申請S位程序

cheukyin223

我個仔宜家兩歲大，在協康會評估之後確發現係整體發展遲緩同有自閉症。協康會建議我去報特殊幼稚園，因住址地區關係,社署話我要經明愛家庭綜合中心辦手續申請S位。等咗兩個星期明愛先約我第一次面談，傾吓阿仔嘅情況，但個社工就完全無同我講過申請特殊學校嘅嘢，我帶埋協康會幫我填果份S位學校申請表同阿仔份評估報告去佢又無睇吓，剩係叫我返去等約時間做家訪。我問個社工佢自己都唔清楚D嘢，搞到我好徬徨。我想問吓申請S位嘅程序係點?要幾耐先加入到中央轉介系統輪候學位。有無家長都係經明愛處理?點解要做家訪？
我有幫個仔報協康會嘅言語治療，但要排三甴個月先有位。請問大家有無言語治療服務介紹？謝謝。

西瓜貓

你去醫院的兒童體能智力評估中心（CAC)排隊，本來排CAC起碼半年至一年先至做到評估，但你自己已經喺協康做咗評估，所以你拎住封信去聯絡嗰度嘅社工佢哋會幫到你，如有錯請其他人指正！希望幫到你！

cheukyin223

我已聯絡咗我住嗰區負責轉介的社福機構（即明愛）有關的社工，但負責我個case嘅社工話自己係實習嘅學生，佢都唔清楚D程序，我問佢幾時有咩文件我要準備，幾時搵學校，點樣搵學校等，佢全部都唔清楚，搞到我都唔知點算好。有無家長可以教吓我

funghon

建議你排特殊幼兒中心，應該各方面都慢左，應該找私人5日密集課程。

DollyCC

搵你個區cac社工幫你排

bb65

回覆 cheukyin223 的帖子

找醫院兒童體能評估中心(簡稱:CAC)既醫務社工幫你安排服務

legolas625

如果樓主第一次不在CAC評估，而是在外面自費評估，不會由醫務社工(專跟醫院CASE)跟進排位，而是由地區社工(跟地區CASE，咩野都跟，可能唔熟IES位)例如家福會社工，跟進排位，呢個係佢地的係制度，如果協康已幫你排S，地區社工要再跟進，安排你揀學校志願，強烈建議你快D追返社工，第一次填左志願先算有申請號碼，十分重要，會影響未來派位先後。

legolas625

你叫番個實習社工問番其他同事，唔明就問人，唉，依家D大學生真係.......

你應該有份表填3個志願。

KCHK

我當時都係用私人心理學家個report 去找自己的社區社工, 我記得係要d 時間比社工佢將個report 交比個社工上司然後先選擇學校的。我記得呢個社工都好後生， 但我係先打電話找社工， 兩日後有社工覆我電話及約見，佢都話佢唔多熟, 但問左上司要點處理。樓主， 你記得追緊d 呀

cheukyin223

多謝各位的意見,我會追緊，但個社工係實習學生，佢平時要返學，一星期得一日返中心工作，好難先搵到人。奇怪的是個社工無收過我份評估報告喎，佢望咗個報告一眼咁多就俾返我，我話留份copy俾佢同上司傾佢又話唔駛。

另外想請問大家要幾耐先上到輪候冊呢？

legolas625

你填左志願表，交俾社工，社工再入紙，你之後應該會收到社署一封信確認你的志願選擇，上面會有小朋友的輪候號碼，代表你正式入輪候冊排隊。

至於入紙快慢，視乎你的社工好唔好，我的醫務社工好資深，明白拿號碼重要性，提我快D交表，講明她會即刻入紙，結果睇番日期幾日就排左，我又聽過有社工為方便自己，集齊一個月再入紙，就會慢。

所以你真係快D追，派唔派到位，有時可能只差一個月。

cheukyin223

回覆 legolas625 的帖子

請問志願表是上網可以下載，還是要問社工拎？

dorming

經協康評估後，你有否填同意書讓協康幫你入份From 去社會福利處排S位？如果有一般會兩星期後有社會福利處社工主動聯絡你。

你盡快向協康查詢有否幫你入From, 再請教她們你應該再做什麼才能排到S位。

KCHK

份志願表係社工比的, 應該無得download， 其實你住個區真係得明愛呀？有無家福會呀？家福會比較熟呢d 情況, 你可以問跟的社工上司嗎？真係唔好再拖時間了, 出到個number 先係開始排位, 如果唔係咩到唔係。另外有無排協康會私人的training 呢？我想問協康份報告有無寫見意入s 位之外有無寫排E 位做過度期呀？

KCHK

剛剛我再睇返你post 的主題, 我想問下你仔是否完全無講野? 認知點樣? 唔好意思我想講得直接d ， 協康出得report 入S位一定係整體能力低於正常小朋友起碼一年或以上的。 如果經濟能力可以， 應該上一d 密集班或社交班。我仔都係Global delay 一開始都係上言語治療（唔係協康的）, 但只係一上堂就哭, 好快就上完一堂, 無進步到。我就轉左上社交小組， 上左呢個堂就明顯見到進步，起碼會聽指令。

wincat

請問出面私人的會快點有得上堂嗎。今日得知我仔(21 mths)又係global delay, 怕協康要排好耐。可以介绍私人的course 嗎？

KCHK

想上什麼私人堂呢？社交? 密集? 感統? 言語? 坊間好多選擇的。 我之前是每一間都試下打電話及上網大包圍地找， 經驗是好似睇醫生咁， 都要睇下同導師夾唔夾的。