有時候覺得自己作爲母親，總是心有餘而力不足

200904

兩個孩子小一了，做了差不多7年的母親，有時候真的覺得自己心有餘而力不足，大家有無這種感覺？

一路以來，我都希望帶給自己孩子正面的思想，其實，她們兩個算是很少要我操心的了。品性算是很純良的，學習成績也不錯，不用我擔心。但，小孩子終究是小孩子，自然有她們頑皮的時候，我，終究也是個凡人，有脾氣暴躁的時候，有心煩意亂的時候。

前一天，還在心中感嘆 - - 話説聽到一個小朋友問媽媽，媽媽，你看，有雙胞胎唉，你也給我生個小弟弟，小妹妹好不好？那個母親黑口黑面地說，我可不想那麽早死，你已經搞到我想死，再生一個，我立即死了算了。當時，真替那個小朋友傷心。

但今天，我自己都差一點說出這樣的話來。哎！

Jane1983

盡好自己的責任就係啦，大家都係凡人，每日甘生活，吾係電影中的一個snapshot，無女人可以日日都甘愛心滿瀉、耐性爆棚地母儀天下，盡力而為，問心無愧就够。

little_yolky

200904 發表於 16-2-29 15:39
兩個孩子小一了，做了差不多7年的母親，有時候真的覺得自己心有餘而力不足，大家有無這種感覺？

一路以來 ...

前排見你小朋友考試唔錯, 心情好咗D, 咁快又心有餘力不足????

小朋友搞到想死既日子, 响阿細剛升上小一頭兩個月出現。不過, 我又用多兩個月適應（係, 你無睇錯, 係我適應, 唔係阿細適應）我睇化咗了。可能我的神經比較大條, 想到明天會更好, 咁其實又唔需要過份勞氣的。始終小朋友已經九成時間都係乖寶寶, 我哋無謂強求一個十全大寶寶。

你有兩個孖既係辛苦D, 努力！

Yanamami

小一！禁快想死？有排捱耶~~仲未到青春期呢，好戲在後頭呀~

S-Kwok

原帖由 little_yolky 於 16-02-29 發表
前排見你小朋友考試唔錯, 心情好咗D, 咁快又心有餘力不足????

小朋友搞到想死既日子, 响阿細剛升上小一頭 ...

上星期我都想死，喊完痛完傷心完，又要重新出發。
加油

wan_sosin

原帖由 S-Kwok 於 16-02-29 發表
上星期我都想死，喊完痛完傷心完，又要重新出發。
加油

我經常來回地獄又折返人間，最近落咗幾層都未得切上返嚟，轉頭再跌多幾層

marble2004

回覆 200904 的帖子

加 油,  照顧 小朋友 有 時 真是 心 力交瘁,  但 小朋友 始終 都 細,  要 我們 養 育,  我 自己 有 時 累 了,  睡 一 覺,  心 情 就recover

共 勉 之

Yanamami

教你地一个“振作”既方法：

先前我女惹左个怪病，騰折—輪謝天謝地唔係“騎呢”野｡果刻我話，考乜学校都無所謂，失幾多个獎牌都唔紧要，佢再頂心杉我都願忍，我只係想要个女健康~

再唔係，过SPECIAL果边睇下其他宝宝，就会感到自己幸福~
好多時真係要失去先会珍惜~

Jane1983

其實呢個時刻 - 仔女仲細仲好愛你好黏你，上一代又未話身體出也野大問題，自己又正當盛年，夫妻感情ok，在人生路上已算係 in a very goodplace，你以為係水深火熱，其實係要珍惜當下。

HaYi

有時候覺得自己作爲母親，總是心有餘而力不足....其實我時常亦是這樣覺得, 因此, 生了大仔後, 我坐不夠月即上班, 因為要盡快理順工作,  之後又投入地進修, 甚至挺著第2胎大肚考試, 同時為大的考小學奔波, 以為只要自己夠努力,  一切可以有把握, 一家大小以後的路會好走些.   

但新鮮事總有太多..... 是太多的意想不到及不受控,  當一個人被逼同時面對生老病死, 才漸漸明白人是要學習知足.  很多事自己努力了, 過了自己就可以了, 現在, 我明白學習享受生命中的平靜才是真理.  

