禮賢學校 vs 培僑書院

snsn

禮賢和培僑應如何選擇？請指教。

wballp

培僑for sure,一條龍。

helenmail421

培僑，校舍大，一條龍，成績比較唔到，因為禮賢係小學，但培僑要12年後先有成績出

babaxmama

個人感覺德育品格教育禮賢較好，語境學術培僑較好，看看哪一學校style 適合自己小朋友。我個人會揀培僑。

hkpapa852

snsn 發表於 16-6-2 22:23
禮賢和培僑應如何選擇？請指教。

始終培僑係一條龍中小學, 加上無呈分, 建議諗清楚中學部係咪你心水先決定.

Raccch

兩間都係我心儀學校打算明年報讀，感覺女仔的話禮賢的中學校網還算OK，可以一搏。但係實際要到明年去面試之後感受下先知道了，如果咁好彩兩間都收

巴士

請問培僑幾時開始招生？

JadeW

9/7 簡介會

16-6-3 11:48 上傳

下載附件 (124.93 KB)

frankiemak

小小意見及個人分享:

禮賢: 優點德育好, 老師有愛心,下午活動安排, 女孩子升中網較好, Band 1率等等; 缺點沒有中學, 學費, 已很多人說過, 在此不多說.

培橋: 優點一條龍, 校舍大, 設施好, 學費便宜些; 缺點是沒有呈分, 有說中學是Band 2, 要請教高人.

反而想說說交通, 培橋在大圍山上, 除非搭校車, 否則交通安排絕對是重要考量.
另外, 培橋校長好努力想提升成積, 所以有要求, 英文8x分老師叫留意, 識人要外補.

每人心水/要求不同, 看哪邊更適合自己小朋友.

蝦米豬

原帖由 frankiemak 於 16-06-03 發表
小小意見及個人分享:

禮賢: 優點德育好, 老師有愛心,下午活動安排, 女孩子升中網較好, Band 1率等等; 缺 ...

我有朋友做秘書，兩公婆普通家庭，兩個小朋友都是培僑一條龍上，佢話自己仔女英文好聽似native, 但寫作若要議論，分析等表達便不好，最後不入本地u去了外國讀

boyboobee

我有相同抉擇要做决定，翻來覆去爬文又問用家朋友，事實正如上面其他家長分析一樣。現在是長女升小，後面還有一個妹妹，所以又多考慮一些....

boyboobee

其實我不能認同培僑係band 2或其他,因為培僑一開始就將課程根據12年去編制, 2005開校, 要到2017年DSE出結果,先知道培僑由小一開始教出來的學生係點,只不過我今年要做決定, 唔等得

snsn

boybiobee,你最後揀邊間呀？點解?

Valy

回覆 snsn 的帖子

朋友两個小孩，一個讀禮賢，另一讀培橋
媽媽feedback教學理念，校內文化，教學上buy禮賢多D

小ot

可否講吓有咩唔同？

boyboobee

原帖由 snsn 於 16-06-04 發表
boybiobee,你最後揀邊間呀？點解?

目前傾向培僑:
1.語言方面較強，女兒讀了4年國際幼稚園，由NET教，發音已較標準，如果入禮賢由本地老師教英文，轉回香港式口音的機會很高，英文科還有拔尖，另外女兒亦已習慣普上課。
2.培僑比較全面均衡，禮賢在體育、音樂、朗誦……諸如此類的校際公開賽，成績似乎並不突出。反之培僑在各方面培養都很多，成績相比下較好，在小學階段，個人認為各方發展均衡更重要。
3.培僑校舍大，設施多，無論球場、泳池、中、西樂器室、圖書館、禮堂、canteen……都很大，資源多。
4.培僑學生都要參加各種表演活動，亦有很多group project, 在培養自信、合作、分配、溝通、選擇、協調、妥協……等等，就如小社會縮影，在成長中很有用。

當然禮賢也有較優勝之處才讓我考慮這麼久。
1.禮賢在德育方面很好
2.升中入Band 1率高
3.升中有機會重回官津校，對妹妹升中有利(個人情況)
4.學術成績聽說較好，因培僑不全面參加TSA，無法比較，只能是聽說了。但培僑原來有自願參加TSA的(由現用家的)
5.老師很有愛心，亦很用心教育，師生關係非常融洽，在開放日處處可見，老師可做到亦師亦友的關係。

暫時分析到這，還在想，如你有其他想法，請賜教，我亦想多聽。