叫仔做功課真係好辛苦！

sweethun

阿仔宜家4歲幾，讀k2,一年前check咗係自閉症譜系同埋整體發展有輕微Delay，期間協康嘅社交班同OT training, 政府醫院OT training都有去。姑娘都有講佢手部肌肉可能未發展得好，寫字會較難把握。但今時今日，佢都仲係好抗拒寫字，尤其中文字。叫佢寫直線，佢就寫曲線或斜線，總之捉佢手寫完，再佢一路寫一路提示都依然寫唔到。偶意係會寫到，但大部份時間我覺得佢係求其無心機做，用零食貼紙引佢只係間中合作。我自問脾氣耐性差，成日同自己講係佢手部發展未理想先咁，外國都話5歲寫不宜寫字，但我見到佢係不為而非不能，我嘅火就黎。次次做功課大家都好辛苦。我本身係全職媽，宜家好想返工，搵錢比人教佢做功課。我知係逃避，但真係好忟好辛苦。

chingchingma89

先同健康院的姑娘講吓，如有需要，佢地會幫你約見醫生，或會在見醫生後轉介去衞生署轄下的CAC。由於我地並非專業醫護人員，亦未見過小朋友，你應該帶他去見健康院的姑娘，這比較穩妥。

祝一切安好。

chingchingma89

原帖由 chingchingma89 於 16-03-10 發表
先同健康院的姑娘講吓，如有需要，佢地會幫你約見醫生，或會在見醫生後轉介去衞生署轄下的CAC。由於我地並 ...

覆錯了

sweethun

原帖由 02110410 於 16-03-10 發表
明白你感受。我仔細個時，我教佢寫字，都好忟佢成日想我扶佢隻手來寫。都忟左好耐，有一天佢唔再想我扶佢喇 ...

但學校老師叫我唔好捉佢手寫

chanyuen2012

係呢，我都想問下，要點教至肯寫中文字，我仔係亞氏保加，勁愛英文同埋數字，中文就唔肯認字唔肯寫，老師同我傾開呢咁上k2會好辛苦，因為一來自理唔太好，幾依賴果隻，二來k2課程會再緊湊一啲，好灰心………

sunday987

各位媽媽，有一位社工教過我，如果抗拒寫中文，可以教嘅時侯，將啲筆劃好似歌仔咁唱出嚟，一來易記，二來可以幫到佢哋專注，大家可以試下

irenelwl

我仔都有相同問題，我都有火的時候，但想佢進步，真係除左耐心教佢，同佢玩下訓練，無咩方法了。你明白佢有困難，要明白佢，鼓勵佢，你去上ot有無日日番黎同佢練小肌?控筆執筆?唔係寫字個d，會比箜較有趣味。大家都要努力丫。

chanyuen2012

原帖由 sunday987 於 16-03-11 發表
各位媽媽，有一位社工教過我，如果抗拒寫中文，可以教嘅時侯，將啲筆劃好似歌仔咁唱出嚟，一來易記，二來可 ...

頭先試左唱，我個仔話唔準唱，唯有再諗下方法

sunday987

社工有講過，可以平時玩嘅時侯，可以俾佢試下係張大紙，at least A3 size....或沙上面當玩咁寫下中文字，唔使用筆，用手指寫，希望幫到你