細B考K係咪都會唔夠大B爭？

swnatalie

我小朋友6月B，今年考PN，熱門既PN全軍覆沒
請問前輩考K係咪都好難爭名幼？

cathyangel

我估都係，現在bb今個月比上個月都識多左野，如果我是老師都會選大b啦

Ern

原帖由 swnatalie 於 16-03-25 發表
我小朋友6月B，今年考PN，熱門既PN全軍覆沒
請問前輩考K係咪都好難爭名幼？ ...

唔緊要，下年K1小朋友會成熟好多，嚟緊呢幾個月多D同小朋友互動，小朋友吸收力好强。

我分享下，我女女係7月龍B，龍年競爭好激烈，第一二年有四大長老加工人湊女女，我觀察到佢識得適應唔同人嘅性格。奶奶靚態、唔比走來走去，女女會坐定定。婆婆好活潑，女女又會彈性跟佢唱歌跳舞。工人同女女又講故事又成日做勞作（佢睇、工人做、女女仲細 ）最後原來女女得著好大。

我自己一放工就不停同佢玩&講野。

最後當然要配合運氣

99dogdog

先唔好想之前考pn既結果，小朋友呢段時間既學習能力隨時超越你所想，况且6月b唔算細b, 比8-12月b已經有更大優勢！可以俾個參考你，我身邊大部分是中b, 好多入到名幼之餘，原來班中都有唔少差不多月份的，甚至是年尾細b！多啲同小朋友互動，玩多啲，放手俾佢地自己探索（包括玩既方法），見多啲唔同既人（有啲小朋友學校見到陌生人/外國人會驚）！慢熱既小朋友可能要用多啲時間，但有學校的確係喜歡比較靜態、專注力較強既小朋友！所以選學校時都要留意係咪適合自己子女，毋須太執著學校是否名幼！要對小朋友有信心，放手佢地時同時俾多啲鼓勵佢地等佢地提升自信心！

mapp2009

你的是6月b, 不能做超大b, 好好教導小朋友有禮貌, 不怕羞, 下年小心計劃申請不同學校, 絕不能只申請龍校, 名幼!

大埔之友

6月唔算細, 可能只是無緣.

1月B同6月B這個時間唔係差太多. 家長點教分別影響較大.

WendyNg12345

其實又唔一定，我囡12月細B,報左6間K,兩間N班，點知3間收左K班，俾佢試一試

swnatalie

多謝各位既鼓勵！聽完大家中B小B成功既例子，對考k有番d信心

Tiffanytobe

其實可以放膽照報，當個機會，我年尾细B全部都收，除左神校

sinsinlo

首先, 6月B絕對唔係細B
我仔9月B, 考K1果間學校雖然唔係神校, 但因為收外生少, 所以比例上競爭都好大, 但我仔都被收.
當然, 有D學校講明or根據以往收生歷史都鐘意收大B, 咁冇得講啦!

大埔之友

聽人講有d 老師有心機d, 會降低對細B 要求,平衡返月份上的影響.

vpo0615

我覺得, 如果係名幼, 中B一定唔夠超大/大B 爭, 雖然話大咗一年會識多咗嘢, 但其他同齡小朋友都一樣有進步架嘛. 總之唔好淨係報名幼/熱門校, 多報幾間打底啦.