英華小學真．面試題 學生要認得習近平？

elbar

從來考直資、私立小學需要「過關斬將」！了解學校是第一步，難怪早前英華小學的小一簡介會網上報名，10多分鐘已將4,800個名額一掃而空。該校的小一學額共160人，去年已逾4,400人報名。


識反問林校長一定收？


連聽簡介會都「爭崩頭」？傳聞間介會上學校派發的VCD，校長在面見孩子時可能會問到VCD的內容！


家長Joanna的兒子 Jeryl將升讀蔡繼有，而英華小學則在候補名單，她說簡介會派VCD主要是介紹06至09年度學校生活，第二輪面試後同樣會派發VCD（10至13年度簡介）。

其實，如果小朋友看過VCD，對學校有印象會有幫助……在第三輪面試，父母跟孩子一起見林校長，她最後一定問孩子：『你有咩想問我？』

她不諱言，兒子只屬候補，正是他怯場。

始終都是 K2小朋友，他聽到這類open-end 問題即時停下來，抖大氣……你識反問林校長，我知道一定收。其實，孩子看過VCD很喜歡學校，一定有嘢問校長呢！

三輪面試內容


這代小朋友記性好，多問幾個大致已可整合面試畫面，以下為TOPick 記者綜合參與過面試「小綫人」資料所得，再以當中最好記性的Joanna為主。不過，面試題目要改很易，家長參考好了。


首輪面試：考學術


約1小時的面試，學校會安排小朋友圍坐繪畫，枱面卻只放置一盒顏色筆，目的就是要考有無人爭顏色筆。家長Joanna指，

我仔說見到老師邊望着他們邊俾分呢！

繪畫後，學校在安排小朋友在「中文枱」讀 50個詞彙。

我仔說有10個唔識，大約是蘋果、輕鐵等字。

其後在「英文枱」同樣要識50個詞彙：「我平時跟兒子看很多圖書，當時看Oxford Reading Tree已超過 Level 6（一般 K2約 Level 2、3），他識首200個high frequency words，也說有一個詞語不懂……他記得的有 climb、home等字。」至於「數學枱」則簡單得多，懂個位加減數而已。


而「常識枱」，孩子需要識梁振英、習近平、奧巴馬，林校長去年曾在訪問中提過，小朋友看電視會見過這些人物，亦有考孩子認識不同種類的恐龍名，前年則考過串astronaut、識寫中英文名等等。


不過，每組皆不同，Joanna的兒子則是飛機圖片，老師並送他飛機卡。這部分非常重要，因為有機會入第二輪，校長會問「你上次面試收到那張是甚麼飛機卡！」


第二輪：考反應


進入第二輪面試後，首先5位小朋友要一起見林校長，並親自遞上portfolio；小朋友在家挑選了中英文書各一本，過往校長會隨意挑一頁請孩子朗讀，去年則由孩子揀想讀哪一本。Joanna笑道，據她所見揀中文的孩子全都順利進入第三輪，真的信不信由你。


最後校長請孩子看一朵會轉動的花，發問10條問題，要孩子搶答，真正考孩子反應、觀察力和禮貌：「花蕊是甚麼色？有幾多塊葉？不過，每組都不同的。」Joanna補充。


第三輪：家長一齊見


父母跟小朋友一齊見林校長，所有問題都是她指定由哪一方答；而小朋友是坐在父母中間，就是想看小朋友在父母面前的應對。

有些孩子或會依偎父母，有父母同場，表現很不同。校長問我先生平時愛跟兒子做甚麼，他答踢足球，校長即時問兒子，守門員做甚麼，如果平日無做，一定有破綻吧！跟着問我愛跟兒子做甚麼……會問小朋友portfolio上父母的職業等等。

由於面試很後期，不少孩子也有其他學校 offer，她有問我們如何取捨。其實，更多是open-end 問題，像喜歡玩的玩具，有甚麼好玩？最後一定問孩子：有咩想問我？我覺得校長想收夠主動、會思考的孩子。

