帶8歲囝囝入女更衣室 港媽捱轟

elbar

  


【晴報專訊】俗語說男女授受不親，有家長反映，常見港媽無視兒子經已「大個仔」，至7、8歲仍帶入女更衣室，令旁人大感尷尬。心理學家指，7歲小童已懂分辨男女之別，倘不灌輸正確社會規範，恐令他們產生混淆。

帶年幼子女入異性更衣室，要慎防人細鬼大。有家長在討論區反映，女兒學游泳的學校更衣室設備簡陋，要當眾換衫，近日發現有港媽帶同囝囝入更衣室，大感不悅：「個男仔最少都有6歲，既然有工人，點解要他入更衣室，望住咁多女仔沖涼換衫？」直言男女有別，即使孩子未有邪念，也不應讓男孩覺得觀看異性身體是「無所謂」。

網民：色魔是從小栽培

另有網民分享經驗，形容曾見8、9歲大男童在更衣室內，「眼定定」望着胸部開始發育的女孩換衫，而被其母責備「睇夠未」！有網民指，為人母者會責備已不錯，最怕她「覺得冇嘢」，直言「到個囝大咗以為無問題，你就後悔」。有網民揶揄個案中港媽的做法是自幼「栽培鹹濕仔和色魔」，促家長應選擇到家庭室換衫，避免因性別問題惹尷尬。

註冊臨床心理學家陳皓宜博士指，7歲或以上兒童開始懂得分辨男女差異，及區分自我和他人，若帶入異性更衣室，他們難免對異性身體感好奇，且會令他們混淆對錯，誤認為「呢度我可以入嚟」，家長應盡量避免。她建議家長應訓練子女自立，讓小孩獨自上廁所，父母在外等候，若家長自身需如廁，則可暫託商場職員看管子女。

幼園階段已學性知識

註冊臨床心理學家葉妙妍指，現今小孩多獲家長及工人全天候照顧，普遍自我照顧能力發展較慢，促家長學會放手，如先由同性長輩陪同體驗使用更衣室，「更衣室沖涼時水柱照頭淋，或與家中不同，剛開始時要小孩獨自沖涼難免會驚。」

葉妙妍又指，小朋友在幼稚園階段已學習到性知識，知道身體不能隨便讓人觀看及觸摸，如果讓他們在異性更衣室自出自入，難免會令小孩感矛盾，「學校話唔畀睇，實際上佢成日睇到，就會覺得混淆。」

Yanamami

五歲都已唔应該了……

sinsinlo

Yanamami 發表於 16-3-30 10:33
五歲都已唔应該了……

咁得媽媽帶個仔去游水, 個5歲男仔自己入更衣室沖涼換衫

Yanamami

sinsinlo 發表於 16-3-30 12:33
咁得媽媽帶個仔去游水, 個5歲男仔自己入更衣室沖涼換衫

有無顧及其他女泳客感受？你願意跟个不相識的男孩肉帛相見？

judy

咁得媽媽帶個仔去游水, 個5歲男仔自己入更衣室沖涼換衫

‧

唔識，咪唔帶去游水囉。5歲仔好大啦！

hkpapa852

sinsinlo 發表於 16-3-30 12:33
咁得媽媽帶個仔去游水, 個5歲男仔自己入更衣室沖涼換衫

事實上, 我4歲已開始要求子女學習自己沖涼換衫, 所以未夠5歲佢地已經可以沖涼換衫自己攪掂

sinsinlo

唔好意思, 我個仔冇咁大, 所以都擔心將來點算姐, 咁如果到時我個仔都唔識,我未唔帶佢去law, 以後唔問啦!

hkpapa852

sinsinlo 發表於 16-3-30 17:20
唔好意思, 我個仔冇咁大, 所以都擔心將來點算姐, 咁如果到時我個仔都唔識,我未唔帶佢去law, 以後唔問啦! ...

早點訓練小朋友既自理能力.

有時見到有D小朋友家長, 到小四小五都話唔識自己沖涼, 真係覺得太過保護/縱容小朋友了!

sinsinlo

hkpapa852 發表於 16-3-30 17:29
早點訓練小朋友既自理能力.

有時見到有D小朋友家長, 到小四小五都話唔識自己沖涼, 真係覺得太過保護/縱容 ...

我明白, 其實而家2歲都教換衫, 4歲教沖涼都OK, 我只係擔心更衣室(特別沖涼既地方)會好滑跌倒或有其他危險. 我都係真心想知如果得媽媽or女性帶小男孩時會點做, 文中都講6歲以上就應該放手, 我冇諗過原來5歲(K2)都應該自己入,

或者我過份擔憂, 但我真擔心5歲自己入去會唔會遇到D唔好既事發生, 而唔係擔心佢唔識換衫沖涼. 我都有同同事討論, 大家都覺得如果擔心最好有個男性一齊游水先去. 但我從來冇諗過唔顧女性既感受.

Yanamami

如果担心既話，有其他做法：1)有男性親友陪同先去游，2)去有親子更衣室既泳池(Eg私人会所)，3)抹乾身番屋企先冲~

sinsinlo

多謝你既提意

ABC-DAD

http://www.lcsd.gov.hk/tc/beach/ ... wim-address-kt.html

政府公共泳池部分設有家庭更衣室，上網頁睇一下。

ABC-DAD

不過泳季不時排長龍巧家長耐性，特別有泳班時會緊張啲

ABC-DAD

文中指學校泳池更衣室就奇怪，好少出現咁嘅問題，學校應該關心下這環節

Yanamami

ABC-DAD 發表於 16-3-31 09:45
文中指學校泳池更衣室就奇怪，好少出現咁嘅問題，學校應該關心下這環節

阿女細時去Shatin College游，係無家庭更衣室吖~家長係殘厠同小朋友換衫番屋企沖｡當然，果间係中学，設施為大人而設，但外租泳池時，有小男孩就有d唔方便~

ABC-DAD

Yanamami 發表於 16-3-31 10:36
阿女細時去Shatin College游，係無家庭更衣室吖~家長係殘厠同小朋友換衫番屋企沖｡當然，果间係中学，設施 ...

學校有男厠同更衣室格，開泳班唔考慮更衣室安排，家長會用腳回應

ABC-DAD

"Yanamami  实有男賓部，只係有d mami唔放心仔仔单独入去……  "

估到，一向都有咁嘅愛心JM

bunboymom

8歲應該可以自理了，如果驚佢唔識去男更衣室，可以叫爸爸放假時帶仔仔教他，日後就無需跟媽媽入女更衣室，你估仔仔咁大個唔尷尬咩

HaYi

我2個4歲都開始全年習泳, 我們在5歲前都先在家訓練佢地自己沖, 5歲前如習泳後就要自己入男更衣室沖. 工人姐姐只負責接送. 因為依家小朋友都比較高大, 如果不早訓練定, 我個4歲幾都似5歲幾, 怕收人投訴.