樓主是twins, 更需要放鬆自己, 有了健康的兒女, 已是恩賜, 其它的只是成長路上的枝節, 會化解的, 共勉之.   

wan_sosin

睇完你哋上面講嘅嘢!真係唔該比我喊下

我仔就係"Special",老師來電是家常事!我要照顧有長期病嘅呀媽!

S-Kwok

原帖由 Yanamami 於 16-02-29 發表
本帖最後由 Yanamami 於 16-2-29 21:14 編輯

教你地一个“振作”既方法：

我咪其中一個囉，仲要唔止一樣。
不過，我感恩媽媽健康，已經係一種幸福

Rachelmummy2008

我囡囡曾經在我不高興時寫了一張 A4 紙，大大隻"I'm sorry",+ 一個流淚的樣子。
我當堂感動到，因為有時自己的責罵也過火了。孩子是愛父母的，希望原諒及理解。
後來亦再有爭執，我們以類似的方式和解了。
和學校的家長談起此事，有另一位同學也曾寫過呢。
還有一次，學校剛教完弟子規沒有多久，又與孩子對抗，大家也像是下不了火，孩子手上拿着弟子規遞給爸爸看，我還凶巴巴地說看什麼？原來那一節有一篇故事，其中一段是 [ 媽媽雖然很嚴厲，但我還是愛媽媽 ] 。
媽媽們，加油呀！

bongbongmum

wan_sosin 發表於 16-2-29 20:51
我經常來回地獄又折返人間，最近落咗幾層都未得切上返嚟，轉頭再跌多幾層



  ...

真係講得到肉, 完全講到我地做媽媽的心情有几大上大落.

wan_sosin

原帖由 bongbongmum 於 16-03-01 發表
真係講得到肉, 完全講到我地做媽媽的心情有几大上大落.

當然有咁嘅深切感受先講得出！
大家加油！

little_yolky

wan_sosin 發表於 16-2-29 23:29
睇完你哋上面講嘅嘢!真係唔該比我喊下

我仔就係"Special",老師來電是家常事!我要照顧有長期病嘅呀媽 ...

Jane1983講得啱。伯母有你照顧係福氣。
我也有長期病患兼坐輪椅+腦退化阿爸。我就咁諗, 咁多個姐妹, 個天安排自己可以照顧佢, 係我既福氣嚟。

little_yolky

Rachelmummy2008 發表於 16-3-1 15:19
我囡囡曾經在我不高興時寫了一張 A4 紙，大大隻"I'm sorry",+ 一個流淚的樣子。
我當堂感動到:laug ...

我那個就試過事過境遷後, 有一朝我拖住佢行去校巴站, 佢同我講：媽媽, 你最近鬧我既說話好難聽, 我聽到好傷心的, 如果我咁樣話你, 你係咪會好唔開心? 下次唔好咁講了。阿女不斷地讓我學習改善, 大家都要努力。

wan_sosin

原帖由 little_yolky 於 16-03-02 發表
Jane1983講得啱。伯母有你照顧係福氣。
我也有長期病患兼坐輪椅+腦退化阿爸。我就咁諗, 咁多個姐妹, 個天安 ...

我媽真係算福氣，我哋幾姊妹分工照顧佢！我最近都多咗福氣，之前我媽情緒唔穩定，經常發脾氣，而家少咗發脾氣同知道我哋幫緊佢！我個心都好過D!
但個仔就。。。問題沒完沒了！
安慰嘅係佢學業唔錯！老師唔多唔少都比返D面！雖然我本身覺得唔應該因成績而對個學生加分，但現實就係咁。

vincat

其實大家都有大家既難處, 睇完以上心情, 覺得辛苦既唔只自己, 又振作起來, 繼續努力面對困難, 盡力做個好媽媽

Yanamami

little_yolky 發表於 16-3-2 10:22
我那個就試過事過境遷後, 有一朝我拖住佢行去校巴站, 佢同我講：媽媽, 你最近鬧我既說話好難聽, 我聽到好傷 ...

呢d禁坦白既細路真好……我大女……唔声唔声含恨在心~我真係死左唔知乜事，或—个世紀之後先知……—切已太遲~