羅范籲學校勿比併入大學率

elbar

【明報專訊】接連有學童輕生，曾任教育統籌局長的港區人大代表羅范椒芬形容，或與社會負面情緒有關，形容「成年人都鬱悶」，而她也相信輕生會有連鎖反應。她認為社會應培養學生抗逆力，呼籲家長多包容子女的不足，學校亦要多鼓勵成績滯後的學生，以及不應以學校學生的入大學率作為指標或比併。


指網友想法相近 難疏導情緒


羅太認為，現時年輕人多接觸網上世界，這減低了人與人之間的接觸，少了機會與人分享經驗、困難，不利疏導負面情緒；而網上世界通常是接觸志同道合的人，若有負面念頭的人再與想法相近的人溝通，只會令人情緒更低落。


籲家長接受人人能力不同


羅太呼籲家長多關心子女，包容不足，形容現時社會競爭大，但家長應接受各人能力不同，對子女不能強求，要接受學生各有不同興趣、不同長處。


學校方面，羅太表示，有學校曾向她反映，9年免費教育變成12年，對原本不適合傳統教育模式的學生來說，只會令他們「繼續失敗」，令學童或看不到出路，表明「希望所有教育工作者，對成績滯後的學生多鼓勵、扶持」，又認為人生漫長，「即使讀多一年又何妨」。

ChiChiPaPa

原帖由 elbar 於 16-03-12 發表
【明報專訊】接連有學童輕生，曾任教育統籌局長的港區人大代表羅范椒芬形容，或與社會負面情緒有關，形容「 ...

那為何我們只有單一的傳統十二年教育制度?可不可以不讀傳統的中英數通識,讓有其他能力的學生選其他學習出路。為何以往有理工或其他類型的大專提供真正的出路給學生?現在大學化後,HD的實用課程卻少了,大家都在辦Asso。

elbar

「死控」煽情說法或致模仿

【明報專訊】學生輕生觸動家長神經，不少網民留言批評教育制度或家長催谷，甚至指學生以死控訴。香港大學防止自殺研究中心總監葉兆輝提醒，這類煽情的指控會將自殺行為「英雄化」，令未有分析能力且本身有情緒困擾的學生，有更大可能模仿自殺行為。


不宜簡化自殺原因


此外，不少學生在facebook專頁討論自殺事件，有人表示看新聞看到哭，本身是臨牀心理學家的港大防止自殺研究中心前總監黃蔚澄指出，過往研究指一人自殺死令身邊6人情緒受影響，社交媒體將受影響人數擴大，學校宜安排心理學家或受過相關訓練的教師，讓學生抒發不開心感覺、認知自身心理狀態及求助渠道。


黃蔚澄指成人在社交媒體控訴家長或教育制度壓迫孩子，若小孩本身已很不開心，就會覺得「世界無得變」，更覺得自己寂寞及悲慘，對於本身有抑鬱及自殺念頭的孩子，這種負面影響會更大。他強調，自殺原因非常複雜，不宜簡化，且教育制度涉整個社區，非只是政府或家長，在不清楚死者自殺原因下將責任歸咎某一方，對死者或家長等都不公平。他明白控訴者是出於好意，「但如有可能害到人，不如不要share（帖文）」，可改為分享為孩子減壓的「貼士」，更重要是多關心及陪伴孩子。


分享減壓錦囊 多關心陪伴


葉兆輝表示，煽情地指學生以死控訴，如英雄化自殺行為，故不建議轉發自殺新聞並留言製造恐慌，因這些內容會增加他人的負面情緒。他提醒，避免發放「應看開點、自殺者不夠堅強」等評論。

hkpapa852

elbar 發表於 16-3-12 12:36
【明報專訊】接連有學童輕生，曾任教育統籌局長的港區人大代表羅范椒芬形容，或與社會負面情緒有關，形容「 ...

又係類似N年前叫人求學不是求分數既廢話，實實在在提出一D有用既出路俾D入唔到大學既學生（唔係果D甚麼毅進、展翅囉），俾人見原來有其他出路，見到希望先有用嫁

nvitined

原帖由 elbar 於 16-03-12 發表
【明報專訊】接連有學童輕生，曾任教育統籌局長的港區人大代表羅范椒芬形容，或與社會負面情緒有關，形容「 ...

今時今日教育制度攪成現在這樣，不就是羅范及李國章嗎？她那裡有資格再出聲。

^曾小姐^

問下佢哋班高官有幾多個仔女係留港考dse

watermelon

原帖由 nvitined 於 16-03-12 發表
今時今日教育制度攪成現在這樣，不就是羅范及李國章嗎？她那裡有資格再出聲。



  ...

仲有個陳嘉琪

以前唔系讀書材料都可以揀工業中學,職業先修學返門手藝,又揾到食,做人有目標。

Himma0904

原帖由 ^曾小姐^ 於 16-03-12 發表
問下佢哋班高官有幾多個仔女係留港考dse

👍

littlereporter

坦白講一句,
學校唔比較入大學率、公開試成績等等數據,
學校又有咩所謂?
但係, 唔比較, 唔掛條 banner 出嚟話俾人知自己點威點勁 (傳統名校除外),
咁家長點揀學校?
到時學校收唔到學生又話要殺校,
結果, 教師就要努力跑數,
校長就要努力宣傳.
講到底, 誰之過?
咁多學生唔係個個都合適讀文法中學,
這是不爭的事實.
不如好好諗諗點去處理這問題啦.
羅太....
這就是香港教育界的悲哀,
外行管內行人.....
成日就講埋一些「何不食肉糜」的廢話...
不如實實在在地做一些有建設性的事吧.

hkpapa852

miffyumiffy 發表於 16-3-15 12:32
我地以前個年代有d叫職業先修學校, 有工科讀
後來d人勁反對, 話係標籤和岐視d成績唔好嘅學生, 先入讀呢種學 ...

