62區小學

晴晴小B

原帖由 peggy 於 16-05-30 發表
柴天上年是3個自行入左林護(用荃灣地址), 另一個是轉了葵青區地址抽入去

我並非不相信你的資料，而係想講通常啲被訪問者因為面子問題，無論係經自行定統一派入某好學校，對外都同人講經自行入(感覺會較威)。當然亦唔可排除真係三個都係經自行入，但從該校普遍升中情況分析，要有三個同學可遁自行入林護，機會確實不大。

晴晴小B

原帖由 peggy 於 16-05-30 發表
柴天上年是3個自行入左林護(用荃灣地址), 另一個是轉了葵青區地址抽入去

始終經咩途經入係啲天知地知佢知，但無其他人知既事。

subb

咁又唔好講到柴天咁差, 這也是一間用心的學校, 老師校長也關愛學生呢
只是校舊式校舍, 小d人會選車　！　

peggy

晴晴小B 發表於 16-5-31 06:17
始終經咩途經入係啲天知地知佢知，但無其他人知既事。

入林謢其中—個是阿女的幼稚園同學，所以知道３個是自行入，其中兩個是孖生姊妹。
其實，柴天都不是太差。換校長後都在進步中

肥金仔

原帖由 peggy 於 16-05-31 發表
入林謢其中—個是阿女的幼稚園同學，所以知道３個是自行入，其中兩個是孖生姊妹。
其實，柴天都不是太差。 ...

完全同意柴天係呢幾年係進步中！呢間幾十年既舊校舍係殘d，但老師超有愛心，我個女上年讀得非常開心，但要搬屋所以今年轉左校。

我同意柴天學生未必個個都成績好好（因為大部分家長同學生好多都唔選呢間殘舊野）好自然收到既學生都好壞參半！d老師都講過佢地係要用多人地成倍既時間同心機黎教學生（因為其他有條件既家庭，父母都會俾好多出面既補習訓練，自自然然考tsa都會成績好），但佢地既學生家庭好多都未必有咁既能力。

我認同柴天係一間3344線既學校，但一定唔係寶校！

Lw2003

唔寶呀，比我入到就執到寶了

晴晴小B

原帖由 Lw2003 於 16-05-31 發表
唔寶呀，比我入到就執到寶了

統一派位乙一揀佢100%直入

cocacola1116

柴天最少有1/3能升英中，朋友女兒剛在這校畢業

晴晴小B

原帖由 cocacola1116 於 16-05-31 發表
柴天最少有1/3能升英中，朋友女兒剛在這校畢業

係荃灣區如果有3X%以上英中比率既學校，基本上都會擺個基本列表係校網。思源、伍季明、荃官小都係得3X%英中，而荃天只有2X%英中，推算柴天不可能有3字頭英中比率

happybobobaby

原帖由 晴晴小B 於 16-05-31 發表
係荃灣區如果有3X%以上英中比率既學校，基本上都會擺個基本列表係校網。思源、伍季明、荃官小都係得3X%英中 ...

你好似對柴天「情有獨鍾」，柴天未必係首選，有很多硬件上都不及其他千禧學校，不過其實都有家長對柴天有正面支持，你唔揀唔代表佢真係差到寶。其實入不入英中並非係入咩學校，學生本身都好重要，可必噤執著那百分比的數字⋯⋯個仔叻去邊都一樣叻⋯⋯

晴晴小B

原帖由 happybobobaby 於 16-05-31 發表
你好似對柴天「情有獨鍾」，柴天未必係首選，有很多硬件上都不及其他千禧學校，不過其實都有家長對柴天有正 ...

