輕鬆直資(嶺小)V.S.勁谷S.F.A

kwan_kwan3

如果家長冇時間跟小朋友功課,真係唔好選SFA, 因為SFA課程好緊湊,英小唔似津小,常識用英文教同考,小朋友要用多D時間才能記熟D字, 以小三常識:天安門為例子,以中文小一都會識寫,但以英文來說是Tiananmen Square ,小朋友點都要花時間去記和串,仲唔只一個字,係一堆字,食字食足6年,同埋老師唔跟書出題目,就算記得晒都唔代表取到高分數,加埋科SCIENCE,想早D訓都幾難

Jane1983

回覆 yoko2518 的帖子

係，會考數學。你仔的數，應該夠過關。
考小學，中英數都緊要。只係一樣好，就算好到超幾年，都無用，因為無人考到咁深。

yuenkw

kwan_kwan3 發表於 16-6-14 09:55
如果家長冇時間跟小朋友功課,真係唔好選SFA, 因為SFA課程好緊湊,英小唔似津小,常識用英文教同考,小朋友要用 ...

好同意。

昆虫分頭胸腹；植物分葉莖根，通過光合作用將二氧化碳同水，轉化成為葡萄糖同氧氣。

呢 d 小學問題用中文三兩句講完，用英文作答又係另一回事，初期家長唔跟，小朋友自己一個點面對！除非小朋友英文超勁 + 學習主動。

elvisBB

我女今年小一，SFA今年開始中文再加深左，我們的中文測考好多同學唔合格，默書係不供詞填充，真係食左本書都搞唔掂，今年超級多小朋友因為中文唔合格唔知點算，要留班，我們中文八字頭要慶祝，7字頭要還神。大家可以問下今年SFA小一，個個都對住科中文超頭痛。中文係其他3科溫書時間總和。

yoko2518

原帖由 Jane1983 於 16-06-14 發表
回覆 yoko2518 的帖子

係，會考數學。你仔的數，應該夠過關。

我想問今個月底開始申請2017~18喇。
面試面幾耐？ 考啲咩多？ in1輪定2輪

Jane1983

回覆 yoko2518 的帖子

Sfa 係兩輪，考學術。當年，我見我女有2nd in的同學，都係有實力、手瓜硬之輩。就算口才唔好、外形唔討好，都唔會未打先輸。

www

Sbaby 發表於 16-6-10 08:58
小朋友谷得。奧數老師話仔仔可能是資優。心算2位加減可以。亦自覺做功課喜歡學習。但唯一是我太憜性。怕辛苦跟學習 ...

如果係咁，應該揀SFA。

mimi222shi

英小中文深係好事，中英數都深絕對可以打好學術基礎。

purplechung

DevilPig 發表於 16-6-13 18:29
但我囡 k2 可以，如心算 57+57，減數弱D。。。可惜對考小學無乜幫助

k2已經識心算 57+57好叻
6+7, 7+7, 8+7 over 10的數, 小朋友吾駛數手指心算要識有難度, 學過會知道點教小朋友容易明白的方法.
小朋友計開加數學減數會有少少吾適應, 慢慢來吾好急.
考私校及叩津校會考數學, 一定有幫助架! 我記得6年前亞女叩小一循道有考: 3+( )=8 --> 類似的題目
襯k3有時間可以慢慢學左先, 數學要慢慢吸收, 又可以訓練腦筋, 我有時會考下亞女IQ題, 等佢以不同角度/方向諗下

DevilPig

purplechung 發表於 16-6-14 14:01
k2已經識心算 57+57好叻
6+7, 7+7, 8+7 over 10的數, 小朋友吾駛數手指心算要識有難度, 學過會知道 ...

但考小學好多考看圖講故事, 問常識題 >.<

purplechung

DevilPig 發表於 16-6-14 15:01
但考小學好多考看圖講故事, 問常識題 >.<

每間都吾同, group interview, 做paper, 老師問小朋友答吾駛寫亦有, 好多不同的方法, 要睇返你所考的小學.
聽人講小一interview而家連普通話都要考

retriever

yuenkw 發表於 16-6-14 13:05
好同意。

昆虫分頭胸腹；植物分葉莖根，通過光合作用將二氧化碳同水，轉化成為葡萄糖同氧氣。

點解我覺得英文易D?
重要係寫字.

英文如果小朋友識PHONICS, 寫英文係易過中文好多.

siukitty

回覆 geminialing 的帖子

好贊同！在學校裏工作肯定比一般家長甚至冇关係人仕清楚！

siukitty

回覆 purplechung 的帖子

题外话，要不要在外面學數，去加強训練？

purplechung

siukitty 發表於 16-6-14 16:48
回覆 purplechung 的帖子

题外话，要不要在外面學數，去加強训練？

就算吾出去學都要自己教下基本加數, 我個人寧願出去讀, 一個星期返一堂, 亞女會keep住每日做一本練習(好薄), 因為老師會比貼紙獎勵, 佢當興趣班甘返一的都吾辛苦, 每次返數學班前可以去書店睇書, 佢不知幾開心
亦有家長覺得吾駛特別教, 順其自然, 睇你自己點睇.
上到小一亞女會覺得的數淺, 滿足感大的, 預留多的時間應付中文默書, 因為學校每個星期三都要中默, 星期四英默(細女吾係讀SFA, 是傳統津校無教快/深)

DevilPig

yuenkw 發表於 16-6-14 13:05
好同意。

昆虫分頭胸腹；植物分葉莖根，通過光合作用將二氧化碳同水，轉化成為葡萄糖同氧氣。

但係 SFA 上堂有教英文常識嗎? 定係教淺考深?

yuenkw

DevilPig 發表於 16-6-14 17:31
但係 SFA 上堂有教英文常識嗎? 定係教淺考深?

小1-2 英常，小3-6英常 + Science。
部分考題唔跟書出，想要高分，需對考試範圍有深入理解；否則比您 open book 考都唔會高分。

bblove100

回覆 yuenkw 的帖子

你是SFA用家?不跟書出佔幾多百分比?有设有教淺考深?

kwan_kwan3

原帖由 retriever 於 16-06-14 發表
點解我覺得英文易D?
重要係寫字.

用英文好似容易d,我最初以為係,因為英文來來去去都係26個英文字組合,加上大人已學過,重温會感到容易,如果家中mother tongue是英語,更明顯。但套在幾歲的小朋友去學時,原來佢地未必消化到。加上每天功課排山倒海,想抽少少時都好困難。因為SFA係冇功課堂。甚至測驗前席都唔會減少功課。

yuenkw

bblove100 發表於 16-6-14 18:11
回覆 yuenkw 的帖子

你是SFA用家?不跟書出佔幾多百分比?有设有教淺考深?

你是 SFA 用家? 係，小兒剛剛昨天考完今學年 last 幾科，如學生沒有參加校內其他課外活動及幾日指定日子外，SFA 學生今天開始就無需返學，家長學生都好relax，9月開學在來過。

不跟書出佔幾多百分比? 佔比不多，如家長、學生只想成績表靚靚仔仔有A有B，而唔係求名次，影響不大。

有设有教淺考深? 如果小兒唔識答呢d題目，我會同呀仔講我地溫書未夠熟，而唔會簡單地指責學校教淺考深。