各位媽媽不考慮國際學校的原因

giegie0506

孩子讀PN，明年K1，我想同仔仔轉讀國際學校，眼見很多媽媽比較prefer同小朋友讀三文兩語的主流或近似國際的主流學校，我想瞭解一下大家點解唔讀國際。

我考慮緊國際係因為覺得國際學校的教育比較以啟發思考為出發點，給予孩子足夠的自由度去發揮，以鼓勵的形式去俾小朋友信心去實踐自己認為對的事。我唔想小朋友俾一個格式規範，好似自己細個讀書只會背書，就算係名列前茅，我都只不過是部機器。

當然主流學校出來的孩子都好似比較以有競爭力，因為學術操練比較多。

自己心大心細，覺得而家讀緊o個間主流都唔太差，學校很有系統，不過始終係工廠式教育，所以覺得如果轉國際好似會開心d，但而家轉就只可以選下午班或全日制，今個星期會interview，雖然未收個仔入讀，但我都想睇吓各位對主流學校較為喜歡的媽媽對國際學校有何睇法。

好怕自己選錯，因為很難返轉頭～

mandy_ng207

Thanks for raising the question. I have difficulty in choosing too...I also think the teaching method is better in international schools and kids are more likely to excel in the future if they graduate from international schools (given the horrible homework & exams in mainstream school nowadays). However, my main concern will be on Chinese language learning. Though there will be teaching on Chinese as a second language in international schools, it is difficult for the kids to achieve a level as good as those in mainstream schools (as it is easier to learn English than Chinese). I am not sure how this may impact their future job seeking......also, we don't hire a maid and I am the only one who will speak English to my kid. I am worried that my kid will find it confusing to spear full English at school and full Cantonese at home.

May I know your final choice? Please share with us later ~

kiki826

金錢能力， 同覺得中文重要性係我選擇國際同主流重要因素

kappapeach

回覆 kiki826 的帖子

同意~ 我都一樣! 尢其我有2個小朋友, 幾想讀國際學校都好, 但錢係一個好重要既因素!  

tam_bb

主要考慮小朋友性格。我小朋友性格比較文靜淡定守紀律，暫時覺得傳統學校比較適合佢。不過，小朋友仲細，仍有待觀察

大埔之友

無錢

阿古

原帖由 kiki826 於 16-05-23 發表
金錢能力， 同覺得中文重要性係我選擇國際同主流重要因素

Exactly同我一樣, 如我兩個都讀國際學校會好吃力, 同埋d中文真係一去無回頭咁, 自己點教都冇用, 讀國際學校既小朋友十個有九個半唔鍾意甚至抗拒中文

貝珠

我選了國際。但我會放棄生第二個小朋友，因為想讀國際之餘，經濟鬆動d。我的朋友不選國際因為紀律上國際和本地學校有大分別，而宜國際學校係不歸路，未來少個錢都唔可以轉返本地，相反本地學校可以適應國際，當然入唔入到係另一回事

adriantai

錢錢錢

siden

原帖由 大埔之友 於 16-05-23 發表
無錢

一樣

大埔之友

原帖由 tam_bb 於 16-05-23 發表
主要考慮小朋友性格。我小朋友性格比較文靜淡定守紀律，暫時覺得傳統學校比較適合佢。不過，小朋友仲細，仍 ...

如果錢唔係問題, 我跟住會考慮性格. 我個小朋友一出世,改名師父已叫要讀教會學校. 到大個d 做性格測試, 結果都是差唔多. 不論對我個小朋友結果是否正確, 但理論是有部份小朋友是適合傳統學校.

siden

原帖由 貝珠 於 16-05-23 發表
我選了國際。但我會放棄生第二個小朋友，因為想讀國際之餘，經濟鬆動d。我的朋友不選國際因為紀律上國際和 ...

紀律上國際和本地學校有大分別，而宜國際學校係不歸路，未來少個錢都唔可以轉返本地，相反本地學校可以適應國際，當然入唔入到係另一回事-

Exactly what I think.

When financially is not that well off, i prefer not to choose a nearly irreversible path.

MASAYA

幼稚園有較多不同方向既學校可以選擇，本地學卷幼稚園亦有好多唔係只向成績或學術發展，我小朋友靈糧畢業，甚至對學術不是太重視，上小學完全沒有適應問題，當然國際學校語境會比較好，視乎家長取捨

小學分別會較大，本地小學一般都會向成績看，當然都有程度分別，有d將成績睇得好重，有d會較重視其他發展。外界睇國際學校，多數都覺得重視全人發展，獨立思考，不過都要睇父母點諗，國際學校學生放學後去補習社補成績都唔少，主要係本地學生

不過我覺得就算入讀本地小學，家庭教育都可以平衡到小朋友全人發展同學術成績，之前家長日，因為轉左班主任，同學校教育方向有d分歧，同班主任傾時，佢話我地既教育方向應該選擇國際學校，但真係唔係個個家庭負擔到國際學校學費，我仲要有兩個，而且我相信用自己方法一樣可以適應到本地小學，而且讀得幾好，亦唔需要一定去補習或做大量練習。學習，係教小朋友點樣學，唔係大人點樣灌輸

... 好似講得太遠... 結論係，冇錢係最大原因，其次係，路同方法有好多，唔係一定要讀邊間學校先可以

Yeahly_ly

我小朋友其實都係啱國際學校多d但無錢無得諗

rickdom6

無錢無得諗 x2~~

02413124

1.錢
2.小孩子性格
3.中文難學好
4.靈活性(讀完主流學校去外國升學較易適應,讀國際學校想去番主流學校較難適應)

Shellyxlk

想佢學中文

HaYi

我覺得以孩子的天性, 大部份都會在國際學校開心D.

但我自己的小朋友, 初中會不會已要出外國, 或到高中/大學才出國.... 我還需要看他們自己的發展去調節. 但小學階段學多些中文, 及傳統學習基礎教育(尤其是數之類) 會比較有底.  而靈活思考亦是另一邊需要注重的.    所以一些新型的本地直私會比純國際學校或傳統本地學校 更貼此計劃, 而大仔己在此類小學讀了幾年, 都覺得暫時都合乎此期望, 細的都期昐可以入到.  

dbchu

原帖由 HaYi 於 16-05-23 發表
我覺得以孩子的天性, 大部份都會在國際學校開心D.

但我自己的小朋友, 初中會不會已要出外國, 或到高中/大 ...

可以講下係邊間嗎？但我也曾經聽人又講到你所提及果類學校兩頭唔到岸，真係所有野都視符點去睇....

ume

我小朋友也是很細，我和老公都傾過日後的學業方向。
我同意要配合小朋友性格，但我地偏向相信學校都只係成長的一部份，無論選擇那一類學校，家長的配合一樣重要。
我們不會選擇國際學校，最主要原因是中文，我希望我小朋友廣東話流利，要識繁體字，因為一選上英文為主的國際學校，小朋友都因捨難取易而討厭中文，我們在家是用廣東話的，她/他在學校是用英文、國語，隨年月過去，廣東話的母語能力會失去，我地自己的英文、國語又未能到母語程度，最終會担心失去有效溝通的媒介，就好似好多ABC一樣。
其實我家會偏向找新派的直資，希望能取國際和本地學校的好處，讓小朋友平衡發展。