2016中電小小綠色工程師開始報名喇 - P4-P6費用全免

小時了了

呢個活動我 "留意" 咗三年, 小三時等小四夠資格去報名, 但舊年過咗報名日期先至醒起, 激到我死. 今年今日剛剛今早開始報名, 我等咗三年終於等到 (只係報名階段, 仲未成功有得參加, 要面試成功先至有得玩). 好啱小朋友去玩及參觀, 重點係全免, 我剛幫女女報名, 有興趣家長即刻報名啊, 呢個活動好hit 好 full 的啊


【2016中電小小綠色工程師正式招募大行動】

深受家長、小朋友歡迎嘅中電小小綠色工程師計劃已踏入第四屆，見到上年嘅小小綠色工程師笑得咁開心就知好玩！今年嘅行程仲增加至四日，由中電嘅專業工程師帶領下，獨家深入發電廠心臟地帶、探索系統控制中心，仲可以參加科學園嘅節能工作坊，同深入將軍澳變電站，探索全港最大型嘅「空中樹林」！

想你嘅仔女成為新一代中電小小綠色工程師？把握機會喺4月18日前幫小朋友報名喇！名額有限，報名從速!

詳情：
活動對象：小四至小六學生
報名日期：2016年3月23日至4月18日
想了解更多，請瀏覽：https://www.clp.com.hk/zh/commun ... campaign=post-promo

報名者必須於2016年4月18日或之前提交題為「我要成為小小綠色工程師！」之報名短片或短文，以完成報名程序。逾期遞交將不獲接受。

a. 短片：拍攝不多於1分鐘之短片，由報名學生作自我介紹(包括學生英文姓名及學校名稱)並說明報名原因，以Whatsapp發送至電話號碼 9198 9277，短片採用中、英文皆可。
或

b. 短文：撰寫一篇不多於200字之短文，連同報名學生英文姓名及學校名稱，電郵至 [email protected]，中、英文皆可。

小時了了

提一提, 前年我叫姑仔網上報名, 當時報名日期仲未過期但都報唔到名, 因為當她報名時係要選面試日期及時間, 原來當所有面試日期及時間都 full 晒時, 雖然仍未到報名日期限期都唔可以繼續報名, 今年唔知仲係唔係咁!

所以, 有興趣家長, 快啲報名選面試日期及時間先啊

分享 2014 年的日程俾大家睇下, 係咪好好玩呢

小時了了

阿媽我等咗 3 年先至等到依家報名, 阿女呢排成日話呢個活動佢唔多有興趣, 唔係好想參加 (所以唔係好想寫200字「我要成為小小綠色工程師！」之報名短文). 聽到阿女咁講, 我成個心"沈"咗, 原來一直以來只係"我自己"覺得好玩,"我自己"覺得呢個活動體驗難能可貴及增長見識,係"我自己"覺得阿女係會覺得好開心......   等咗3 年嘅我好 "唔甘心" (我知我唔應該咁諗, 但呢個係我真實情緒感受啊 !!!!)

我無限擴大無限可能咁悲觀諗 -----可能有一日阿女又會同我講 "我其實唔想讀BAND 1 中學", "我唔想報直資中學", "我唔想......." ---- 只係阿媽"妳自己"鍾意及安排之麻.

小時了了

karen55407 發表於 16-4-22 17:09
剛收到面試通知！我小朋友因為升中要上銜接班，所以暑假沒有安排其他活動。



  ...

我仍未有通知啊! 想問中電係咪電話通知架?

小時了了

IloveJJ 發表於 16-4-23 22:20
阿女做乜想讀band3中中？係咪想讀中中喳？有band1中中架噃！

因為佢覺得讀B3：
1）係中中，
2）無咁辛苦，
3）佢會名列前矛

小時了了

clly 發表於 16-4-25 10:04
最後收唔收到通知呀？

無喎!

今年努力及嘗試過而無通知, 自己個心會甘心好多, 反而心情好平靜無咩野喎. 之前未試過而miss咗報名嗰時我真係好唔甘心及好唔開心架

小時了了

clly 發表於 16-4-25 10:09
你係咪又係交短片？我地無報名，但有2個朋友有參加，短片收到通知，文章果個無收到通知，佢地估短片多數有 ...

我係交文章嘅

小時了了

karen55407 發表於 16-5-27 21:09
多謝你的推介入圍了

真心替您開心及高興！


當日我曾有掙扎好唔好出呢個帖，我曾私心諗，我等咗3年喇，好想阿女有機會參加，如果出帖咁咪多咗人申請，我女咪少咗成功機會！但最後我咁諗，如果我女係有實力嘅，我出唔出呢個帖佢都會成功參加，如果係技不如人，幾少人阿女都係唔得嘅。最後阿女係唔得，我竟然無我想像中咁失望。
希望妳女玩得開心，有所得著。

小時了了

MimiMum 發表於 16-5-28 13:14
回覆 小時了了 的帖子
小朋友也幸運地入圍了。能夠有這樣無私的父母，你的孩子真幸福！也感激多位家長分享 ...

CLP 中電 FB 出咗片https://www.facebook.com/clphk/, 今年啲小朋友好似好好玩, 內容好豐富咁喎


【2016中電小小綠色工程師計劃 – 絕密片段】

咔嚓咔嚓咔嚓咔嚓 📷✨
130位小小綠色工程師真係好sharp醒呀! 佢哋著咗成套工程師制服喺台上接受證書，正式畢業啦!

小編見到各位工程師完成四個任務而順利畢業真係好滾動呀~~~
我哋而家一齊睇吓佢哋活動中嘅點滴啦!

想了解多啲中電小小綠色工程師計劃，快啲上 www.clp.com.hk/jgep