痴線嘅.....今日p.6考完數學減咗5分鐘重要做11版, 有冇搞錯??

iwon888

痴線嘅.....今日p.6考完數學減咗5分鐘重要做11版, 有冇搞錯??
好多同學都叫救命做唔切, 呈分試衰咗對大家都冇好處.....
叫d老師自己做–次都未必得啦~
考完試即刻又要應付中學面試, 小朋友受嘅壓力可想而知...
平時老師已經教得慢, 臨考試前重教緊考試範圍.....
到底學校搞邊科?????
唉........呢兩年d老師教學態度真係每况愈下....

sososu

係...做唔切...

iwon888

11版加埋超過40條數, 除了畫棒形圖和圓形外, 其它每條都要計....
考試時間得50分鐘, 平均分零鐘要計一條.....
請問出卷嘅老師有冇腦??? 有冇可能做到...
唔怪之得呢2年連精英班數學成績都每况愈下....
有d老師出咗名教得慢....但係重每年留係度繼續教
叫佢自己試做–次睇下可否做得哂先啦.....

so~shan

聽講話數學全級都考得唔好! 真係好唔明出到咁難,出面D中學知你考到咁深咩?睇見張成績表都唔想收喇 數學叻 考得好的學生都唔係老師教得好教得叻,只係家長比錢去學數操番黎 出到咁溫左書都考唔到好成績,真係好灰心,仲要聽老師D說話,家陣D老師唔會諗下學生都有壓力,心理,

iwon888

第2ｄ學校數學係要來拉高平均分, 但呢間就偏偏俾數學拖低哂ｄ平均分.....

學校ｄ老師根本唔會關心學生的成績, 求其教完就算.......出咁多條題目重要減了時間, 分零鐘要計一條，根本無可能完成份卷......咁攪法只會拖低全校學生banding, 隨時本來band 1成績跌落去 band 2.....人地只會睇result, 唔會知你份卷出成咁.....今次呈分試俾學校累死了

現在成績和老師教學態度每況愈下，相比李校長年代差天拱地....

afternoontea372

班數學精英响Term 1已成績大跌，數名精英哭了又哭，情何以堪呀!

afternoontea372

iwon888 發表於 16-3-10 13:09
第2ｄ學校數學係要來拉高平均分, 但呢間就偏偏俾數學拖低哂ｄ平均分.....

學校ｄ老 ...

去年十月二十日己發貼批評，但估唔到學校做得咁絕，你如果十二月十二日有去P.6家長日聽簡介，你就明白學校點解咁做。唔好怪校長，因為校長上面仲有揸拂人，睇吓李校長怱怱離職，你就知有問題，我們又可以點做?

Wistaria

方校長匆匆離職？

iwon888

今日老師淨係講咗2句, 大部份同學計得慢和全级好多人唔及格......

點解學校要咁樣做, 整死班學生有咩好處???
今次升中派位肯定大倒退.....
方校長匆匆離職又咩一回事？

afternoontea372

sorry，李校長怱怱離職才對！

afternoontea372

iwon888 發表於 16-3-14 20:55
今日老師淨係講咗2句, 大部份同學計得慢和全级好多人唔及格......

點解學校要咁樣做, 整死班學生有咩好處? ...

有冇去P.6家長日聽簡介，有你就明白學校點解咁做。

Wistaria

我是初小家長，小朋友都讀得開心，可能仍在蜜月期，没有太多壓力。但都好想知點解？因為遲早也升上高小，我都想知道高小家長對學校的睇法。有個心理準備都好

so~shan

回覆 afternoontea372 的帖子

我有去P.6簡介會下半部,我又好似唔覺有講!其實係點解要咁做?有咩用心?想留番多D自己小學學生過中學部??如果係唔需要出到份卷咁!跌晒banding!有心想番隔離都唔得! 真係好灰,有溫習狂操練習都考得唔好,我都唔敢話個小朋友,努力溫,成績就咁,佢自己都好唔開心,根本出得太多唔夠時間做累事!

afternoontea372

1. 以往老師建議小朋友往外闖、並說隔離不一定對佢好。但今年對往外闖一事隻字不提，而且話隔離都係一個選擇。
2. 往年家長會提供派往各知名中學的學生在嘉小的最低名次，作為選校的參考。今年校方拒絕提供這方面的資料，但特別强調隔離嘉書的入U率。

校方有何用意，自己諗吓啦。

afternoontea372

Wistaria 發表於 16-3-15 13:23
我是初小家長，小朋友都讀得開心，可能仍在蜜月期，没有太多壓力。但都好想知點解？因為遲早也升上高小，我 ...

家長嘅不滿前面已經有提及，作為高年班學生家長，學生「被降band」當然有微言，乃人之常情。

iwon888

簡介會冇講點解減時間，淨係講宗教以後唔開書....
考卷和時間唔係教育局有規管咩??? 咁第2間小學時間多ｄ和考小ｄ咪好着數??
係...今年校方拒絕提供過往考入各知名中學的資料...
即係想迫多ｄband1生去報隔離?? 出到整死你地ｄ成績呢招真係夠毒.....

iwon888

照咁睇往年確係最top班學生全部走哂.....隔離留位俾嘉小就迫住收埋班蘿底橙~
所以今年夾埋整死班學生，數學主科失手名校都好難入到.....

iwon888

今日去閱卷50分鐘, 考卷11版連埋畫圖+文字题總共45题
文字题重要答到水蛇春咁長，你地話有冇可能完成份卷
根本無可能分零鐘做到一條......個數學老師教到考試前一周都未教完書，從來冇教過和操練學生點樣可以計快ｄ條數......
重唔係大整蠱???

afternoontea372

減時間唔緊要，校方將試題相應調整便是，校長在家長會中說過會這樣做，可是小朋友回來說老師話唔會减題目。校方點解咁做，我就唔敢胡亂猜測，但結果相信係學生會受到傷害。

afternoontea372

iwon888 發表於 16-3-15 17:26
照咁睇往年確係最top班學生全部走哂.....隔離留位俾嘉小就迫住收埋班蘿底橙~
所以今年夾埋整死班學生，數學 ...

一直以來，嘉小前二、三十名都唔會過隔離，再加上近年出生率下降，好多英中都要收band 2學生，唔出奇招點收生。