依然快樂 (先餵飽女兒靈魂) ------ 鄭丹瑞

小時了了

係呢排咁多學生自我了結自己生命，今朝再一次睇到阿旦幾年前嘅文章分享，提醒自己如何才是最好方法餵飽阿女靈魂。

February 8, 2013 · 依然快樂 - 鄭丹瑞

小女兒上大學，揀選了考古這一科。一眾 uncle auntie、契爺契媽都暗地裏問我：「吓！你俾個女讀考古？第時佢出嚟做咩？ 點搵食呀？ 」

如果人原來只是為了「搵食」而生存，小時候逼她學琴學功夫學體操，都是為了將來可以輕鬆「搵食」，那做人豈不是很容易，但也很可悲？

我跟他們開玩笑說：「我未聽過讀完考古，畢業之後會餓死！」「但讀考古係唔會發達㗎噃！」「你睇吓阿邊個個仔讀 Finance 嘅，返嚟香港入啲大行做暑期工，閒閒哋三四萬人工！呢啲科至會發達㗎！」

他們苦口婆心勸我，還未及提出「金錢非萬能，發達無本心」的道理，又收到朋友來電：「有無搞錯！俾個女去以色列考古？你知唔知嗰邊打緊仗？」

我知！女兒在 Facebook 告訴我，每當聽到警報聲，全組同學就要躲入防空洞，「十分刺激！」女兒又告訴我，每天都挖得一面一身泥，日曬雨淋，「十分享受！」實在太危險了，領隊帶他們去了死海避避風頭，無端端多了幾天假期，「十分好玩！」

就憑女兒這三個「十分」的報告，已經再次肯定我讓她揀選考古這一科是做對了。

人生而要搵食，這個當然。但也有很多種「食相」，有人狼吞虎嚥，甚至食埋隔籬嗰份，結果人吃飽了，卻餓死了靈魂。我寧願我的女兒慢慢咀嚼，先餵飽靈魂。

2011年10月05日刊於香港經濟日報

brother4

佢上電視都有講，其實現很大水泡科/畢業後做不用果學科的工作，自己支持佢對女兒想法

germainehui

原帖由 小時了了 於 16-03-12 發表
本帖最後由 小時了了 於 16-3-12 07:41 編輯

係呢排咁多學生自我了結自己生命，今朝再一次睇到阿旦幾年 ...

謝謝樓主的分享，睇完後心有感觸。

Jane1983

之前有個10A男仔，亞媽係醫生。個仔有奬學金想出國讀建筑，家長接受訪問，講明反對，理由都係話將來生活、前途甘樣。一般家庭比小朋友讀考古，吾係三言兩語講十分刺激、十分好玩甘簡單。

little_yolky

原帖由 Jane1983 於 16-03-12 發表
本帖最後由 Jane1983 於 16-3-12 16:52 編輯

之前有個10A男仔，亞媽係醫生。個仔有奬學金想出國讀建筑， ...

⋯⋯我兩公婆都係讀考古的。


做考古挖掘，絕對不會一面一身泥，因為太辛苦，地方又山卡拉，衫要自己手洗，因為唔想洗，所以會儘量保持乾淨。


如果是挖掘，下雨天不能開工，因為下雨會淋得一塌糊塗，看不到遺跡。外國大遺址喜歡義工參加，一般是小探方，有錢就有帳蓬，所以也不會好天晒落雨淋。但做調查就會，真係底褲都濕埋。


考古確實十分好玩的學科。

Jane1983

回覆 little_yolky 的帖子

嘩，真係估吾到 。
讀考古、藝術史、音樂等科目，鍾意的係會好開心，但出路真係麻麻，尤其係而家學位氾濫。之前有親友仔女選科，想選冷門、坊間覺得無用的科，真係吾敢比意見，話支持呀。

MASAYA

Jane1983 發表於 16-3-14 07:45
回覆 little_yolky 的帖子

嘩，真係估吾到 。

只係香港啫，我親戚係外國讀玩遊戲讀到博士，不過近年都返香港發展，始終根係香港

little_yolky

Jane1983 發表於 16-3-14 07:45
回覆 little_yolky 的帖子

嘩，真係估吾到 。

通常讀考古的, 最好頭一年全部踢晒出去掘地。因為掘過一次, 唔怕辛苦的都一定會愛上而不能自拔(好似有D被虐待狂咁), 咁就一世了。


如果响美國, 都搵到食的。不過, 其實响香港, 讀咩科實在唔多緊要, 除非你想繼續深造做研究, 或做乜師物師, 讀書只係一個學習過程, 可以體會到唔同既嘢, 工作又係另一回事。不過, 我都真係堅擔心以後阿女同我講要讀演藝學院個粵劇學士課程。之前明明話想做唐滌生, 近日又話想做演員了, 我都適當地拉返佢出嚟, 唔俾佢鑽得太深入。