無咗職業先修, 後來其實有開辦一類叫"高中職業導向"課程, 近年改為叫"應用學習"課程, 納入咗入NSS中:

http://www.edb.gov.hk/tc/student-parents/placement-assistance/pathway-for-further-studies-and-returning-to-school/career-oriented-curriculum-courses.html

http://www.edb.gov.hk/tc/curriculum-development/cross-kla-studies/applied-learning/index-1.html

就係因為將呢D課程納入咗係NSS, 結果變為讀完呢D"應用學習課程"最終既出路, 都係以"升讀大學"為目標, 而失去以前可與相關職業銜接既安排.

ANChan59

當初可能不想Applied Learning 被當作次一等，而且想做 alternate route ，正如你所說的，但目標還是大學，失去原意。

Lindytiger

羅范講教育，真係一d說服力都冇我當年讀傳統名校，但都唔係個個同學入到大學，好多最後都去左職業先收學校、明愛白英奇等學校讀酒店、設計、會計等等。好多之後重繼續一面做野一面進修。其實，今時今日既後生仔，係咪真係冇得揀呢d路？一定係要入8大先得？

dobbybabie

原帖由 Lindytiger 於 16-03-16 發表
羅范講教育，真係一d說服力都冇我當年讀傳統名校，但都唔係個個同學入到大學，好多最後都去左職業 ...

我覚得是社會的價值觀扭曲咗，萬般皆下品，唯有讀書高，而家都有這些職業先修架，例如明愛，大仔女同學中三己轉讀，我親戚既仔亦中三四去讀職訓，做電工，而家出來都萬幾二萬。結論唔是沒，是的家長放唔放得低面子。同埋而家教育己變了一盤生意，讀個lVE都要幾萬。

Lindytiger

同意，價值觀既改變另到呢一代既後生仔變得好容易就對前景失希望、變得負面。我到依家都唔明，點解要買到樓先可以結婚？做技術人員就代表冇前途？郁d就要死！其實父母係仔女建立價值觀既層面，可以做既比學校多。事實真係唔係人人都咁有讀書緣，鼓勵佢地揾一技之長其實更重要；耐何好多家長都唔明，或者唔願意接受現實

kat0318

miffyumiffy 發表於 16-3-15 12:32
我地以前個年代有d叫職業先修學校, 有工科讀
後來d人勁反對, 話係標籤和岐視d成績唔好嘅學生, 先入讀呢種學 ...

對呀,
有個時就唔想有,
好似無個時, 就問點解無.

kat0318

dobbybabie 發表於 16-3-16 12:27
我覚得是社會的價值觀扭曲咗，萬般皆下品，唯有讀書高，而家都有這些職業先修架，例如明愛，大仔女同學中三 ...

同意呀.
家長好願意俾仔女行工科, 職業先修的, 唔多.
有選擇的話, 好多家長都寧願選學位課程喇.

當然而家一般大學生出黎人工唔高, 一萬都唔知有無.
但反而去學扎鐵, 過得一兩三年, 實過萬幾兩萬喇.
教育轉變, 不是單單制度, 要社會大眾的配合.
中國人社會始終是抱"讀多點書好, 讀高一點學歷好, 白領較地盤等工作好."

AHGU

原帖由 hkpapa852 於 16-03-12 發表
又係類似N年前叫人求學不是求分數既廢話，實實在在提出一D有用既出路俾D入唔到大學既學生（唔係果D甚麼毅進 ...

以往有職業先修讓沒書緣的少年可以學一技之長，能有謀生能力。
就算做水電工，廚師亦可以好出色，正當職業，可發揮，有＄開店更可做老闆。社會亦需要這類人才，阿一鮑魚也是廚房出身。有興趣，做得來，搵到食就得。
人盡其才。

hkpapa852

AHGU 發表於 16-3-16 14:34
以往有職業先修讓沒書緣的少年可以學一技之長，能有謀生能力。
就算做水電工，廚師亦可以好出色，正當職業 ...

呢樣嘢, 又係俾教育局"異化"咗, 睇吓教育局講既"應用學習課程"既銜接出路:
http://www.edb.gov.hk/tc/curriculum-development/cross-kla-studies/applied-learning/quality-assurance-and-articulation.html

升學途徑（副學位課程）.....

升學途徑（學士學位課程）.....

升學途徑（毅進文憑課程）......

應用學習課程作為香港中學文憑的一部分，已獲 Edexcel 認可，可以銜接其在英國及海外課程提供機構的 Business and Technology Education Council (BTEC) Level 5 Higher National Diploma (HND) 課程......


讀呢D"職業先修"課程, 最後既出路竟然只係"升學", 完全無任何可銜接既工作機會...... 真可悲

zhuzhu

DSE打破文理分流，本是進步。但4科必修卻 迫中英數非强项的学生，花大量精力免强操練。大多学生在新制下其實只有二個選科，可選修科目其實比会考年代更少。强学生在新制下，才可兼顧4核3選，但未必过到死亡之科中文！不少弱学生只能兔强尽力保住4核科目，其他科目更無暇兼顧。简言而之，新学制令不善語文或數的学生虚耗更多精力在4核科目來满足3322的要求，这無疑加大学生压力。