油麻地街坊會學校？

thinker123

各位好，有人聽聞呢間學校點樣嗎？先多謝分享。油麻地街坊會學校油麻地街坊會學校

iansung

95%是南亞裔學生。

cherrieshum

sissysze

原帖由 iansung 於 16-04-24 發表
95%是南亞裔學生。

國際學校.....

se6b03

教育局南亞裔既指定學校，好難入，因為好少位，因為好多南亞裔及非洲裔家庭小朋友較多，個個好想入，同聲同氣。

mayyylai

回覆 thinker123 的帖子

我住油尖旺，去年冇揀呢間，因為真係唔知佢係乜嘢學校，今年因為返工前要送細女返學，再行過彌敦道坐巴士時，終於見到著橙色衫嘅小朋友，真係真係 95% 都係非華裔學生，比我個女嗰間更甚（我個女小一有四班，每班大約 5 個非華裔，我都覺得多，咁你諗下全校有 95% 唔係中國人，你接受到嗎？）
至於校風及升中派位，sorry 我真係冇研究過，你可以上佢個校網睇睇，或者 search 下呢間學校啲資料。

thinker123

多謝大家回覆！

奥脫福

mayyylai 發表於 16-4-25 15:07
回覆 thinker123 的帖子

我住油尖旺，去年冇揀呢間，因為真係唔知佢係乜嘢學校，今年因為返工前要送細女返 ...

同區唔係有間幾千人報名的學校嗎？好似話語境好喎。。。不過呢間語境
都好有睇頭喎！唔知果幾千人係咪眼大睇過龍，定大雞唔食細米呢？！

hkpapa852

thinker123 發表於 16-4-23 17:32
各位好，有人聽聞呢間學校點樣嗎？先多謝分享。油麻地街坊會學校油麻地街坊會學校
...

呢間小學, 曾經係2013年升中派位出現過接近0個學生升讀B1中學既情況, 因為當年只有1個學生考入一間都收唔少B2學生既B2A-B1C直資中學

[url=http://www.ymtkfas.edu.hk/pdf/13 ... ol%20report_0_7.pdf]http://www.ymtkfas.edu.hk/pdf/13-14%20School%20doc/12-13%20annual%20school%20report_0_7.pdf[/url]

你去P.8睇吓, 只得1個人入咗間B2A-B1C既直資 - NPL, 其餘..... 不過無法啦, 呢間係主收非華裔學生既小學.

之後兩年都有改善, 但B1學生比例都唔夠10%.

其實如果要去讀專收非華裔學生既小學, 真係要諗清楚, 佢地對升學既要求, 未必同我地一樣

HeiLumMa

回覆 mayyylai 的帖子

你好呀! 我住富榮架,其實油尖旺,有無話邊間校風差? 我地個度好似好少選擇咁,油天唔洗諗好難爭,咁你知唔知方樹泉,基榮呢2間係點?

mayyylai

回覆 HeiLumMa 的帖子

細女去年抽到方樹泉，叩門失敗，所以照讀，我冇叩基道同羅裕積，我覺得冇大分別。
讀咗大半個學期，平心而論，呢間學校唔係太差，小一有四班，每班有 4-5 個非華裔學生，但唔使擔心，佢哋溝通到，我個女同一個非華裔女同學好 friend，我問佢點溝通，佢好輕鬆答：用英文囉！ 不過學校水平確實有分別，佢教科書同新油天差不多，但程度就唔及新油天，佢唔谷，兩測兩考，測驗、默書唔計落考試分，一卷定生死（我唯獨唔鐘意呢樣，因為考試失手就大件事）。 但我估計考得好嗰啲會中途退學，因為睇番今年，小四至小六每級只有 2 班。

另外，佢哋除了有非華裔學生，另外好多新移民，因為湊返學會聽到好多家長同小朋友用流利普通話溝通，咁就視乎你鐘唔鐘意，接唔接受到啦！

HeiLumMa

回覆 mayyylai 的帖子

我睇學校網頁,覺得個校長真心由學生角度出發,但睇油天既網頁,睇唔到呢樣,你覺得呢間學校,學生校風點? 老師有無心機對學生?

mayyylai

回覆 HeiLumMa 的帖子

妳講得啱，呢間學校老師比較有愛心，可能因為有非華裔及新移民學生，學校係暑假及定時有類似講座幫佢哋適應香港生活。
至於油天就較著重成績，因為呢間學校咁多年，過往成績唔差，非華語及新移民小朋友大多數唔會入，但油天又唔係冇愛心，不過唔放係適應香港生活嘅範疇。

至於妳想入邊間就要睇睇妳個小朋友嘅性格及妳自己想要啲乜，方樹泉考試唔合格要補考，油天唔會；兩間學校都有補底（類似課後補課）；方檥泉會有資源放落小朋友身上，油天嘅資料就放係學術上（所以比外間人感覺係好谷嘅），但升中就好明顯啦，方樹泉要全級頭 10 名先派得好。

store.triangle

如果油麻地街坊會升中我答到你少少
最叻果幾個都去左D BAND1名校
普通果D都去左地利亞
其實都唔係95%南亞裔
成99%都係,好似一班得一個華人,白人都有
同埋全校都英文溝通先
小朋友要英文溝通到先建議入,同埋教職員都真係好有愛心
仲有,南亞學生精力係超爆旺盛

方樹泉,同意樓上,教職員有愛心,個校長都係


搵日放學時間你就會見齊三間學校,方/油天/基道　既學生包你感受到

se6b03

南亞裔學生母語好似唔係英文，如來自北印度係講烏爾都語，南印度講泰米爾語，尼泊爾又講返自己語言，可能大家d英文水平都係咁上下。

jazzking

我最近識左兩兄弟，印度人，哥哥 UST year1，弟弟 local EMI 南亞裔小學，兩人母語都不是英文，但都可以流利 native 英語對話，中文都識讀諴寫。
我覺得似乎我地香港人英語仲差啊!

se6b03

唔好以為呢間專收南亞裔既寶校好易入，其實係31網入面最最少位，每級只有兩班，自行都只係得30個位，大抽獎27個，個個南亞裔家庭都爭住送自己小朋友入去，起碼同聲同氣，所以一樣係爭崩頭。

MrBeast

jazzking 發表於 16-5-12 23:29
我最近識左兩兄弟，印度人，哥哥 UST year1，弟弟 local EMI 南亞裔小學，兩人母語都不是英文，但都可以流 ...

lei 兩兄弟可開英文班，標明屋企唔講英文都可教到native level，必定大把人爭住報