一直有交補習費但原來3個月都無去補

erictungcc

原帖由 fooky-hk 於 16-04-08 發表
佢性格OK的，也算聽話。唯獨是愛打機，我也不反對他打機放鬆，叫他停他會即停的。

他曾說過補習社的功課多 ...

咁既成績根本不用補，再勉強攪到個仔愈來愈反叛仲衰。另外，家長不應該甚麼也靠補習社，自己也有責任跟進。它是補習社，不是托兒所。補習社可能有不對，收錢的是老闆，補習的是老師，如果人多未必察覺有交學費但無出席。但最大責任是家長，即過去三個月你只將個仔俾左補習社，完全沒有理會個仔。你不會間中去補習社看看自己的兒子, 也不會接送。否則不可能三個月才知道。兒子是你的，你都不理會，又怎能怪別人？

fooky-hk

每個單位做任何事都有自己所屬的責任，不能説兒子有任何問題都是父母的責任。那麼學校不用對學生負責，醫院不用對病人負責。雖然補習社是謀利機構但對他的學生也要負責。

不是每個媽媽也是全職媽媽，每時每刻都能mon住孩子，我間中會打電話問我仔在那兒，亦不可能請假去接送。我對我兒信任，亦希望他能學會獨立自主，畢竟巳是6年級了。不想每事都限制住/直升機搖控住。 每人都有情緒，嬲完之後，我只明白到這補習社有不足之處，我亦有向他們反映，係心平氣和的。 雖有不足但我仍認為這補習社是有心教育的。

這事情上我當然有責任，但絶不是100%係我問題。 補習社不應只在乎教學，亦要注意行政安排。希望這家族式中型補習社吸取經驗，多加注意。多謝大家留言分享

scyauchris

可能你囝唔補都ok, 練習做多同少分別也不大。

fooky-hk

他不是自動波的人，除了學校和補習社的時間外，他𣎴會溫習的。但坐定了就會專心溫（當然有我陪坐啦）

呈一比佢試一次自己溫，結果是80頭至中。雖然不算差但遊戲有規則，想穩佔一位只有努力玩好這遊戲。

little_yolky

原帖由 fooky-hk 於 16-04-08 發表
他不是自動波的人，除了學校和補習社的時間外，他𣎴會溫習的。但坐定了就會專心溫（當然有我陪坐啦 ...

交學費是自己交定俾錢仔仔交？補習社係完全唔知少咗個學生咁誇張？三個月喔！

5kin

講白d，件事主因响樓主度

你要個無需要補習嘅小朋友去補習，唔攞100分唔心息？除咗哂你錢同哂佢時間，仲傷緊佢自專，我睇完覺得佢唔係反叛而係逃避；另外温書無自動波，只係駛唔駛用力push先去温嘅分別，你叫佢就做成件事己經簡單好多；我覺得你比緊嘅係無形嘅壓力佢，仲要好勁添，依家早咗發現己經係好事

ypiriswong

我同意補習社都要盡番基本責任，一個學生成個月都唔上堂，㸃解要繼續交學費？
如果咁都唔問下家長原因，咁呢間補習社好極有限
純粹個人感受

siden

我肯定你仔好醒，真羨慕。

呢種性格，愈迫愈失去興趣。而且事實證明補習對他蹤＄。

呢種醒人最好就係約法三章，專心溫一粒鐘書就可以打半粒鐘機。佢有動力專心溫習已經ok。

rean_chau

其實佢有無真係交左學費架，交左錢會有收據。如果呢三個月個個月去交錢又唔補又無人問，咁補習社就有問題。阿仔無補習成三個月先知，其實係咪真係咁了解個仔呢？

birdbird

原帖由 fooky-hk 於 16-04-08 發表
每個單位做任何事都有自己所屬的責任，不能説兒子有任何問題都是父母的責任。那麼學校不用對學生負責，醫院 ...

