請教各位家長關於言語發展遲緩的支援

可珞比

我個仔今年讀小一，幼稚園讀I位，小一評估報告就話智力發展與認知正常，但是言語表達同理解就差，入左小學之後發覺背默書冇咩大問題，遇到需要理解的題目就完全亂晒龍，尤其是中文常識科同數學的應用題，我本身是家庭主婦，所以佢d家課係我自己跟，日日如是，有時候我會覺得氣餒同灰心，因為好似教極都冇咩進步，有時候對住個仔發脾氣，發完又覺得好內疚，小一生活就來接近尾聲，我想試試除左自己教之外，有沒有厘方面經驗的老師可以上門教，可能其他老師的方法會比起我會令個仔吸收多d,所以我想請教各位家長，有沒有方法或者機構可以幫到我，謝謝大家。

lingling_mum

回覆 可珞比 的帖子

情況同我仔仔好似，佢三年級，有言語表達同理解遲緩，做閱讀理解同數學應用題就死晒，做左年幾言語治療，就好大進步，言語治療師話要處理根本問題，我之前係咁教佢做閱讀理解都唔得，補習老師都冇辦法。個言語治療師好有經驗又有耐性，教左好多技巧，好快就有進步，你有需要可以PM你。

bbymc11

原帖由 lingling_mum 於 16-06-01 發表
回覆 可珞比 的帖子

情況同我仔仔好似，佢三年級，有言語表達同理解遲緩，做閱讀理解同數學應用題就死晒， ...

請問言語治療師有咩技巧教小朋友閱讀理解能力?可pm我嗎?

Chowying

原帖由 可珞比 於 16-05-31 發表
我個仔今年讀小一，幼稚園讀I位，小一評估報告就話智力發展與認知正常，但是言語表達同理解就差，入左小學 ...

咁我女情況同你仔差唔多。佢智力正常，係發展慢同語言慢。小一，二跟功課跟到我嘔血，我每人都堅持讀題目，跟住個女讀返再解釋，過程好慢長但一定要做，係有用嫁。數學題目都要，如果唔係考試就會唔識答，重有中文如閱讀理解，覺得太難唔啱小朋友程度，就飛過比答案佢算。
最重要係會有成效嫁，我女小一時中文閱讀只有三分之一分，現在小五喇，中文各份卷都合格，總分有7x 呀

Candygo

lingling_mum 發表於 16-6-1 09:36
回覆 可珞比 的帖子

情況同我仔仔好似，佢三年級，有言語表達同理解遲緩，做閱讀理解同數學應用題就死晒， ...

可否PM me pls

piglet0529

原帖由 可珞比 於 16-05-31 發表
我個仔今年讀小一，幼稚園讀I位，小一評估報告就話智力發展與認知正常，但是言語表達同理解就差，入左小學 ...

我仔剛升小二, A仔擲界, 去年上學期情況差不多, 中文閲讀理解是合格邊緣, 推介親子看青田的講故事學語法, 故事簡單有趣味又可以學埋簡單語法, 之後不斷伴讀其他繪本故事, 後來他自己看老鼠記者, 至於閱讀理解習作, 推介開心學讀寫, 較有引導性不是只有操練, 仔在下學期已經追番晒中文閱讀理解9字頭, 我暑假時反而開始讓他培養埋英文閲讀興趣, 努力中

Sask999

piglet0529 發表於 16-9-24 07:14
我仔剛升小二, A仔擲界, 去年上學期情況差不多, 中文閲讀理解是合格邊緣, 推介親子看青田的講故事學語法,  ...