4年班學生成績差問題

hoiyee67

仔有專注力問題，全級165人考14x,平均分都5合格，上年曾經考過第二間次級校但轉唔到(應該係因為差所以5收)，佢自己唔想轉校，好想繼續讀，一講留班同轉校就會好唔開心，有鼓勵佢，但成日唔上心，問老師就話覺得可以睇埋下學期，我地就其實想轉校留班，但無奈成績甘差可以點？佢繼續升上去啲野只會越來越深，越來越越跟5到，想問下各位我可以點做？我最怕上到b3中學會學壞，變壞就難搞了...都知自己仔不是讀書材料，小學一直有補習但效果不大，下學期已請了兩科專人私補，未知效果....真係好擔心

wan_sosin

親戚有個小朋友，讀書麻麻，小四時老師建議留班，留咗一年有進步，由原本可能要入band 3,最後升中都上到Band 2! 留班其實真的有機會幫到個學生，給你參考下。

hoiyee67

老師就係話睇埋下學期先，同埋都有講未必人人啱留班，通常要去到考尾十先會留😣轉其他學校差得濟冇人收，佢又好鍾意返學，好矛盾😢😢😢

aptcan

你仔都未係太差，對下尚有十幾人係佢後面，同埋你個仔又唔抗拒學校，我覺得唔洗轉，就算band 3學校都未必一定全部係壞學生，同埋嘗試P.5時努力上BAND 2，到時你可以留意吓b2或直資都可以﹗

hoiyee67

原帖由 aptcan 於 16-03-02 發表
你仔都未係太差，對下尚有十幾人係佢後面，同埋你個仔又唔抗拒學校，我覺得唔洗轉，就算band 3學校都未必一 ...

甘又係，所以咪就係矛盾囉，佢又鐘意間學校，學校又冇暗示話佢太差叫我轉校（佢讀緊嗰間係地區性名校），我只係驚佢遲啲越來越追不上就會厭惡讀書，繼而受朋輩影響再升到中學會被人恰😑真係好擔心佢，因為佢個性好天真，一啲都5似9歲小朋友，好bb

aptcan

男仔係遲熟啲，最緊要係專注力問題上下對策，雖然香港求學真係求分數，但人生漫長，仔仔在此領域不出色，將來都未必是失敗，我仔啲成績是大上大落，我也只能如此自我安慰﹗

艾菊

專注問題係指心散定係專注失調? 有做過評估嗎？有親戚小朋友食藥後有改善，你可以試下

hoiyee67

原帖由 艾菊 於 16-03-02 發表
專注問題係指心散定係專注失調? 有做過評估嗎？有親戚小朋友食藥後有改善，你可以試下



  ...

已有食藥，但效果不大

stockmike

如唔食藥會出現乜嘢問題？我認為要學童學習好的先決是要有正常的荷爾蒙分泌，而最影響小童荷爾蒙的正是情緒，反正都 band 3 學生，nothing to lose. 試下揾樣佢有興趣或比較叻的東西俾佢學增強自信先，當人攞到滿足感情緒便會相應較好，學習能力會增強。我相信而家小四你再增加補習也幫助不大。

schumacher

建議留班，打好基礎，去到中學都唔會太辛苦。

kkhon

通常考尾幾先可以留班，插班的多數想收d成绩好，樓主囝囝又未到最差果d，所以兩樣都難。只好睇緊d，睇下大d會吾會好d上番band2，最多到時揀d校風好d的band2/3

hoiyee67

原帖由 stockmike 於 16-03-02 發表
如唔食藥會出現乜嘢問題？我認為要學童學習好的先決是要有正常的荷爾蒙分泌，而最影響小童荷爾蒙的正是情緒 ...

唔食會影響課堂行為不專心，我明發揮長處會增自信，可惜到現在都找不到一樣興趣係佢優點，我只發現佢最叻就係研究巴士，地鐵，去邊到搭幾号就最叻，其他如游泳，打波，樂器都是好一般，作為母親我都覺是失敗的

hoiyee67

原帖由 kkhon 於 16-03-03 發表
通常考尾幾先可以留班，插班的多數想收d成绩好，樓主囝囝又未到最差果d，所以兩樣都難。只好睇緊d，睇下大d ...

就係囉，呢啲係最慘

YanKanMom

hoiyee67 發表於 16-3-3 07:59
唔食會影響課堂行為不專心，我明發揮長處會增自信，可惜到現在都找不到一樣興趣係佢優點，我只發現佢最叻就 ...

最近剛看到一個節目關於英美醫學研究人員就安慰劑(Placebo)的成效做測試。測試範圍包括：運動員服安慰劑前後的表現、脊椎受傷、高山症、腸易激症、柏金遜症等。結果發現服食安慰劑(不含藥物，可能只是一些粟粉。)與服食真正藥物或接受真正治療的兩個組別病人/測試者所產生的成效分別不大。專家說人的預期認知會使人腦啟動自療機制的。這樣，會否多些肯定及讚賞阿囝的強項，如出街由他領路，跟他上網上圖書館找巴士鐵路資料。讓他在某一範疇有真正的滿足及成功感後從而提昇對自己的期望，其他相關問題也許會有所進步吧。

stockmike

原帖由 hoiyee67 於 16-03-03 發表
唔食會影響課堂行為不專心，我明發揮長處會增自信，可惜到現在都找不到一樣興趣係佢優點，我只發現佢最叻就 ...

我每次見到小兒對某一樣事物產生強烈興趣時，我都會感到開心，雖然五花百門，大多不能持續。 但我相信佢有要求去做或動手時，我們全力地陪同投其所好陪伴討論(打機睇電視除外), 已經能滿足佢好奇心及感覺受到支持，情緒自然會好。做完學校基本功課係後試吓放低少少額外温書時間，陪佢或助他揾吓他感興趣的事，多啲無聊談話，年紀小的他們只需要需要陪伴及有人聆聽。反正你都說他是 band 3 成績，nothing to lose 呀 !