點樣叫小朋友去扣門好？

samhongkong

家中小朋友比較早熟，咩都知，但心寧脆弱，好易唔開心。我應該點樣同佢講，等佢積極Ｄ同認真咁去扣門，而又唔會令佢覺得派到既學校唔好？

michelle1222

我同佢講左派左邊間學校，而媽媽覺得佢可以入一間更好的，依家要辛苦佢了。佢好欣然接受。因為佢覺得間學校好細。

edith208

原帖由 samhongkong 於 16-06-05 發表
家中小朋友比較早熟，咩都知，但心寧脆弱，好易唔開心。我應該點樣同佢講，等佢積極Ｄ同認真咁去扣門，而又 ...

花D時間同仔女講下你們對所派學校同扣門學校的分別，當然入讀係仔女，最女子從佢地的角度解釋。

另外扣門程序要俾佢知，我揀人，人揀我，扣多幾間，俾機會多幾間學校認識自己。

仔女會sense到父母的失望，所以大人都要控制情緒。

當年我在阿女面前冇野，6月尾等消息中的某日，返到office, lunchtime同同事講起，自己爆喊出來。

我7月頭收到兩間offer, 兩日內喺三間攞返派位證。朋友住屯門，出九龍城扣門，等到八月中先有offer. 希望你們早D有好消息。

Jane1983

以鼓勵的口吻、正面的態度同佢講，只要唔踩佢派到的學校就得。

派到什麼學校係運氣，唔關小朋友事，佢唔應該有hard feeling。

sell2japan

身教, 大人都欣然接受事實, 積極幫助小朋友叩門, 小朋友也會明白,

Englandbaby

話去參觀下其他學校，做下工作紙，同老師自我介紹下。

karen55407

我有朋友個小朋友喺呢間學校讀緊，原來啲老師好有愛心㗎！校舍又大又靚！課外活動又多，又有你至鍾意嘅⋯啲同學又好乖，不如我哋試下考呢間學校，順便可以參觀下！

twlo

其實宜家的小朋友很醒，知道大人想做怎麼的?
我的小朋友上年也抽得不好，要叩門，我如實同佢講。不過完全沒有俾任何壓力給他，只是同佢講，老師問怎麼，明白便答怎麼。當中有不明白或聽不清楚，便禮貌地問多次。
最後，叩了五間，有四間成功。

AgapePa

原帖由 samhongkong 於 16-06-05 發表
家中小朋友比較早熟，咩都知，但心寧脆弱，好易唔開心。我應該點樣同佢講，等佢積極Ｄ同認真咁去扣門，而又 ...

話俾佢聽過咗level 1, 要升呢打大佬.

mcl203

原帖由 twlo 於 16-06-05 發表
其實宜家的小朋友很醒，知道大人想做怎麼的?
我的小朋友上年也抽得不好，要叩門，我如實同佢講。不過完全沒 ...

我小朋友當年6歲仲係一舊飯，考乜都唔知，亦唔使佢知，6月交埋私校學費，仲要收指示去面試，升小係由父母揀的，最後都會同佢講下，但我唔覺佢會明

cattz288

原帖由 twlo 於 16-06-05 發表
其實宜家的小朋友很醒，知道大人想做怎麼的?
我的小朋友上年也抽得不好，要叩門，我如實同佢講。不過完全沒 ...

我之前都係咁教定個仔咁，同埋老師鍾意答問題既小朋友， 答錯唔會罰， 但唔答就會無禮貌架

virginbaby

我想問下，叩既係神校定地區名校，二線學校？
我唸自己之前準備唔夠好，有啲學校面試撞期，攪到好似要再搵多啲去叩，但時間有限，好迷惘

samhongkong

回覆 twlo 的帖子

多謝大家既意見！我打算讚美要扣門既學校，然後叫佢去試下考。希望成功啦，萬一落選左，就話唔係佢唔叻，只係有比佢更叻既小朋友，佢盡左力就得，反正原本個間都唔差。
Twlo 既經驗好有用，感謝分享。

twlo

不是怎麼神校，只是同區比較多人選的學校。
因為我一間私校或直資也沒有報，我心想：如果同區叩門也不成功，其他也不用想，同埋，讀到書的話，怎麼學校也一樣讀到。

virginbaby

咁都係，神校機會仲少，可能只累了小朋友

wankapo

原帖由 twlo 於 16-06-05 發表
其實宜家的小朋友很醒，知道大人想做怎麼的?
我的小朋友上年也抽得不好，要叩門，我如實同佢講。不過完全沒 ...

好勁。請問同宗教嗎?

gk678

我地無咁複雜，剩係直接同佢講抽獎抽得唔好，要去搵學校，面試時佢叫你做乜就照做就得喇。

twlo

回覆 wankapo 的帖子

沒有宗教分，只是舊生。

lazywife

帶佢認識派到位既學校。。又帶佢去想叩門既學校睇下。。無講過一句好或唔好既野。。我只係同佢講：今日有面試遊戲，去唔去玩下？佢都係開心咁答好。。仲要同佢講我地今日要著靚D....爸爸同我地遊車河。。。大人，要將心中擔憂收藏。。面上要寬容。。小朋友更易受大人情緒影響。。。

girafflau

其實我小朋友無乜意識面試, 每次都會同小朋友講, 我地去唔同既小學玩, 今日去邊間邊間, 你玩完記得話我知好唔好玩喎..