送自己個仔女去普教中學校究竟係咩心態？

greivas

送自己個仔女去普教中學校究竟係咩心態？想你個仔用普通話思維諗野, 做純正大陸仔?
知唔知廣州有好多家長想用粵語教學都冇得用

你地就掉返轉
以為喺屋企講廣東話就冇事？
D小朋友依家係會對住個字但係唔識個粵音
好似岩岩鏗鏘集個小朋友, "無時無刻"讀左"無時無ke"
久而久之咪會用普通話閱讀, 用普通話諗野囉

要學普通話, 普通話堂已經夠
我未試過普教中, 去台灣exchange一D溝通問題都冇

廣東話係我地香港好珍貴好珍貴既文化
我睇完今集鏗鏘集, 聽到個家長話廣東話粗俗就好心痛
我想喺度同D考慮緊普教中同粵教中既家長講
千祈唔好睇低自己文化
普通話唔使喺中文堂學
我地既廣東話文化要一代代咁傳承落去

ChiChiPaPa

原帖由 greivas 於 16-03-27 發表
送自己個仔女去普教中學校究竟係咩心態？想你個仔用普通話思維諗野, 做純正大陸仔?
知唔知廣州有好多家長想 ...

香港係廣東話的地方。選校好自然希望接觸其他語言,如英文,普通話和外語。

greivas

ChiChiPaPa 發表於 16-3-27 21:15
香港係廣東話的地方。選校好自然希望接觸其他語言,如英文,普通話和外語。



  ...

你知唔知識講廣東話唔代表佢識個字?佢地睇書, 見到稍為難少少既字會唔識粵音
花太多時間係普通話拼音上面會拖慢佢識字同閱讀

ChiChiPaPa

原帖由 greivas 於 16-03-27 發表
你知唔知識講廣東話唔代表佢識個字?佢地睇書, 見到稍為難少少既字會唔識粵音
花太多時間係普通話拼音上面會 ...

在香港出世和生活,點會唔識廣東話?

greivas

ChiChiPaPa 發表於 16-3-27 21:27
在香港出世和生活,點會唔識廣東話?

大把學生見到難少少既字就唔識粵音點讀平時講廣東話只係口講, 只知道讀音, 而對應唔返個字

ChiChiPaPa

原帖由 greivas 於 16-03-27 發表
大把學生見到難少少既字就唔識粵音點讀平時講廣東話只係口講, 只知道讀音, 而對應唔返個字
...

學校只教正音正字。我相信你寫的佢哋這兩隻字並不是在學校學。生活流傳下來才是真正的廣東話。我們要保護的是本土媒體,而不是去影響別人選擇教學語言的權利。

ChiChiPaPa

原帖由 greivas 於 16-03-27 發表
大把學生見到難少少既字就唔識粵音點讀平時講廣東話只係口講, 只知道讀音, 而對應唔返個字
...

這不正是問題所在,依賴學校的廣東語教學是沒用的。還有請不要和我說正音正字,我不認同那些所謂的正確發音。

greivas

ChiChiPaPa 發表於 16-3-27 21:52
學校只教正音正字。我相信你寫的佢哋這兩隻字並不是在學校學。生活流傳下來才是真正的廣東話。我們要保護的 ...

第一, 唔係正音、懶音咁簡單
係佢完全唔識讀一D深既字
普教中環境下已經令佢地無法利用粵語流暢朗讀

學普通話, 大前提係唔應該犧牲自己母語能力

第二, 咩叫"流傳下來才是真正的廣東話"?
廣東話所有中文字都有得讀
書面語都係廣東話一部分

ChiChiPaPa

原帖由 greivas 於 16-03-27 發表
第一, 唔係正音、懶音咁簡單
係佢完全唔識讀一D深既字
普教中環境下已經令佢地無法利用粵語流暢朗讀

佢哋這些用詞是廣東話,但從來不可在學校用。當你依賴學校教學,可能就係下一代廣東話弱的主因。廣東省的孩子懂的廣東字發音不比香港弱,但學校向來不可用廣東話教學。

greivas

ChiChiPaPa 發表於 16-3-27 22:23
佢哋這些用詞是廣東話,但從來不可在學校用。當你依賴學校教學,可能就係下一代廣東話弱的主因。廣東省的孩子 ...

你都掉轉嚟講
"佢地"呢D字點會唔喺學校用?老師平時講野係用書面話咩?

