窮人學芭蕾

snakekin

講少少背景先，4囗之家，得老公一個搵錢，女兒7歲深愛芭蕾舞，喺屋企附近一間好細嘅舞室學咗4年，其中都有參加比賽，亦都有攞奬，芭蕾舞老師讚佢有天份。但慢慢女兒同我講依家跳嗰度太簡單，而且舞室規模細，得一個老師，亦是虛榮心作祟，我想搵間好D嘅芭蕾舞課程比佢，有睇過毛妹、王仁曼同Ivy Chung ，價錢差不多係依家學嘅雙倍，其實我應唔應該轉呢？女兒一早就諗定將來要做芭蕾舞老師，作為家長，好想成就佢嘅夢想，但除左學費，見人地話週年表演嗰D都要千千聲，其實我都想比佢去北角王仁曼，但係bk 見D家長話佢地睇唔起人，我只係一個中學畢業嘅C9仔，聽到都驚驚地；佢仲有學小提琴，而且我仲有個大仔，剩係課外活動都洗唔少，芭蕾舞又唔會學短時間，所以好苦惱，有冇人可以分享下？

bbdou

學芭蕾真係冇得平，除了學費，基本的上堂服裝，仲有表演、比賽要額外支出，跳得越高級，每周上堂次數仲要增加，足尖鞋又幾佰蚊一對，加加埋埋真係好襟計。

kayi0556

如果你囡有天份而又係佢興趣， 我覺得無論時間或金錢都唔少得， 搵個好老師雖然貴d,  但起碼有俾你囡去學過， 到時經濟唔得的再諗方法

DICSIK

我的囡囡在香港兒童合唱團的舞蹈組學芭蕾舞，已經六年，學費相宜，師資很好，即使表演服也不會過千，美中不足是何文田交通不太方便。它們每年招生兩次，有興趣可查看它的網頁。

btrue

有心學, 我會揀王仁曼.  睇唔起人? 唔覺.  我估應該只係低年班吧.
希望你女真係知道自己想做咩, 唔好三五年後改變主意.

snakekin

回覆 DICSIK 的帖子

我都有考慮過香兒，但我地住港島西，去愛民村真係令我卻步，我仲要帶住個大仔......我都相信香兒有系統，你女兒學緊邊一級，上課通常咩時間？

bbdou

除咗教 RAD，香港仲有非 RAD 的芭蕾舞學校。我仔學咗10年芭蕾，也轉過幾間學校，曾經去過王x曼試堂，佢話唔鍾意。現時佢跳緊兩間學校，一間考 RAD，另一間冇試考，只有參加表演和比賽，但程度比RAD高。如果樓主囡囡有天份又有目標，都可以考慮非 RAD 的學校，但學費以月計相對會較貴，但除返堂數就只是佰零蚊一堂。

aeiou_drm

原帖由 snakekin 於 16-04-01 發表
回覆 DICSIK 的帖子

我都有考慮過香兒，但我地住港島西，去愛民村真係令我卻步，我仲要帶住個大仔......我 ...

西環蒲飛路明愛莫張瑞勤中心有 ballet 班，有考級的，你可以 Check 下。

kazuyukipomi21

我以前細個都係學學下因為貴而冇學到，如果能力範圍，我覺得可以繼續俾佢學，但你去d出名既當然學費會有番咁上下

786

原帖由 snakekin 於 16-04-01 發表
講少少背景先，4囗之家，得老公一個搵錢，女兒7歲深愛芭蕾舞，喺屋企附近一間好細嘅舞室學咗4年，其中都有 ...

要做芭蕾舞家，名師真係唔少得，因有人脈。但費用，真係好恐佈。除普通學費外，還有加時，靚衫，表演費，還要畀入場費……

如果只係當跳舞老師，在社區中心正正常常去考級都Ok.不過學費考試費用都唔係平

snakekin

所以我覺得芭蕾舞要學得專業，真係所費不非，社區中心興趣班可以，但如果要走向專業就唔係我地依D普通家庭可以負擔。網上睇過王仁曼背景，她爸爸都係銀行家，如果一般打工仔，都好難送到去外國學跳舞，仲可以幫到佢開學校。
但係依個階段，我都會盡量幫女兒去做夢，在能力範圍內供她學習芭蕾舞。

titibaby

原帖由 snakekin 於 16-04-01 發表
所以我覺得芭蕾舞要學得專業，真係所費不非，社區中心興趣班可以，但如果要走向專業就唔係我地依D普通家庭 ...

路過

不如放棄其他野例如小提琴，專注一樣學精d？

snakekin

回覆 titibaby 的帖子

有D困難，學小提琴係因為學校需要參加「一人一樂器」計劃，所以擇左小提琴，而芭蕾舞就係佢自己要求，所以小提琴係今年上小學開始，而芭蕾舞就係3歲就學，如果有得擇，我都想學少D，可以慳返D。

786

原帖由 snakekin 於 16-04-02 發表
回覆 titibaby 的帖子

有D困難，學小提琴係因為學校需要參加「一人一樂器」計劃，所以擇左小提琴，而芭蕾 ...

小提無錢都好好難快。我好多朋友都係hea學去求其滿足學校需要。千祈唔好有要求。有要求就是用個錢包作對

DICSIK

回覆 snakekin 的帖子

我女兒現在grade 4, 逢週三黃昏和週六上午上課

pigmcmug

我女都系系香兒跳，但只是初學

LLKK

王仁曼有 scholarship 的。每年 audition 俾有困難的非本校學生，我在佢最近一期 newsletter 見到報導。

LLKK

去年的資料:

http://www.jmwballet.org/openaudition/

heebo

回覆 snakekin 的帖子

既然孩子有興趣，父母通常都會盡能力栽培她。我反而不介意學校的規模，覺得老師的質素更為重要。現時學校學生的考試成績怎樣呢？如果老師教得好、考試成绩又高的話，似乎沒有必要轉校。七歲仍在初级階段，離專業學習還有一段很長的路，上到高级還有更多錢要使。

snakekin

我都同意規模細冇問題,係老套D講句,係覺得依家個芭蕾舞老師越教越hea,冇晒heart,D舞步越跳越簡單。而參加比賽,以前係擇學生參加，而家係你肯比＄就比你參加，變左D比賽成日「自己人打自己人」,不過老師就可以增加知名度，而且有時三甲都有份，我地冇參加過其他芭蕾舞學校，所以唔知其他舞室都係咪咁。