一間學校好唔好每個人都會好主觀，總需要一個客觀標準去比較。

晴晴小B

係現今呢個升中制度下，學校升中往績對自己個小朋友係有決定性影響。你前兩屆啲師兄師姐pre s1考得好唔好，絕對決定你小朋友屬於哪個 banding 。而一啲非熱門學校，由於吸引唔到叻學生報讀，佢哋成績只會越來越差。就算有叻學生被派到該學校，往往會中途跳去啲一線學校，根本走唔出個惡性循環。

肥金仔

原帖由 晴晴小B 於 16-05-31 發表
係現今呢個升中制度下，學校升中往績對自己個小朋友係有決定性影響。你前兩屆啲師兄師姐pre s1考得好唔好， ...

我覺得你所講既說話係有道理，但係單純去睇升中成績而去抹煞柴天差到成變一間寶校，我覺得太唔全面。明明有機會去繼續進步改善都俾你呢d淨睇升中結果既家長打沈，嚇到其他家長驚未必夠膽去考慮佢。

happybobobaby

原帖由 肥金仔 於 16-06-01 發表
我覺得你所講既說話係有道理，但係單純去睇升中成績而去抹煞柴天差到成變一間寶校，我覺得太唔全面。明明有 ...

同意！
就算間學校有記錄百分之九十九入英中，小朋友本身係達不到標準都會係嗰百分之一。更重要係有一個適切嘅教學環境比每一個小朋友有機會成長，唔似有D學校為咗「統計數字」一早已經放棄那其餘五、六成嘅學生⋯⋯

整體來說柴天係响上進步緊的，不會是所謂的寶校⋯⋯

hkpapa852

學校好不好, 當然唔應該只用升畢業生升讀B1比例去衡量.

但家長都要明白現行升中制度既限制, 就係唔理"現在"學校辦得幾好, 如果以前畢業生考Pre-S1既成績唔理想, 現在, 甚至將來個D學生既B1比例都唔會好.

所以入咗呢類所謂"寶校", "弱校", 就要有心理準備佢地既B1比例係比一般二線學校低.

即使學校幾努力, 亦要有至少2屆既學生家長願意犠牲自己小朋友既前途, 留係學校畢業, 為學校考好Pre-S1. 但坦白講, 呢個機會唔高.

所以係現有升中制度下, 係強校越強(B1比例較高), 弱校越弱(B1比例較低), 即使你小朋友幾叻, 都要睇前人成績嚟決定自己命運.

miriam

好老實, 柴天係我心目中唔算係寶校, 問我既荃灣只有三寶, 假若另一間小學仍然推學生亂搏既, 唔排除會變四寶.

柴天係我囡升 P.1 之後兩年都有公佈派位結果, 同我囡小學係仲差少少, 但都有 1/3 B1 學校.

呢幾年我囡小學 B1 % 都有跌, 跌到爭少少先夠 1/3, 難道又入埋寶校之列.

以下 post 出黎既數據都足以證明我點解唔將柴天列入寶校之一, 當依家跌到得返 2x% B1, 會當係弱唔會係寶.

升中派位 › 請教比較熟荃灣小學既家長們 #9

skykkk

咁請問深天又點呢？屬於咩類型小學，升中派位又如何？

妹妹頭

回覆 miriam 的帖子

但我有個親戚依家在柴天就讀小四, 見佢真係麻麻, 睇佢d功課, 老師改完我都仲見到有錯, 仲唔只一次... 老師質數好參差

妹妹頭

回覆 skykkk 的帖子

深天升中派位好公開, 你可以上校網睇, 佢地有齊最近幾年升中派位資料(升讀某某中學及人數), 可以參考, 大約都有40%升band 1英中

miriam

妹妹頭 發表於 16-6-3 16:33
回覆 miriam 的帖子

但我有個親戚依家在柴天就讀小四, 見佢真係麻麻, 睇佢d功課, 老師改完我都仲見到有錯, ...

係差左, 但都未係寶校系列, 我評分係弱校系列.

係我個兩年資料正正就係轉校長後兩年既升中派位, 仲可以出到街到底功勞係邊位, 大家都心中有數.

依家出唔到街, 即係 1/3 都無, 但又未至於差到拍住三寶, 拍得住既個間有睇我舊回應既應該估到係邊間.