- 在線時間
- 178 小時
- 最後登錄
- 24-4-20
- 國民生產力
- 10
- 附加生產力
- 1697
- 貢獻生產力
- 0
- 註冊時間
- 09-11-23
- 閱讀權限
- 10
- 帖子
- 509
- 主題
- 103
- 精華
- 0
- 積分
- 2216
- UID
- 532907
 
|
本帖最後由 XDXD3 於 18-4-13 14:18 編輯
我係用家，多過五年嘅用家
一開始學校幾好，可能遇到d好老師，好錫我女，品德教育好好，學術(中文)又好，都有d谷
但最尾一年啦，免費教育後，開始無系統。由從前谷學術(例如：開學前家長日校長講呢個學年要佢地識2000字，家長你地唔好懶！)，到今年變成happy school(家長日校長話要從活動中學習)，老師都難適應，攪到無系統，無範圍咁教(數學仍可以，英文一向都無範圍麻麻地，中文就好明顯由好有系統變成：比本簿你，你地寫d嘢落去啦，有寫就得)，仲有抄歌詞呢樣功課，實在唔知校長想點，小朋友連歌詞裡面的詞語都未識解，d字嘅正確筆劃都未識，就叫佢抄歌詞，仲要幾首咁多，量唔係問題，問題在於無意義，抄完對小朋友有咩幫助呢？！可能d筆劃寫錯哂架喎，寫完又唔知個詞語點解，無聊到極！聖羅撒嘅學術教育確實令到好多家長怨聲載道。
品德教育都仲可以Keep到，小朋友係乖嘅，呢樣要讚！
但發覺越來越嚴，嚴得無道理。幾年前有post話家長觀課日因為交通意外遲到而無得入，影哂相有證據都無情講，都睇到校長唔識變通，一做錯就死，完全無諗過原諒都係教育嘅一種。
今年換季適應期，忘記要換白鞋。第一個星期開始適應，第一次著錯，竟然打比家長叫佢地即刻帶對鞋比小朋友換！大老呀，返緊工架！個個小朋友都咁幸福有全職父母咩！好啦，答學校無人帶鞋喎，佢就比個電話叫小朋友同家長講幾句！！呢下嬲！做乜要講幾句？有乜好講？第一次著錯鞋係咪犯大罪？做乜要小朋友咁難受？
著錯第二日咪著返啱囉，有咩問題呢？仲要擺個小朋友上枱，點解要咁做呢？
作為幾年嘅用家，我越來越覺得學校過火，嚴係啱，但唔係一次就要人死係咪？我見有幾個老師真係好好，佢地有時會私下提家長，比機會個小朋友，但校長處事方式/成間學校文化唔係咁，亦有部份老師搏上位，用埋同一方法做事，令人覺得好無情無愛心。
作為用家，我之前都鍾意呢間學校，我都會建議人讀。但而家，我只睇到學校品德教育keep到同埋多咗個free play時間(但學校仲未捉到點樣happy school又教到嘢)，我係唔會再建議身邊朋友揀呢間，因為真係睇住佢地差落去。
|
|
發表於 16-6-14 17:59
，希望有校車