廣州就真係唔可以喺學校用啦, 全普通話教學
加上外來人口多, 後生都用普通話交流
就算返屋企都唔識純正粵語
"洗衫"變左"洗衣服", "閂門"變左"關門"

言下之意係咪想好似廣州咁, 全部科目普通話, 講埋D奇奇怪怪既廣東話?

ChiChiPaPa

原帖由 greivas 於 16-03-27 發表
你都掉轉嚟講
"佢地"呢D字點會唔喺學校用?老師平時講野係用書面話咩?

外來的人不會廣東話，他們只是用廣東音去說普通話。

如果家裡用廣東話說閂門，學校用普通話說關門。孩子自然用廣東話時，只會說閂門。但如果學校用廣東話交替使用口語和書面語，孩子自然會接受用口語說關門，或有時說關門，有時說閂門。

MrBeast

greivas 發表於 16-3-27 21:00
送自己個仔女去普教中學校究竟係咩心態？想你個仔用普通話思維諗野, 做純正大陸仔?
知唔知廣州有好多家長想 ...

贏在起跑線心態掛，社會心態不易改變，只能做好自己

ChiChiPaPa

已看了該節目。有一點說得對，不應用普通話教文言文。廣東話教文言係有優勢，不應放棄自己本身的語言優勢。

至於其他觀點，其實和討論英語教學，還是母語教學相近。例如，母語教學有利學習，但能力較高的學生還是會選外語教學，目的是學好那種外語，而不是那學科。家長係應該因應孩子的能力而選擇報讀不同教學語言的學校。那些一刀切用普通話教中文的小學，中文水平可能會受損，因當中能力較弱的學生不能使用母語學習中文。

annie40

回覆 greivas 的帖子

我個女用普通話學中文，學得很好，很舒服。廣東話亦講得十分流利，英文又OK. 我無乜心態,只是平常,心做平常事。
家長喜歡怎樣安排，是自家的事，旁人不必憤憤不平喎！有時間旁人不如管理下自己吧！

akys

語文能力高用乜教中都得，一般甚至中上能力者都係用番母語效率高啲。學自己語文都唔用母語真係有啲奇怪，我始終認為一周2－3堂普通話當外語學，教下發音，不同用字用詞效果更好。可惜政治行先，唔用常理制定政策。
嗰個大型研究報告做咗咁耐但係死都唔肯攞出嚟，肯定有啲古惑。

A-Mum

我大仔三年英普幼稚園，六年普教中小學，廣普英搏嘴一樣咁流利，轉去廣教中中學都無問題。
反而妹妹英普幼稚園後讀廣教中英小，我地有搵普通話老師幫佢 keep，但真係比哥哥差好多。
每個家長追求唔同目標，同英文一樣，有人只求寫得通順，有人要對答如流，有人要牛津音⋯⋯ 普通話能力都可以追求唔同程度，最緊要有得㨂。
自己有得揀咪好囉，點解要指責其他人點揀？

ANChan59

嗰個大型研究報告做咗咁耐但係死都唔肯攞出嚟，肯定有啲古惑。


*****

這個是肯定的！

不敢出答案，已經是答案。

******

不過，正如A－Mum所講，大家都可以自由選擇子女的中文教育語言，但亦不應強行或利誘學校行普教中。

Yanamami

A-Mum 發表於 16-3-28 12:36
我大仔三年英普幼稚園，六年普教中小學，廣普英搏嘴一樣咁流利，轉去廣教中中學都無問題。
反而妹妹英普幼 ...

我同你情况差唔多~大女當年無禁兴英普幼稚園，小学普教中，中学粤教中，我諗佢如要再次运用流利煲冬瓜，真要再進修下~
細女K1开始英普，有上拼音班，小学普教中，比家姐流利同發音標準得多~不过如ChiChiPaPa說，中学用粵語学文言文好d, 所以都揀番粤教中果班(虽然有説普教中果班係精英班)｡講广東話佢自然非常牙尖咀利，不过閱讀時，係有个别唔常用字会唔肯定广東話点讀係真既~

Yanamami

A-Mum  小學部都好多叻囡囡揀廣教中架，中學普教中班未必集曬所有叻人掛
*********************
都係听講SetA係普教中啫~

skkeung

原帖由 greivas 於 16-03-27 發表
送自己個仔女去普教中學校究竟係咩心態？想你個仔用普通話思維諗野, 做純正大陸仔?
知唔知廣州有好多家長想 ...

人望高處，水向低流！