沙田體藝中學

Lucifer3960

回覆 mcl203 的帖子

那為何體藝仍未升上D1??, 應該不少港隊成員在體藝.? 不明白

peggy

Lucifer3960 發表於 16-5-6 17:25
回覆 peggy 的帖子照我所知，D1只是被港九區中學參加，體藝係沙田區，咪冇得參加D1賽

港九區學校(田徑)分左D1, D2 ,D3(area 1), D3(area 2), D3(area3), D3(area 4),按比賽標準分組. 而男女的標準都不同.所以同一間學校的男仔與女仔未必會同一組



新界地區分左幾組, 有大埔及北區、沙田及西貢區、元朗區、屯門區、荃灣及離島區、葵青區

miriam

peggy 發表於 16-5-6 17:48
港九區學校(田徑)分左D1, D2 ,D3(area 1), D3(area 2), D3(area3), D3(area 4),按比賽標準分組. 而男女的 ...

解釋非常之清楚

sunshine0613

原帖由 miriam 於 16-05-06 發表
田徑我唔清楚唔敢亂答，我估計 D1 既都畀神校招晒喇！

請問乜野係 D1?

mcl203

原帖由 Lucifer3960 於 16-05-06 發表
回覆 mcl203 的帖子

那為何體藝仍未升上D1??, 應該不少港隊成員在體藝.? 不明白

我只知皮毛，似乎，男女子港隊田徑都唔太多係來自體藝~~~

mcl203

原帖由 sunshine0613 於 16-05-07 發表
請問乜野係 D1?

D1係學界港九區第一組別，係最高級既一組， D1=Division 1, D3係最低組別， D1, D2, D3都有升降制度，當然， D1無得再升， D3無得再降 ~~~

wan_sosin

原帖由 mcl203 於 16-05-07 發表
本帖最後由 mcl203 於 16-5-7 10:00 編輯

有些家長/小朋友因為知道體藝參加唔到田徑D1,所以唔揀讀體藝，可能因此影響體藝嘅田徑成績，其實學界個比賽制度要咁樣分區，有D奇怪。

miriam

wan_sosin 發表於 16-5-7 15:48
有些家長/小朋友因為知道體藝參加唔到田徑D1,所以唔揀讀體藝，可能因此影響體藝嘅田徑成績，其實學界個比賽 ...

鬼叫體藝係沙田區.............

只有各大精英賽時先會見到體藝既學生參加.....................

peggy

wan_sosin 發表於 16-5-7 15:48
有些家長/小朋友因為知道體藝參加唔到田徑D1,所以唔揀讀體藝，可能因此影響體藝嘅田徑成績，其實學界個比賽 ...

其實入到有得參加d1的學校，都唔一定有得出賽，每項比賽只可以派兩個落場。認為最重要是選一所適合小朋友入讀的中學

mcl203

原帖由 wan_sosin 於 16-05-07 發表
有些家長/小朋友因為知道體藝參加唔到田徑D1,所以唔揀讀體藝，可能因此影響體藝嘅田徑成績，其實學界個比賽 ...

雖然有家長小朋友係體藝讀，但我諗，只講田徑項，又未必係因為體藝無參與D1而唔揀既，始終現實係D1學校已有足夠選擇，地區交通亦可能係其中之一 ~~~

wan_sosin

原帖由 mcl203 於 16-05-07 發表
雖然有家長小朋友係體藝讀，但我諗，只講田徑項，又未必係因為體藝無參與D1而唔揀既，始終現實係D1學校已有 ...

選擇學校是有多個因素，不過我都真係聽過有人因唔係D1而唔揀，但我信唔會太多咁情況，地點都係一個問題

jswailam928

你建議我乜野呀！我咪上黎瞭解清楚體藝係間咩學校囉！你唔識答我唔係讀體藝你彈開啦！九唔搭八 m字頭果位都係呀！

jswailam928

呢個平台唔係比大家問野瞭解多d學校架咩

k_wong7

jswailam928 發表於 16-5-7 23:35
呢個平台唔係比大家問野瞭解多d學校架咩

呢位家長, 唔好勞氣先, 我諗應該咁講啦,  點解會有人叫你去網頁睇下, 了解下先呢, 原因係, 體藝對其他家長黎講, 係有別於一般文法中學, 所以, 如果係有家長或子女有興趣報讀體藝, 一定事前已了解左體藝係咩學校, 而你開post問, 比人感覺你係完全唔了解間學校, 你講得岩既, 就係唔了解先問, 所以佢地先建議你去網頁睇睇, 不過, 可能你覺得佢地唔係好想答你咁.


