2016中電小小綠色工程師開始報名喇 - P4-P6費用全免

小時了了

呢個活動我 "留意" 咗三年, 小三時等小四夠資格去報名, 但舊年過咗報名日期先至醒起, 激到我死. 今年今日剛剛今早開始報名, 我等咗三年終於等到 (只係報名階段, 仲未成功有得參加, 要面試成功先至有得玩). 好啱小朋友去玩及參觀, 重點係全免, 我剛幫女女報名, 有興趣家長即刻報名啊, 呢個活動好hit 好 full 的啊


【2016中電小小綠色工程師正式招募大行動】

深受家長、小朋友歡迎嘅中電小小綠色工程師計劃已踏入第四屆，見到上年嘅小小綠色工程師笑得咁開心就知好玩！今年嘅行程仲增加至四日，由中電嘅專業工程師帶領下，獨家深入發電廠心臟地帶、探索系統控制中心，仲可以參加科學園嘅節能工作坊，同深入將軍澳變電站，探索全港最大型嘅「空中樹林」！

想你嘅仔女成為新一代中電小小綠色工程師？把握機會喺4月18日前幫小朋友報名喇！名額有限，報名從速!

詳情：
活動對象：小四至小六學生
報名日期：2016年3月23日至4月18日
想了解更多，請瀏覽：https://www.clp.com.hk/zh/commun ... campaign=post-promo

報名者必須於2016年4月18日或之前提交題為「我要成為小小綠色工程師！」之報名短片或短文，以完成報名程序。逾期遞交將不獲接受。

a. 短片：拍攝不多於1分鐘之短片，由報名學生作自我介紹(包括學生英文姓名及學校名稱)並說明報名原因，以Whatsapp發送至電話號碼 9198 9277，短片採用中、英文皆可。
或

b. 短文：撰寫一篇不多於200字之短文，連同報名學生英文姓名及學校名稱，電郵至 [email protected]，中、英文皆可。

MASAYA

題外話，將妳見到又想參加但未到年齡既活動、比賽，放晒去google calendar，當然連資料同網址啦，到時候佢自動通知妳，煩少好多，白頭髮都少d

小時了了

提一提, 前年我叫姑仔網上報名, 當時報名日期仲未過期但都報唔到名, 因為當她報名時係要選面試日期及時間, 原來當所有面試日期及時間都 full 晒時, 雖然仍未到報名日期限期都唔可以繼續報名, 今年唔知仲係唔係咁!

所以, 有興趣家長, 快啲報名選面試日期及時間先啊

分享 2014 年的日程俾大家睇下, 係咪好好玩呢

小時了了

阿媽我等咗 3 年先至等到依家報名, 阿女呢排成日話呢個活動佢唔多有興趣, 唔係好想參加 (所以唔係好想寫200字「我要成為小小綠色工程師！」之報名短文). 聽到阿女咁講, 我成個心"沈"咗, 原來一直以來只係"我自己"覺得好玩,"我自己"覺得呢個活動體驗難能可貴及增長見識,係"我自己"覺得阿女係會覺得好開心......   等咗3 年嘅我好 "唔甘心" (我知我唔應該咁諗, 但呢個係我真實情緒感受啊 !!!!)

我無限擴大無限可能咁悲觀諗 -----可能有一日阿女又會同我講 "我其實唔想讀BAND 1 中學", "我唔想報直資中學", "我唔想......." ---- 只係阿媽"妳自己"鍾意及安排之麻.

mingmama

請問200字的短文要寫啲咩呢？

MASAYA

小時了了 發表於 16-3-30 10:08
阿媽我等咗 3 年先至等到依家報名, 阿女呢排成日話呢個活動佢唔多有興趣, 唔係好想參加 (所以唔係好想寫200 ...

我明，呢個係做父母既難處，一心諗住最好既野畀子女，不過佢地未必係咁諗，但而家發現都唔係壞事，趁早傾下將來想揀點樣既中學，大家有個心理準備都好

zitaeric

原帖由 小時了了 於 16-03-30 發表
本帖最後由 小時了了 於 16-3-30 10:18 編輯

阿媽我等咗 3 年先至等到依家報名, 阿女呢排成日話呢個活動 ...

小朋友係要推下，鼓勵下先得，吾洗吾開心。我都留意佐兩年，今早都報佐名，我都覺得這個活動好好，好難得！

MASAYA

小時了了 發表於 16-3-30 10:08
阿女想讀 BAND 3中文中學呀

佢有冇講咩原因呢？

kirstyau

原帖由 小時了了 於 16-03-30 發表
本帖最後由 小時了了 於 16-3-30 10:18 編輯

阿媽我等咗 3 年先至等到依家報名, 阿女呢排成日話呢個活動 ...

我有係一見就好興奮幫阿女報，難能可貴既經驗，岩岩電郵提醒交片/短文，咪提阿女快d寫，點之佢又係話我都唔想參加，我話有工程師帶你睇發電廠平時冇機會架，佢話冇興趣 好似得我興奮多d

daisy17772

小時了了 發表於 16-3-23 13:29
呢個活動我 "留意" 咗三年, 小三時等小四夠資格去報名, 但舊年過咗報名日期先至醒起, 激到我死. 今年今日剛 ...

Thanks for the info.  When will the event take place?  in summer?  I can't find the dates on their website.  

karen55407

有面試通知未呀？

Charlotte_mom

早兩年報過名。唸住應該幾好玩，辛苦d都去啦。結果見識到面試當日人山人海，而且體會到由我屋企去果度真係唔講得笑。

最大鑊係好遲至知編邊班，我成個暑假d時間hold住晒。

我仔落選了，咁我都知比佢叻嘅小朋友大有人在。賽果正常。下一年，唸過度過，之後都無報了。

karen55407

原帖由 Charlotte_mom 於 16-04-22 發表
早兩年報過名。唸住應該幾好玩，辛苦d都去啦。結果見識到面試當日人山人海，而且體會到由我屋企去果度真係 ...

剛收到面試通知！我小朋友因為升中要上銜接班，所以暑假沒有安排其他活動。

小時了了

karen55407 發表於 16-4-22 17:09
剛收到面試通知！我小朋友因為升中要上銜接班，所以暑假沒有安排其他活動。



  ...

我仍未有通知啊! 想問中電係咪電話通知架?

karen55407

原帖由 小時了了 於 16-04-22 發表
我仍未有通知啊! 想問中電係咪電話通知架?

電郵

metrochung

原帖由 karen55407 於 16-04-22 發表
剛收到面試通知！我小朋友因為升中要上銜接班，所以暑假沒有安排其他活動。



  ...

我仔上年參加，面試當日三百幾人，我上年好後才交短文，我估超過一千百參加，D同學仔真係好勁，最後我仔只入選後備，我已經覺得仔好叻了，就當參加咗。

karen55407

原帖由 metrochung 於 16-04-22 發表
我仔上年參加，面試當日三百幾人，我上年好後才交短文，我估超過一千百參加，D同學仔真係好勁，最後我仔只 ...

吓！咁難入嘥氣

metrochung

原帖由 karen55407 於 16-04-22 發表
吓！咁難入嘥氣

試下先，可能入選唔出奇, 每年用嘅方式唔同，就當一次經驗

1a2b3c4z

原帖由 metrochung 於 16-04-22 發表
我仔上年參加，面試當日三百幾人，我上年好後才交短文，我估超過一千百參加，D同學仔真係好勁，最後我仔只 ...

請問面試問D乜？