明我12宗罪 (可能有更多, 不能盡錄)

melodywong903

作為母親，小朋友已是我嘅全部，不會容許在不公平之下傷害我的小朋友，我不介意你個人覺得我無品，無品就無品，我講出黎係要讀緊及將會揀嘅家長知道依間係間咩學校，接受到就讀，而且我地班家長只係投訴無門之下先開此post，因為我地向學校又投訴過向教育局又投訴過，都得不到改善，令妳不滿，不好意思，希望你小朋友學習愉快。

melodywong903

係明我開家長會講開校以來都唔寫推薦信，你可以打返學校問

ddddssss

樓主，雖然用字比較主觀，但有其可閱性。謝樓主分享。有腳字真係第一次見

bellarie

原帖由 melodywong903 於 16-05-13 發表
作為母親，小朋友已是我嘅全部，不會容許在不公平之下傷害我的小朋友，我不介意你個人覺得我無品，無品就無 ...

多謝您的分享！
非常同意，小朋友也是我的全部！
會小心選擇！
你有圖有相，間學校太push !

Sharon111

駛乜打返去問唧，我一直都知唔會寫。
唔明點解要要求校長寫推薦信，又唔係校長嘅皇親國戚。
難道你覺得小學校長會睇幼稚園校長寫嘅推薦信嗎？當間幼稚園校長個個都寫時，呢封信已經無用用，純粹係要應你地家長要求先寫。唔寫我唔覺得係有問題。Copy n paste寫嘅我亦唔覺得個校長好有心囉。

Sharon111

個個上小學都被老師圈錯字架啦，又賴明我老師害你個大仔挫敗
我個仔一開學咪又係不斷被圈，佢其他來自唔同幼稚園嘅咪一樣被狂圈
有咩大不了講到咁挫敗唧。我只會教個仔，小學老師教啲寫法係同幼稚園唔同，而家小學老師點教就點寫，自己留心上堂抄黑板。連呢少少野都受到，恕我直言，唔怪得咁多抗力低嘅港孩。

melodywong903

世間打手何其多，可憐

melodywong903

中肯

melodywong903

童年係靠父母，大家一起用心做稱職嘅父母，減少小朋友行冤枉路

Sharon111

咁如果自己阿媽有鄉音，咁係咪要向老豆投訴？
雖則我都唔 like大陸人，但老師有鄉音都要投訴都係罪？我覺得已構成歧視！
只要佢有合資格幼師資格就可以教幼稚園，學校請唔請係另一問題。
你睇下如果學校有個鬼妹班主任用帶英語嘅聲調嘅廣東話教書你又投唔投訴？

Sharon111

所有嘅野由大仔揀呢間學校，到細仔轉校，都係你自己嘅個人選擇，從來無人用不當手法呃你入黎讀。
你為左自己小朋友搵最好最合適嘅學校，無錯，亦無可口非。
但由始至終係你個人選錯問題，但就賴哂學校，仲要放上黎唱學校老師，我覺得好過份囉。
就係你一句為左自己仔女，就要毀學校校譽，好自私。

Sharon111

原帖由 melodywong903 於 16-05-13 發表
世間打手何其多，可憐

我自己小朋友都係讀呢間，都係第一身講出我所見到嘅事實，咩叫打手？
我只係見到有個自私無品家長，自己仔女拎唔到豬肉獎、自己小朋友跟唔上，就係度唱衰學校。

Sharon111

每間學校都有唔同風格，教學模式。
你自己選校之前應該要了解清楚諗清楚先揀。
既然大仔喺度畢業，你已讀多年，無可能唔清楚學校校舍細又人多又谷，但你仍選擇細佬跟住入讀，無人呃你入黎讀迫你入黎讀，你而家先出黎唱衰學校，一啲說服力都無！當中原因
如果你係第一個小朋友今年先讀 n班，讀左1年覺得唔 like間學校而轉校，我都仲覺得情有可原。明眼人都睇得出你為咩而唱學校啦。

Sharon111

咁夠大把名校小學谷啦，咪一樣有家長爭住入！有人揀無功課學校，有人揀勁谷名校，各有各喜好，點解人地谷就係罪？！

Sharon111

其實唔係話幫住學校講說話，學校的確仍有好多地方要改善，但你對學校嘅指控太無理。
做人唔好太過份，自私加無品。
校舍細，學生多，呢個已經係多年黎嘅事實，咁只要佢無 over左規定嘅師生及空間比例，又何罪之有？like校舍大操場大為首選條件嘅跟本一開始就唔應該揀明我，呢啲硬件人所階知，又唔係有心瞞騙，亦無人迫你揀。
老實，我大細仔夾埋遇過好幾個老師，都好有愛心有責任心，阿仔都好鐘意老師，畢左業都仲會話要返去探老師，你可能會話，你好彩唧！
咁又點？唔通係一間學校你遇過一個惡老師，就鬧話全校老師都無愛心？
我大仔讀左4年，年年都有獎杯，我真心唔係想哂命，有冇獎有幾多獎真係咁重要？我細仔第一年 n班夠無拎獎杯啦，咪又係咁，但我唔會因為咁就鬧爆學校點解咁少獎囉。個個小朋友都唔同，唔通大仔拎到獎細仔又一定有？

大埔之友

校園得一層, 一早喺你申請已知,咁都可以係一宗罪? 收600人又你新政策? 邊間學校會明文規定校長一定要替學生寫推薦信? 認證唔認人是為小朋友安全著想. 除非你係龍蝦, 我鬼知邊個係你個女咩!我估第13宗罪是收了你小朋友.

tommyxsarah

樓主都係講出佢感受姐

如果有Jm 係佢忠實粉絲

就算明我比人唱到點 都會繼續比小朋友讀

係唔係？


甘樓主 比小朋友讀完 呢間學校 有唔好既感受 分享下都唔得？

佢就係讀完 覺得唔適合佢小朋友 咪轉學

唔岩讀都要繼續讀 ？

有好多 Jm 無清楚了解幼稚園 人地話名校 就讀 點知原來好唔合適小朋友

分享下感受姐 大家take it easy

意見唔係正就係反

babycatrina

多謝樓主真誠分享！

Sharon111

原帖由 tommyxsarah 於 16-05-13 發表
樓主都係講出佢感受姐

如果有Jm 係佢忠實粉絲

而家就係有人一面倒唱衰學校而唔係單止講感受，都係個句，點解唔啱自己口味就要去左右別人選擇？
唔好講到忠實 fans,  我都係好中肯地講出事實，難道佢遇到嘅"不幸"就一定係事實，而我遇到嘅就係老作就係打手？
讀緊唔覺有問題嘅當然會繼續讀啦，咁已經選擇左轉校嘅又為咩要寫長篇大論黎數衰學校？為左一己發洩，有冇諗過老師同埋繼續讀緊嘅家長嘅感受？

Sharon111