揀合適學校


Joanna只幫兒子報了4間學校，平時注重親子閱讀，可見兒子應付面試的學術內容無難度。「就算要訓練小朋友去面試，臨場反應不可以……他是候補，我其實可以再做多步，希望英華收，不過，我覺得幫到兒子已行到這一步，並不是逼他。」她覺得揀一間適合兒子的學校更重要。

ppmmbb

現場報導一樣！

hkpapa852

英華年年都考認人嫁啦, 過去幾年前都考過認奧巴馬, 林鄭, 已經唔係咩新聞.
佢唔考你認人先係新聞

Mario1234

阿仔之前都考認人，佢吾識就答：對不起，我唔識呢個朱古力人（黑人），結果都Pass..所以考的不一定是答中，而是回答問題時的態度。

積奇百事

我仔仔無考認人喎 , 而且好似無考讀中文字

咁多場面試, 實有D唔同.平常心.

HK-MAN

回覆 elbar 的帖子

希望家長們唔好強迫仔女去配合上述既要求.

ozduckie

個人經驗，認人只係其中一題，唔識唔會致命，反而唔識答個態度好重要。

ckcleung

其實等同一個小朋友上課,當佢唔識個陣,小朋友是否主動發問問題,這才是最重要的.面試其中一個測試,就係小朋友係困境時個處事同學習態度.

hkpapa852

反正係考男仔, 係咪應該諗吓叫D學生認吓邊個係雲尼亞里, 邊個係占美華迪, 邊個係居里呢?

ozduckie

原帖由 hkpapa852 於 16-05-10 發表
反正係考男仔, 係咪應該諗吓叫D學生認吓邊個係雲尼亞里, 邊個係占美華迪, 邊個係居里呢? ...

應該考埋Thomas 家族

kctsang

原帖由 hkpapa852 於 16-05-10 發表
反正係考男仔, 係咪應該諗吓叫D學生認吓邊個係雲尼亞里, 邊個係占美華迪, 邊個係居里呢? ...

見家長時要認宋慧喬，宋仲基

HK-MAN

ckcleung 發表於 16-5-10 12:04
其實等同一個小朋友上課,當佢唔識個陣,小朋友是否主動發問問題,這才是最重要的.面試其中一個測試,就係小朋 ...

認同,但有啲家長成日問面試題目係乜.,叫啲仔女背晒,面試後仔女話識晒,但最終唔收/SECOND IN 都冇,跟住就引起好多猜測之類....

ojoj18

問題既野學校鍾意點出都得，上至天文，下至地理

conniemar

以前同學仔話有問咩係財政預算案和施政報告

野狐狸

我覺得呢D問題唔識都未必一定唔收
當然，如果呢D問題佢識答而且其他部份冇失分，就當然收啦，因為學校搵倒個5歲幾已經有國際視野的天才
但係我相信150個佢收左的學生，一定有人答唔出呢D問題（包括自己個仔，我寫包單佢唔識）。
呢D問題可能只係考小朋友反應，例如會唔會有問題唔識就發老脾，或者一條唔識的問題就KO左佢然後在整節interview入面謝晒

hoihoima

elbar 發表於 16-5-10 09:25
從來考直資、私立小學需要「過關斬將」！了解學校是第一步，難怪早前英華小學的小一簡介會網上報名，10 ...

我淨係要阿仔認得林校長啫

ckcleung

hoihoima 發表於 16-5-11 08:37
我淨係要阿仔認得林校長啫

你不如諗下點樣令林校長認得你個仔吧

hoihoima

ckcleung 發表於 16-5-11 08:40
你不如諗下點樣令林校長認得你個仔吧

又係喎

onas

it's the kind of interview that makes you think: is that really necessary? it's not a great loss even if your 4-year-old kid didn't pass it i assume.

GetReal

這報導基本上正確的. 而不同時段面見的小朋友, 會遇上不同的問題.
所以沒有一定的準備去應付.
而答案也不是重點, 是態度, 反應, 事情處理, 自理能力.
所以學術好會過第一關, 但第二關一見校長就騙不了
很多都是因為小朋友的家長係直昇機型而出事.
第三關更騙不了, 因為真係考日常經驗經歷.
沒有經 歷, 千萬不要硬來.
爸爸的表現對答超級重要.