請心請教選幼稚園（好頭痛）

乖仔媽咪

我個女係二女，有個哥哥將會升小一。
哥哥間小升一係因為佢嘅能力，所以揀左間中平以下的小學。咁個女暫時覺得可培養一下，所以試考跑馬地聖瑪並收了。
坦白講，希望將來可試下跨區揀心儀女校。但係咪應該博呢？（因為妹妹已讀緊津校n班，變相要轉校）
如果到時揀小一果陣，等一round放棄哥哥讀緊嘅小學，就等同大抽獎。派唔派到跨區冇人知。
咁係咪照應該轉校去聖瑪呢？
諗到頭都爆，希望大家俾d意見

Milky0083

有得轉當然轉，不應因哥哥局限左妹妹

大埔之友

轉校對n 班小朋友無影響. 你唔喜歡哥哥間小, 又何苦要阿女入.

乖仔媽咪

多謝大家
因為同依家呢間幼稚園有感情（哥哥都係由n班讀左四年），而且又近屋企，所以考慮多左。
身邊好多朋友家人都係讀聖大，都好鍾意呢間學校，而且又派得好（就算跨區），所以覺得係咪試下呢⋯⋯

socute

原帖由 乖仔媽咪 於 16-06-07 發表
多謝大家
因為同依家呢間幼稚園有感情（哥哥都係由n班讀左四年），而且又近屋企，所以考慮多左。
身邊好多 ...

聖瑪是好學校，但是只是轉校對提升誇區派位幫助極微。如果你是target聖瑪同區幾間女津校。除了轉校有兩個問題問自己（1）已是教友嗎？不是會做嗎？（2）會搬家抽12區嗎？我是你如果在不舟車勞頓情况下也會轉校，但是也不會對誇區派位有過份期望。

lpylcklp

非常同意! 12區校網是很難抽，除非20分自行在手才值得搏一搏...如果一心只期望誇區抽中，根本同讀邊間幼稚園無關!
聖大是誇區抽唔到，叩門階段比現在讀緊哪間多少少優勢~

letterland

其實2個唔同學校接送好煩。好多活動都參加二次。妹妹讀左先，上到k2先諗跟哥哥尾定再考直資私小博叩門。pn女仔多數乖聽話，再睇定d先。

lpylcklp

如果唔煩接送等問題，如你所說，給女兒一所較好的學校當然是好的! 起碼有條件將來再決定!

clarachingching

回覆 乖仔媽咪 的帖子

哥哥小學，妹妹係必收生，如果妹妹唔跟哥哥，係無咗首名5分囉。妹妹得10分咋。不過如妹妹能力好，大可以另外考學校。

乖仔媽咪

多謝大家。其實呢個煩惱已經纏繞左幾個月，直到今個星期再唔遞信俾n班幼稚園，就會claim多個月錢，所以不得不選擇。深明唔係首名子女+冇宗教信仰嘅情況下，仲要跨區挑戰12網嘅困難 但真係好希望三年後有一絲希望，嘗試一下。轉換下環境，可能到時有另一種想法呢？希望呢個想法係啱啦