你個仔本身係叻仔, 所以先会睇通你好小機會發現佢 “逃學”。 與其花時間追究補習社何解你仔冇上堂咁耐都唔打電話比你, 你不如諗下如何輔導你仔, 免得佢上到中學後變本加厲。


你忙到連間中去補習社接仔的時間都冇, 最好就唔好比個仔自由打機。打機令d細路沈迷, 浪費時間兼傷眼。想小朋友放鬆, 有好多方法。打機肯定不是最好的選擇, 尤其你冇時間監管個仔的打機行為

HMmummy

首先換咗間補習社

mayyylai

回覆 fooky-hk 的帖子

嘩，阿囝啲成績好好啦，再加上佢唔算沉迷打機，有啲小朋友會顛到用粗口鬧父母架，唔好迫佢，會有反效果

erictungcc

沒有説家長有100%責任，但小六只是12歳，有幾成熟？男孩子最易變壞就係呢個年紀，無補習三個月，每天去了哪？有沒有了解點解佢唔去補？重點應該預防再發生，不是只怪補習社. 補習社係自由出入，不包睇仔。自己忙返工不是籍囗，而家香港大部份的家長都全職（我也是）。唔通發生事時，同警察講要返工唔得閒理？不一定要接，間中搵藉口打電話問下情況, 不太過份.
遲d讀中學，更加難跟足。而家唔搵方法解決，遲早有一日連學都唔返。每個小朋友都在試底線，你已經俾佢睇到你唔跟佢所以揾位走，倒不如快些收緊可能還可以補救。

fooky-hk

多謝各位意見，我和阿仔關係一向不錯的，事發後亦有同佢傾計和解釋。 我相信佢真係好憎再去那補習社，所以才走堂。我也有問佢如果升中後再有需要去補習，點算？ 佢話只要不再去xx補習社就得。 他說成日都唔放人走，補一個鐘有時變成3個鐘。

12歲....呢個問題...我本人覺得可以適當地放手讓他學習處理事情。放手也要睇小朋友性格，不能一概而論。雖然今次事白花了5000元，但讓我們也上了一課。誰人沒錯過，我不會為這次事件做直升機阿媽。他還是一個直得我信任的兒仔

Mapleac

原帖由 conniecheung 於 16-04-08 發表
我女果間，遲到少少都會打黎問小朋友情況。
我覺得咁先係有責任感的補習社。



  ...

me too

whywhywhywhy

原帖由 fooky-hk 於 16-04-07 發表
事件已經係上年12月開始，我仔原來由12月起已經無去補習班，但他會準時出門扮去補習，然後坐係商場打機。我 ...

補習社好有問題，你本人有出現過或聯盟絡過補習社嗎？定只係叫仔交學費，自己從沒出現過，我試過游水係咁，結果突然一次去睇，原來一直無理我小朋友，只放浮板比佢，自此，學所有嘢我都不定期會出現或whatsapp老師

fooky-hk

學費係我去交的，但並非我仔補習時間之內。之前我都會間中抽空接佢，但上小六之後就沒有了。

昨晚問了阿仔，原來佢最唔鍾意就係老板教。係又鬧唔係又鬧，所以我同d導師投訴的氣也省回了。

whywhywhywhy

原帖由 fooky-hk 於 16-04-15 發表
學費係我去交的，但並非我仔補習時間之內。之前我都會間中抽空接佢，但上小六之後就沒有了。

昨晚問了阿仔 ...

我小朋友都係咁，之前就係因為唔鍾意補習社，所以學習差左，後來佢主動同我講要轉，我問清楚原因，原來佢一早做好功課，但老師改功課太耐，而又多小朋友功課要改，結果佢本來去兩個鐘變了去三個几鐘，所以佢唔鍾意，而家轉左近學校的補習社，佢就無再投訴，不過小朋友真係要抽時間同佢地傾偈人，傾傾下先知佢地心事，特別我地小朋友都大，都唔知仲會同我地傾多几多年

bobo700m

個補習社都幾離普
3個月才發現,好彩冇出事
同小朋友溝通好重要
男孩多數中意打幾, 會吾會有其他運動--體育類
其實都算乖仔---呈三成績係3次呈分中最好全90以上
有好成績再打幾,  如果吾系太長時間, ok啊

little_yolky

fooky-hk 發表於 16-4-15 23:29
學費係我去交的，但並非我仔補習時間之內。之前我都會間中抽空接佢，但上小六之後就沒有了。

昨晚問了阿仔 ...

有無搞錯, 你自己去交學費, 都可以學生失咗咁耐踪都唔問句 D咁既補習社, 真係你鏟佢都無用, 佢會有千千萬萬個借口耍你, 一於唱衰佢。