Jane1983

回覆 little_yolky 的帖子

一方面教仔女follow your dream, find your passion，stay foolish, stay hungry...，一方面就難免有現實考慮，父母就係咁樣。

Jane1983

回覆 MASAYA 的帖子

在外國遊玩、退休係一件事，搵食、生活、融入當地生活、關心當地政治，又係另一件事。

October.

係香港,除非讀專科, 唔係就讀乜都無所謂, 畢咗業中英文好最緊要.

小時了了

Jane1983 發表於 16-3-14 09:53
回覆 little_yolky 的帖子

一方面教仔女follow your dream, find your passion，stay foolish, stay hungry...，一方面就難免有現實考慮，父母就係咁樣。

一語中的作為父母的茅盾與掙扎

我自己都有呢方面嘅內心掙扎:
1) 阿女BB 時曾幻想阿女日後如果音樂/表演有興趣想讀演藝學院咁點呢? (現實係阿女連睇5線譜都唔識, 唔洗諗了);

2) 之前阿女打乒乓球有微少成就時話想做世界冠軍 (現實係今年下學期因為應付呈分試, 阿媽連學校乒乓球校隊都唔俾參加, 阿女今年恆生乒乓球賽都應該無得參加了);

3) 反而阿媽我大住肚時向天父祈禱時講過唔知阿女大個時會唔會俾上主用, 做宣教士/傳道人/志願機構內的員工... (所以阿媽我依家好努力儲錢及買窩居, 希望年老的我同C6自己攪點, 若果日後阿女真係行呢條路時唔洗擔心及太重負擔我倆老 $$ (因為呢條路, 阿女 $$ 唔會多, 好多時仲要其他人奉獻支持呢!!)  

annie40

大家樂觀點吧.

讀醫的已經有患上抑鬱。
讀oxbridge也有讀到頂唔順。
做左醫生，又痴線。

只要孩子肯讀書又鍾意讀書，父母巳是執福啦, 咪系到自己嚇自己，強要為孩子選科，選職業。

October.

annie40 發表於 16-3-14 11:58
只要孩子肯讀書又鍾意讀書，父母巳是執福啦, 咪系到自己嚇自己，強要為孩子選科，選職業。

好認同, 是我既心聲.

肯自動波讀書,成績幾好已好感恩.當初阿囡大學選科我地只是輕輕提過意見, 佢唔聽, 我地就由佢自己揀, 阿囡講過一句,讀唔中意既科分分畢唔到業, 我好信, 依家佢日日開開心心返學,GPA又過3, 肯俾我地上佢A/C睇成績, 我地已經好滿意, 感恩.   

annie40

回覆 October. 的帖子

真心戥你高興，女兒跟你咁坦白，理由足夠，證明她很有主見，無比人嚇窒,或是拋窒。香港不少孩子是被嚇着長大的，無呈呈咁選科，又儍傻下的急轉，就是計較別人的想法，（而那個（別人），包括父母，其實識野也有限），卻講到是必然，細路終日惶恐地讀書考試，又不大清楚目標，成績再好也是假象而已。家有負責任，肯讀書，會進修的孩子，能獨立思考，日後投入社會，有乜理由會唔掂？

200904

第一次知道你的考古背景，厲害

200904

我都同意。孩子喜歡怎樣就怎樣吧！始終是她的人生。我顧定自己，將來無需她養我就好了。

annie40

It is never easy to raise children.  Luckily we truly admire them as  responsible kind hearted persons, and they do truly appreciate our love and family core value.  I couldn't ask for more.  

AgapePa

little_yolky 發表於 16-3-13 23:08
⋯⋯我兩公婆都係讀考古的。

其實考古都可以好型, 兩公婆係未一個似 Indiana Jones, 另一個似 Lara Croft

964000

當初大肚時曾向上天講，我只要小朋友健康快樂便可，到之後有那個父母做到？好矛盾呀