香港老師質素衰敗

babycatrina

原帖由 Busybody! 於 16-03-20 發表
咁老師向邊個交待？我地交小朋友給你們，你地搞到小朋友及全家人的生活怎樣？有life嗎？小朋友語文程度怎樣 ...

仲有，你咪以為老師好有life, 有心做既老師做到嘔 （當然個d等退休既老油條自己就好有life。我讀書時都撞好多不知所謂hea 教既老師，但亦有好多超有心既老師。）

阿家長，似乎你既經驗真係好差，可能係唔好彩未遇到好老師。我真心希望你會遇到有心、有能力教你小朋友既學校同老師。令你無咁忟！（我都希望我既小朋友將來遇到好老師，不枉我今日為佢地講說話！）

babycatrina

原帖由 Busybody! 於 16-03-20 發表
咁老師向邊個交待？我地交小朋友給你們，你地搞到小朋友及全家人的生活怎樣？有life嗎？小朋友語文程度怎樣 ...

仲有，啱啱先見到你鬧我不知所謂，連我係咪中小學老師都未搞清就咁樣鬧人，你真係好唔啱！

angel321

其實呢到好多所謂家長，可能同時又係家長同時又係老師。

其實每一個職業都值得人尊重， 而有d職業之所以唔受人尊重， 並不是因為職業本身， 而是因為行內人普遍地做得太過差。 好多中小學老師不停咁樣講老師應該要被尊重， 點解但己又唔反醒一下， 問下自己點解大家都針對中小學老師批評， 而並不是針對大學教授批評呢？ 唔通大學教授不是老師嗎？因為大家都知道，大學教授質素普遍相當之高， 所以大家都只是針對中小學老師質素作出批評。 由此可知，大家並不是不尊重老師這一個職業，只係不尊重一些質素差的老師。 但那些質素差的老師， 唔承認自己質素差 ， 反而將整個教師行業拖落水。 這類人的素質，可想而知。

那些做老師的要搞清楚，做老師的責任是栽培學生。但而家既情況係，學生辛苦得來又得不到有質素的教育。 社會人士指出教師質素差的時候， 呢一群老師又話自己職業應該要俾人尊重，又話自己工作辛苦，又話自己有心。 連好好栽培學生的主要職責也辦不到，話自己工作辛苦、有心，其實只係抵賴。

睇左咁多討論，我見唔到有任何一個老師會反醒自己，問自己點解咁多人對自己行業不滿。 怪唔之得有人話中小學老師係井底之蛙、心胸狹窄。 做老師自己都做唔到接受不同意見，鞭策自己改進， 淨係識得搵藉口幫自己開脫。 咁既人，我唔講佢既成績，有資格做老師嗎？

angel321

講開又講, 呢度有好多歪理， 話成績好的老師唔會明白普通學生的難處。 上面咪好多人話好多老師係一級榮譽畢業嘅？ 不如全部開除呢d成績咁好的老師啦，因為佢唔會明白普通學生的難處。

仲有新聘任老師應該加入一個條件，就係只應該請曾經留級、會考成績好差的人做老師，因為根據你地既理論，只有成績差啲老師先至可以教到普通的學生。

至於請訓導老師，根據你們的理論，應該請一些食煙飲酒講粗口打交的。 因為只有這一種老師 ，才會明白這一類學生的感受。

hilouisll

原帖由 angel321 於 16-03-20 發表
其實呢到好多所謂家長，可能同時又係家長同時又係老師。

其實每一個職業都值得人尊重， 而有d職業之所以唔 ...

很同意你所講，香港的老師要自我反省，入職相對易，待遇高，假期多，教育工作做得不好，但卻推卸責任。

hkpapa852

angel321 發表於 16-3-20 19:27
其實呢到好多所謂家長，可能同時又係家長同時又係老師。

其實每一個職業都值得人尊重， 而有d職業之所以唔 ...

無睇一排又變咗個怨氣post? 又一齊力插香港中小學教師?

因為大家都知道，大學教授質素普遍相當之高， 所以大家都只是針對中小學老師質素作出批評。

個人絕不認同呢一點..... 其實好多大學教授都流流地, 而且有不少仲係活係自己象牙塔中, 同現實脫節得好緊要.....

大學教授質素普遍相當之高， 所以大家都只是針對中小學老師質素作出批評。

只係現今大多數家長學歷高咗, 有D人就會覺得D中小學老師呢樣唔得個樣唔掂, 學歷又好唔過自己, 自己會做得比佢地好, 諸多挑剔. 佰因為無乜人能達大學教授水平, 所以不敢亦不會去批評一D學歷比自己好既人啫.
至於大學教授質素是否普遍較高? 自己去瞭解清楚啦!

我見唔到有任何一個老師會反醒自己

同樣地, 話緊班老師既家長, 有幾多個有反省自己呢? 個人認為, 你可以唔認同一個人既能力, 但你亦應該尊重佢既職業. 就如我唔認同香港警察既一D行為, 但我仍然會尊重佢地. 不懂得尊重別人, 也不會得到別人既尊重, 包括自己既子女.

古語有云: 養不教, 父之過, 教不嚴, 師之惰.

現今太多一心想把"育兒責任"外判既家長, 唔通佢地一D責任都無?

批評人之前, 先想想馬太福音7:3 -  你為什麼看見你弟兄眼裡的木屑，卻不想自己眼裡的梁木呢？

enidchiu

每一個人都要終身學習，一起成長，不論學生，老師，家長，和其他專業人士。要老師達到大部家長所謂的高質素才都入行，不如問問自己是否肯定自己是一位高質素家長，才去生小朋友。好老師可遇不可求，但我肯定無論老師有幾green，我的小朋友總會在他身上學到一點東西，所以我和小朋友都應該感恩。