬲怕羞，頭一個月返學狂喊，老師無嫌佢煩，日日比鼓勵佢，又安排佢坐老師隔離，仲會抱下佢，令佢覺得有安全感，每日又會打比我，話我知佢點，非常有溝通，而家好中意返學，好融入學校生活，日日係屋企唱歌，咩書包，又講下學校既嘢，叫同學老師名咁，睇到佢好想返學
另外，語鏡好，佢而家識用全句英文問我嘢，答問題，我覺得學校好有功勞，屋企無可能學到咁多，佢仲有日文學下（pn當然玩下咁），仲有自理好好，衫褲識著，鞋襪都係，又會執野，我無教佢，都識晒，定期學校又會派學校生活照，見佢好開心，又有review report, 其實仲有其他都收左我女，但我reject 晒