小二樂器白痴

9284

小朋友在龍校就讀(不呈分),只有一項運動強項,有獎有校隊,但在樂器方面卻一項也沒興趣,本來我本人都無咩問題,但我的另一半卻希望小朋友升中時可以靠運動去考下更高一線的中學,沒樂器的小朋友会比較輸蝕嗎？

Jane1983

刀仔有一張够利，好過周身刀無張利。

體藝好耗時間，如果小朋友已經有强項，不如用多餘時間巩固吓學術。

Yanamami

我女只有游水，佢坚拒学樂器，都考到1A校。

9284

靠運動定学術入？

Anniemun

靠運動，音樂入1A校，起碼成績都要是b1，朋友仔仔有運動加音樂入了神校，但成績倒數10名，運動，音樂又有同學叻過佢，讀到冇晒信心。

9284

即係話,如果小朋友在現在b2龍校,運動叻叻,学術成绩只屬中游的話,咁是否一動不如一靜？

Yanamami

9284 發表於 16-5-6 06:10
即係話,如果小朋友在現在b2龍校,運動叻叻,学術成绩只屬中游的話,咁是否一動不如一靜？ ...

学術只屬中游……禁專注加强学術比学樂器更有机外闖｡

sheffield

每個孩子都有自己的喜好和強項，請不要因為要幫孩子鋪路而擔心/勉強他們學些他們不喜歡的… 順勢發展吧，這樣孩了才能找到真正適合自己的學校。

longlokma

依家先追學樂器好難去到能吸引一線中學招手的程度，還是專注孩子現有強項，同時加強學術成績更有利

mayyylai

回覆 9284 的帖子

你個小朋友宜家先小二，仲有幾年先升中，唔使急，而且學樂器係冇得迫，佢唔鐘意都冇辦法，如果真係想考好啲嘅中學，不如將時間放係學術方面，升中就話可以依靠運動，但到咗升大學都係學業行先，當然呢件事仲遙遠。
不過最終都係問返個小朋友想點，宜家小朋友好細個已經有個人諗法。

Yanamami

mayyylai 發表於 16-5-6 09:54
回覆 9284 的帖子

你個小朋友宜家先小二，仲有幾年先升中，唔使急，而且學樂器係冇得迫，佢唔鐘意都冇辦法 ...

係吖~我女小—時已表明唔学樂器。

妹妹頭

回覆 Yanamami 的帖子

我個女都係, 佢小一已講明, 唔會學學器, 唔會跳舞, 只會游水, 我個人覺得, 只要有一技之長, 學咩都冇所謂, 依家小四了, 佢自己都會將游水作為減壓既工具, 次次考試前/後, 都會勁游

palmchristy

其實想入一線校, 最重要始終都係成績.

音樂應該係興趣多於升學需要. 樂器要日日練, 用同樣時間花在學業上, 進步更大. 所以一定要係小朋友自己鍾意. 最好係學校有樂團, 一班人一齊玩開心啲.

兩個女都有學樂器. 對佢地來說係豐富左佢地生活, 例如學校開放日表演, 做歌唱比賽伴奏, 以及出樂團比賽等, 對考中學無乜幫助.

little_yolky

9284 發表於 16-5-5 18:28
小朋友在龍校就讀(不呈分),只有一項運動強項,有獎有校隊,但在樂器方面卻一項也沒興趣,本來我本人都無咩問題 ...

樓主你要注意, 因為你小朋友無呈分, 所以只可以考直資或叩門, 無得參加大抽獎, 因為就算抽, 都只可能抽到B3校。至於自行點安排, 你就可能要問下教育局了, 因為你小朋友係唔可能有呈分次第的。

9284

little_yolky 發表於 16-5-6 13:34
樓主你要注意, 因為你小朋友無呈分, 所以只可以考直資或叩門, 無得參加大抽獎, 因為就算抽, 都只可能抽到B3 ...

呢點我明白,所以我本人target直资協恩

little_yolky

9284 發表於 16-5-6 18:13
呢點我明白,所以我本人target直资協恩

咁要操行D成績好D。

Yanamami

GREENTEE 發表於 16-5-7 07:28
我小朋友學校要求要有一種樂器，琴也計算，但因無時間同懶練琴，所以我自己有感好side 錢。
但不學琴又不知 ...

阿女就跟家姐个長笛老師学两三隻“飲歌”仔去应付校內考試，用錢同長期学相比有限~(用家姐支舊笛)

gracelam

原帖由 9284 於 16-05-05 發表
小朋友在龍校就讀(不呈分),只有一項運動強項,有獎有校隊,但在樂器方面卻一項也沒興趣,本來我本人都無咩問題 ...

成績重於一切。 全級第一，操行好，冇學樂器，一樣大把學校收。