我試下答你, 體藝係B1c既學校, 校風我覺得好. 如果中一至中三既學生, 會指定選修va或者pe, 選修科每循環周會有七堂. 體藝近年好著重學科成績, 不是單憑va或pe成績好就得, 學校亦唔會只著重同學去羅獎,  有好多人都比校名誤導, 以為真係只著重體藝, 其實唔係, 學校係要係學業以外培養學生既專長同興趣.


另外, 點解體藝唔係田徑D1, 因為D1係港九學校, 而體藝地點係沙田區, 而沙田同西貢兩個大區合併比賽, 所以, D1米見唔到體藝, 但唔代表體藝差, 睇返學校網頁(其實網頁真係好多資訊呀), 唔只田徑, 好多比賽都好出色, 游水, 藍球, 越野賽...都好出色呀!!!


每年學校有開放日, 大約係一月頭, 有升中講座(講座要羅飛, 大約11月尾-12月左右網頁有講點羅飛), 可以帶小朋友去了解下先啦!!!

(小兒現就讀體藝)

miriam

k_wong7 發表於 16-5-9 00:01
呢位家長, 唔好勞氣先, 我諗應該咁講啦,  點解會有人叫你去網頁睇下, 了解下先呢, 原因係, 體藝對其他家長 ...

要了解一間學校先睇一次學校網頁真係最基本.

點解我會叫佢睇 Dr. Quong "Message from the Principal" 必定有原因, 舊年都未咁開宗明義地講到明學校主收咩 Grade (Banding) 既學生, 今年真係講到明啦.

網頁仲有埋 open day 介紹既 video 睇返, 睇完有個基本概念去問, 定係問一句答一句咁一來一回呢?

若果只係答校風 - 好, banding - 1C, 可以結案.

我係 EK 都連千字文都出左..............

k_wong7

miriam 發表於 16-5-9 01:42
要了解一間學校先睇一次學校網頁真係最基本.

點解我會叫佢睇 Dr. Quong "Message from the Principal" 必 ...

Sorry呀版主，破壞左你一番苦心，我都只係一返好心，諗住比d簡單概念家長，等佢係咁易知下d皮毛，我無叫家長唔睇網頁呀，而且人地都簡單咁問，或者人地都只係想有人答，B1c, 校風ok，無諗過有人會用千字文去回覆（我都係估下），所以先係咁易答下，如有得罪，請見諒呀！！！

kayeetoby

新界區中學係用地區劃分，港九區就用3個division黎區分，而男同女亦有機會唔同division,因為係分開計既

miriam

k_wong7 發表於 16-5-9 07:40
Sorry呀版主，破壞左你一番苦心，我都只係一返好心，諗住比d簡單概念家長，等佢係咁易知下d皮毛，我無叫家 ...

我都係一個會員黎咋.

其實我可以做一個 "超級無敵懶人包", 將我過去所有回覆既主題整晒出黎, 點解唔做? 就係每個人既疑問不同, 聽返黎既評價不同, 我唔可以單用一次既回覆就當畀左答案, 所以出現過千字文去解釋.

成為體藝家長都未夠一年, 但留意體藝資料係由 P.4 開始睇, 係 EK search 到體藝既資料都睇下, 中學交流版既主題都睇晒, 就係要更清楚自己既決定係岩既.

校網更加唔使講, 連體育系既專頁, newsletter to parents 等都睇過, 因為自知體藝係一間比教特別既中學更加要睇.

你係資深體藝家長, 應該好明白外界對學校好多誤解, 等於有會員話都唔見體藝學生係比賽攞獎, 我只可以答部份學生以港隊身份參加本地同海外賽, 學校唔公佈當然無人知啦.

我諗我應該選擇唔再覆呢類問題.....................

fionakong2008

原帖由 miriam 於 16-05-09 發表
我都係一個會員黎咋.

其實我可以做一個 "超級無敵懶人包", 將我過去所有回覆既主題整晒出黎, 點解唔做? 就 ...

或者在此分享多一個小小途徑吖，如家長想睇呢間學校學生在各體育活動出賽資訊，或者學校開心share，可以喺twitter 搵jctic，因為好多出色表現嘅師兄師姐為自己專項奮鬥緊。

Soundervolt

原帖由 kayeetoby 於 16-05-09 發表
新界區中學係用地區劃分，港九區就用3個division黎區分，而男同女亦有機會唔同division,因為係分開計既 ...

所以呢個學界制度十分荒謬，點解香港九龍同新界有分別，乜新界唔屬於香港嘅一部份，莫非界限街以北仲係租借地？