真道係咪教易考難?

Greta_C

想報真道，朋友話唔好, 話學校係教易考難。朋友本身唔係用家, 無小朋友, 係學校附近補習社做功課輔導，見過附近學校的功課，所以咁同我講。

據佢講，真道平時無乜功課, 亦唔難做，但考試就好難(難過課本所教)，學生要出去補習或者家長要跟到好足先得。

但我見真道家長都無提過，想問下實際上到底係點?

YanKanMom

回覆 Greta_C 的帖子

我是真道家長，手上沒有什麽實質数據，只從孩子現讀小學的情況估計(中學可能有不同):1)成绩下游的學生，可能覺得考試較深，因平時未能全部吸收。
2)成绩中游的，程度剛剛好。
3)成绩上游的，應付有餘。

littlefaith

Greta_C 發表於 16-5-20 13:25
想報真道，朋友話唔好, 話學校係教易考難。朋友本身唔係用家, 無小朋友, 係學校附近補習社做功課輔導，見過 ...

我兩個細路都係真道學生，一個小學，一個中學。
我仔小一，中、英、數都已經學小二程度嘅嘢，但測考都係考教過嘅課程，所以唔難應付，唔算教易考難。
至於我女，今年中一(但小六年紀)，各科(中、英、數、理、化、生物、經濟、中西史、通識)已經學中二程度嘅嘢，測考題目會較學嘅嘢深，所以我同太太要花多啲時間同佢溫習，一齊睇課外書，一齊研究，冇响出面補習，都仍然應付到校內測考。

fostermak

我小朋友4年級，另有兩個親友讀緊5年級及2年級

真道平時無乜功課, 亦唔難做
➡️初小至高小無乜功課，亦真係唔難做

但考試就好難(難過課本所教)，學生要出去補習或者家長要跟到好足先得
➡️考試唔係難過課本教的，亦唔算難，考試前老師有模擬卷俾佢地溫習，只要肯做肯溫，應該冇問題

Doray

其實中英數都教深一年，對學習能力一般的，尤其是中文會否吃力呢？尤其是讀普通幼稚園，學齡冇超前？

ahpooh712

多學生外出補習嗎？

yuenwa

我覺得上左中學校，學科程度真係幾深，但教學方法好好，尤其econ, social studies之類。我個女好enjoy。

ken_mama

請問真道係咪好難入架？

Rachelmummy2008

近年報名人數不斷增加，學額不變，可能係難左。
而當年囡囡考入的時候，她沒有上面試班，無證書，無拿獎項，我想是靠面試時的表現。

littlefaith

ken_mama 發表於 16-5-27 23:01
請問真道係咪好難入架？

正如Rachelmummy2008所講，報嘅多咗，入讀機會率自然降低。此外，以前弟妹幾乎必入，由於多咗人報，呢幾年已經冇呢個保證。

hkpapa852

Doray 發表於 16-5-21 07:52
其實中英數都教深一年，對學習能力一般的，尤其是中文會否吃力呢？尤其是讀普通幼稚園，學齡冇超前？ ...

其實，點解要教深一年? 因為中小學得11年，所以要趕進度?

Rachelmummy2008

回覆 ahpooh712 的帖子

學校沒有要求學生出外補習，校內最常聽到的是讓學生培養閱讀的習慣。中英語除了教課文及文法外，也有用圖書為本的教學，多數在堂上完成。

littlefaith

Alange 發表於 16-5-28 14:17
教深一年是否學校的方針呢？
我好有興趣知道中西史教深一年是否讀中一時教中二的課本呢？如果唔係點知教深 ...

一般嚟講，如果學校有中史教，中一係教夏商周至六朝，中二係教隋唐至明朝。不過近十幾年教改，有唔少學校刪去中史科，所以只能用以前未刪中史科嘅時期作比較。

littlefaith

hkpapa852 發表於 16-5-28 14:35
其實，點解要教深一年? 因為中小學得11年，所以要趕進度?

據我了解，就算教深一年，初小三年大部分學生都跟得到課程，既然如此，學校教深一年，沒有問題。其實，好多官津名校都教深一年或以上，真道就不斷調整課程，以學生能力為大前提。

morningsun

請问真道有冇校車去馬鞍山?

Rachelmummy2008

我問過三年及五年級的家長，反而係講多d給學生聽，但考反而考少喎。
不過中英語閱讀理解要靠學生的語文能力及答題技巧了。