請問大埔B1生填表

07mama

hkpapa852 發表於 16-5-3 17:34
過多幾年, 如果唔將5間英中之前縮咗個班開番, 升中就大件事了!

跟住幾年出生率一路升, 08出生, 大埔小學全變大班, 中學幾時至開番縮咗個班真係好關鍵

07mama

little_yolky 發表於 16-4-26 14:57
問題係柏雨同莫根據過去既經驗, 似乎無乙二入到, 但樓上話王肇枝有, 咁你王填乙三, 到時王又無位, 咁你咪焗 ...

請教:
1. 是否交表之前會知道學生的banding?
2. 只要是band1生, 就不用再分高抵分數, 機會一樣的去抽band1學校?
我意思是, 以往見到有band1生喊晒口話派第八志願, 其實是他太進取?
3. 如果是band1生, 乙一 (柏雨/莫記)，乙二三 (王記/沐恩/恩記)，乙四(band2)，是否最恰當?

另外, 我本身係希望小朋友可以輕鬆的, 如果band1生, 乙一已經放王記/恩記, 是否必入?

little_yolky

07mama 發表於 16-6-23 13:00
請教:
1. 是否交表之前會知道學生的banding?
2. 只要是band1生, 就不用再分高抵分數, 機會一樣的去抽band1 ...

你要知道, banding教署係唔會講俾小學知, 所以老師講俾你知個band係佢哋根據往績估算出嚟, 除非好前好前, 其實有風險, 咁你講既B1入第八志願, 如果係大埔區, 應該九成係估錯band, 因為真B1衰極都應該入到救恩, 唔會入第八志願。真B1進取有何問題? 只係估錯band就大鑊鳥。

王肇枝都係好好既學校, 放乙一好正常, 都輕鬆唔嚟喎。其實B1都有頭中尾, 如果小朋友好輕鬆考到B1, 緊係考慮柏/莫/王啦, 不過, 如果小朋友係好辛苦至有B1成績, 甚至係邊緣人, 咁真係可能考慮恩/沐會好D。不過, 當然我哋做家長既, 緊係想小朋友入最好啦。

07mama

little_yolky 發表於 16-6-23 13:15
你要知道, banding教署係唔會講俾小學知, 所以老師講俾你知個band係佢哋根據往績估算出嚟, 除非好前好前,  ...

我本身唔熟大埔學校, 但有親戚讀緊好熱門個間英中, 佢話學校好嚴, 好多功課, 但佢本身比較乖同靜, 所以都ok.
但我仔唔得太嚴太谷, 而家只係做完功課就可以玩, 睇書. 好輕鬆.
佢唔會好似你地小朋友咁, 想讀邊間, 想出沙田九龍...=.='

little_yolky

07mama 發表於 16-6-23 13:38
我本身唔熟大埔學校, 但有親戚讀緊好熱門個間英中, 佢話學校好嚴, 好多功課, 但佢本身比較乖同靜, 所以都ok ...

唔.............我有朋友仔讀緊柏, 佢話都唔係咁嚴, 但佢係好乖同靜。
我又有朋友仔讀緊莫, 佢話唔錯, 幾好, 佢係自動自覺型。

我又有朋友仔讀緊莫, 佢阿媽中一已經不斷收老師投訴電話, 因為個仔唔自律, 無人gup住就打機, 又唔認真做功課。

我又有朋友仔讀緊王, 佢上學期考得唔好, 因為上到中學好多活動, 佢乜都想試, 時間安排唔好。家長日時老師同家長傾過, 下學期時間安排好咗, 上返軌道了。家長讚老師好有心。

你阿仔唔得太嚴太谷, 但佢自唔自律? 要諗清楚啊。